അന്ന് രൺവീറിനോടൊപ്പം താമസിക്കുവാൻ ആഗ്രഹിച്ചിരുന്നില്ല! കാരണം ഇതാണ്, വെളിപ്പെടുത്തി ദീപിക

പാരമ്പര്യത്തിൽ വിശ്വസിക്കുന്ന ഒരു വ്യക്തിയാണ് താൻ. അത് തുടർന്നു പോകുക എന്നത് തന്നെ സംബന്ധിച്ചടത്തോളം വളരെ പ്രധാനപ്പെട്ടതാണ്. പാരമ്പര്യത്തിൽ നിന്ന് വിട്ട് നിൽക്കാൻ പലയിടത്തു നിന്നും തനിയ്ക്ക് പ്രലോഭനങ്ങളുണ്ടായിരുന്നു. എന്നാൽ‌ തനിയ്ക്ക് അതിനോട് താൽപര്യമില്ലായിരുന്നു. എന്നാൽ രൺവീറിന് എന്തായാലും സമ്മതമായിരുന്നു.

എന്റെ തീരുമാനത്തോടെപ്പം നിൽക്കാനായിരുന്നു രൺവീറിന്റേയും താൽപര്യം. നിന്നെ എന്താണ് സന്തോഷിപ്പിക്കുന്നത്. അതാണ് എന്റേയും സന്തോഷം. അതുകൊണ്ട് തന്നെ, തങ്ങൾ ഈ തീരുമാനവുമായി മുന്നോട്ട് പോയത്. എല്ലാം അതിന്റേതായ സമയത്തിനു നടക്കുമെന്ന് വിശ്വസിക്കുന്ന ആളാണ് താൻ. അതുകൊണ്ട് തന്നെ അതാത് കാര്യങ്ങൾ കൃത്യസമയത്ത് ചെയ്യാനാണ് ആഗ്രഹിക്കുന്നത്. എന്റെ അച്ഛനും അമ്മയും എല്ലാ കാര്യങ്ങളും അങ്ങനെ തന്നെയാണ് ചെയ്തിരുന്നത്. വേറെ വഴികളൊന്നും തനിയ്ക്ക് അറിയില്ലെന്നും നടി കൂട്ടിച്ചേർത്തു.

വിവാഹത്തിന് മുൻപ് തന്നെ ഒരുമിച്ച് ജീവിക്കാൻ തുടങ്ങിയിരുന്നെങ്കിൽ , വിവാഹത്തിനു ശേഷം എന്താണ് കണ്ടെത്തുവാൻ കഴിയുക,, ദീപിക ചോദിക്കുന്നു. എന്നാൽ ഇപ്പോൾ അങ്ങനെയാണ്. ഒരുമിച്ച് ജീവിക്കുകയും പരസ്പരം കൂടുതൽ മനസ്സിലാക്കുകയും ചെയ്യുന്നുണ്ട്. ഇതാണ് തങ്ങളുടെ ജീവിതത്തിലെ ഏറ്റവും മികച്ച തീരുമാനങ്ങളിലൊന്ന്- ദീപിക കൂട്ടിച്ചേർത്ത്.

വിവാഹം വലിയ പ്രശ്നമാണെന്ന് കരുതുന്നവരുണ്ട്. എന്നാൽ ഞങ്ങളുടെ അനുഭവം അങ്ങനെയല്ല. വിവാഹത്തിൽ ഞങ്ങൾ വളരെയധികം വിശ്വസിക്കുന്നുണ്ട്. ഒരുമിച്ചുള്ള ഓരോ നിമിഷവും ഞങ്ങൾ അസ്വദിക്കുകയാണ്- ദീപിക പറഞ്ഞു. വിവാഹത്തിനു ശേഷം ഒരു ചെറിയ ഇടവേളയ്ക്ക് ശേഷം ദീപിക വീണ്ടും സിനിമയിൽ സജീവമാകുകയാണ്. ഭർത്താവ് രൺവീറിനോടൊപ്പമാണ് ആദ്യ ചിത്രം.