പ്രണയ പരാജയത്തിന് ശേഷം ആ താരജോഡികള്‍ വീണ്ടും ഒരു സിനിമയ്ക്ക് വേണ്ടി ഒന്നിച്ചു, സെറ്റില്‍ സംഭവിച്ചത്?

ജബ് വി മെറ്റ് ചിത്രം

ഇംതിയാസ് അലി സംവിധാനം ചെയ്ത ജബ് വി മെറ്റ് എന്ന ചിത്രം റിലീസ് ചെയ്തിട്ട് പത്ത് വര്‍ഷം പൂര്‍ത്തിയാകുന്നു. ഷാഹിദും കരീനയും പ്രണയ തകര്‍ച്ചയില്‍ നില്‍ക്കുന്ന സമയത്തായിരുന്നു ചിത്രത്തിന്റെ ഷൂട്ടിങ് നടന്നത്.

തരുണ്‍ രാജ് അറോറ പറയുന്നു

ജബ് വി മെറ്റ് എന്ന ചിത്രത്തില്‍ അന്‍ഷുമാന്‍ എന്ന കഥാപാത്രത്തെ അവതരിപ്പിച്ച നടനാണ് തരുണ്‍ രാജ് അറോറ. ഷൂട്ടിങ് സെറ്റില്‍ അന്ന് കരീനയും ഷാഹിദും എങ്ങിനെയായിരുന്നു എന്ന് ഒരു അഭിമുഖത്തില്‍ തരുണ്‍ സംസാരിക്കുകയുണ്ടായി.

ഷൂട്ടിങിനെ ബാധിച്ചില്ല, പക്ഷെ..

ഇരുവരുടെയും പ്രണയം തകര്‍ന്ന് ജീവിതത്തിലെ ഏറ്റവും മോശം അവസ്ഥയില്‍ നില്‍ക്കുന്ന സമയമായിരുന്നു അത്. എന്നാല്‍ അതൊന്നും സിനിമയെ ബാധിച്ചിട്ടില്ല. പക്ഷെ ഇരുവരും കുടുത്ത മാനസിക സമ്മര്‍ദ്ദം അനുഭവിച്ചിരുന്നു.

ഒട്ടും കംഫര്‍ട്ട് ആയിരുന്നില്ല

പൊതുവെ ഒരു ചിത്രത്തിന്റെ ഷൂട്ടിങ് സെറ്റില്‍ ചെന്നാല്‍ നായികയും നായകനും ക്യാമറയ്ക്ക് പിന്നിലും നല്ല സ്‌നേഹത്തോടെ പെരുമാറുന്നത് കാണാം. ചിരിയും കളിയും തമാശയുമൊക്കെ ഉണ്ടാവും. അത് പലപ്പോഴും ഓണ്‍സ്‌ക്രീനില്‍ സഹായിക്കും. എന്നാല്‍ ജബ് വി മെറ്റ് എന്ന ചിത്രത്തിന്റെ ലൊക്കേഷനില്‍ ഷാഹിദും കരീനയും ഒട്ടും കംഫര്‍ട്ട് ആയിരുന്നില്ല

പ്രൊഫഷണലാണ്

കരീന കപൂറും ഷാഹിദ് കപൂറും തീര്‍ത്തും പ്രൊഫഷണല്‍ ആണെന്ന് തരുണ്‍ രാജ് അറോറ പറയുന്നു. അഭിനയത്തെ വളരെ ഗൗരവത്തോടെയാണ് കാണുന്നത്. അതുകൊണ്ടാണ് ജോലിയും വ്യക്തി ജീവിതവും കൂട്ടി കുഴയ്ക്കാതെ അവര്‍ക്ക് ഒന്നിച്ച് ആ ചിത്രത്തില്‍ സഹകരിക്കാന്‍ കഴിഞ്ഞത്- തരുണ്‍ പറഞ്ഞു.