'നിനക്കെന്തൊരു കഴിവാണെന്ന് സബയോട് സൂസാന്ന'; ഹൃത്വിക്ക് റോഷന്റെ മുൻ ഭാര്യയും ഇപ്പോഴത്തെ കാമുകിയും കട്ട ചങ്ക്സ്!

പിതാവ് രാകേഷ് റോഷന് നേരെ ഒരിക്കൽ ഗുണ്ടാസംഘം വെടിയുതിർത്തപ്പോൾ സിനിമ ഉപേക്ഷിക്കാൻ ഹൃത്വിക്ക് തീരുമാനിച്ചിരുന്നു. സിനിമയിൽ എത്തിയിട്ട് ഇരുപത് വർഷം പിന്നിടുമ്പോൾ കഥാമൂല്യം ഉള്ളതും ആക്ഷന് പ്രാധാന്യമുള്ളതുമായ ഒട്ടനവധി ചിത്രങ്ങളിൽ നായകനായി അഭിനയിച്ച് കഴിഞ്ഞു ഹൃത്വിക്ക്. അടുത്തിടെയായി നിരന്തരം ഹൃത്വിക്കിനൊപ്പം എപ്പോഴും ഒരു പെൺകുട്ടിയുള്ളത് വലിയ വൈറലായിരുന്നു. ഹൃത്വിക് റോഷനൊപ്പം അഞ്‍ജാത യുവതിയെന്ന തരത്തിൽ അടുത്തിടെ സിനിമ മാധ്യമങ്ങളിൽ വാർത്ത വരികയും തുടർന്ന് അത് നടി സബ ആസാദാണെന്ന് തിരിച്ചറിയുകയും ചെയ്‍തിരുന്നു. ഇരുവരും ഒന്നിച്ചുള്ള വീഡിയോ ആണ് ഓൺലൈനിൽ തരംഗമായത്. സബയ്‍ക്കൊപ്പമുള്ള ഹൃത്വിക്കിന്റെ ഫോട്ടോകൾ വൈറലായിരുന്നു.

ഹൃത്വിക് റോഷൻ ഒരു ഡിന്നർ ഡേറ്റിനായി സബയ്‍ക്കൊപ്പം എത്തിയപ്പോൾ എടുത്ത ഫോട്ടോകളാണ് പ്രചരിക്കുന്നത്. ഇരുവരും പ്രണയത്തിലാണെന്നും വാർത്തകൾ പ്രചരിക്കുന്നുണ്ട്. ഹൃത്വിക് റോഷൻ ഇതിൽ ഔദ്യോഗികമായി പ്രതികരിച്ചിട്ടില്ല. സൂസാന്ന ഖാനുമായുള്ള വിവാഹമോചനത്തിന് ശേഷം ഹൃത്വിക് റോഷൻ ആദ്യമായാണ് ​ഗോസിപ്പ് കോളങ്ങളിൽ നിറയുന്നത്. സുശാന്ത് സിംഗ് ചിത്രമായ ഡിറ്റക്ടീവ് ബ്യോംകേഷ് ബക്ഷിയിലൂടെ ശ്രദ്ധേയായ നടിയാണ് സബ ആസാദ്. ദിൽ കബഡിയെന്ന ചിത്രത്തിലും സബ വേഷമിട്ടിട്ടുണ്ട്. ഹൃത്വിക്ക് സബയും സുഹൃത്തുക്കളാണെന്നും ഇരുവരും ഒന്നിച്ച് സമയം ചെലവിടാറുണ്ടെന്നും സിനിമാ മാധ്യമങ്ങൾ റിപ്പോർട്ട് ചെയ്‍തിട്ടുണ്ട്. ഹൃത്വിക്കും സൂസനുമായുള്ള വിവാഹമോചനം 2014ലായിരുന്നു. ഇരുവർക്കും രണ്ട് മക്കളാണ് ഉള്ളത്. ഹൃതാൻ, ഹൃഹാൻ എന്നിവരാണ് മക്കൾ. ഫൈറ്റർ എന്ന സിനിമയാണ് ഹൃത്വിക് റോഷന്റേതായി ഇനി റീലീസ് ചെയ്യാനുള്ളത്.

എന്നാൽ ഇപ്പോൾ സബയെ കുറിച്ച് സൂസാന്ന പറഞ്ഞ വാക്കുകളാണ് വൈറലാകുന്നത്. അടുത്തിടെ സബാ ആസാദിന്റെ ഒരു പരിപാടിയിൽ സൂസാന്ന പങ്കെടുത്തിരുന്നു. ശേഷം സബയെ കുറിച്ച് സോഷ്യൽമീഡിയയിൽ സൂസാന്ന ഇങ്ങനെ എഴുതി. 'എന്തൊരു അത്ഭുതകരമായ ഈവ്നിങ്... നീ സൂപ്പർ കൂൾ ആണ് സബാ... അത്യധികം കഴിവുള്ള കുട്ടി' സൂസന്നയുടെ അഭിനന്ദനങ്ങൾക്ക് മറുപടിയായി സബാ ആസാദ് സൂസാന്നയെ 'സൂസി' എന്ന് വിളിക്കുകയും തന്റെ പരിപാടി ആസ്വദിച്ചതിന് നന്ദി അറിയിക്കുകയും ചെയ്തു. ഹൃത്വിക്കിന്റെ മുൻ ഭാര്യയുടേയും ഇപ്പോഴത്തെ കാമുകിയുടേയും സൗഹൃദം പാപ്പരാസികളെപോലും അത്ഭുതപ്പെടുത്തിയിരക്കുകയാണ്.