ഒരുനാൾ നീയും പറന്നുയരുമെന്ന് അറിയാമായിരുന്നു!! മകൾക്ക് ആശംസയുമായി സൂപ്പർ സ്റ്റാർ

മകൾക്ക് 18

ഷാരുഖാന്റേയും ഗൗരി ഖാന്റേയും മൂത്ത് മകളാണ് സുഹാന. നിയമപരമായി മകൾ പ്രായപൂർത്തിയായതിന്റെ സന്തോഷം പങ്കുവെച്ചിരിക്കുകയാണ് ഷാരൂഖ്. എല്ലാ പെൺമക്കളേയും പോലെ നീയും ഒരുനാൾ പറന്നുയരുമെന്നെനിക്കറിയാമായിരുന്നു. ഇനി മുതൽ നിയമപരമായിത്തന്നെ നിനക്ക് അത് ചെയ്യാം. പതിനാറ് വയസ് മുതൽ നീ എങ്ങനെയായിരുന്നുവോ അതു പോലെ ഇനിയും തുടരാമെന്നും സ്നേഹത്തോടെ എന്ന് ഷാരൂഖ് ഖാൻ ട്വിറ്ററിൽ കുറിച്ചു. കൂടാതെ മകൾക്ക് പിറന്നാൾ ആശംസയുമായി ഖാന്റെ ഭാര്യ ഗൈരി ഖാനും രംഗത്തെത്തിയിട്ടുണ്ട്. ട്വിറ്ററിലൂടെയാണ് ഗൗരിയും മകൾക്ക് പിറന്നാൾ ആസംസ നേർന്നിരിക്കുന്നത്. മകളുടെ ഫോട്ടേ പങ്കുവെച്ചതിനു ശേഷമാണ് പിറന്നാൾ ആശംസ നേർന്നിരിക്കുന്നത്.

ബോളിവുഡ് പ്രവേശനം

പ്രേക്ഷകർ എല്ലാവരും ആകാംക്ഷയോടെ കാത്തിരിക്കുന്നത് സുഹാനയുടെ ബോളിവുഡ് പ്രവേശനമാണ്. മകൾക്ക് സിനിമ സിനിമ അഭിനയമാണ് താൽപര്യമെന്നും ഡിഗ്രി പൂർത്തിയാക്കിയതിനു ശേഷം സിനിമയിലേയ്ക്ക് എത്തുമെന്നും കിങ് ഖാൻ തന്നെ വ്യക്തമാക്കിയിരുന്നു. ഇക്കാര്യം മകളോട് താൻ പറഞ്ഞിട്ടുണ്ടെന്നും ഷാരൂഖ് പറഞ്ഞിരുന്നു. അച്ഛനെ പോലെ മകളും അഭിനയത്തിൽ മിടുക്കിയാണെന്ന് ഇതിനോടകം തന്നെ തെളിയിച്ചിട്ടുണ്ട്. സുഹാന അഭിനയിക്കുന്നതിന്റെ വീഡിയോ ക്ലിപ്പ് വൈറലായിരുന്നു.

സുഹാന മികച്ച നടി

സുഹാന അഭിനയിച്ചിരുന്ന ഒരു നാടകത്തിന്റെ ക്ലിപ്പാണ് കുറച്ച് നാളു മുൻപ് വൈറലായത്. ഇതു കണ്ട് പലരും താരപുത്രിയ്ക്ക് ആശംസ അറിയിച്ചെത്തിയിരുന്നു. ക്ലിപ്പ് കണ്ട ശബാന ആസ്മി സുഹാന മികച്ച നടിയാകുമെന്ന് ട്വിറ്ററിൽ കുറിച്ചിരുന്നു. തന്റെ വാക്കുകൾ ഓർമിച്ചു വച്ചോളൂ. സഹാന ഖാൻ ഒരു മികച്ച നടിയാകും. അവർ അഭിനയിച്ച നാടകത്തിന്റെ ഒരു ക്ലിപ്പ് കണ്ടു. അത് തന്നെ അത്ഭുതപ്പെടുത്തിയെന്ന് ശബാനം ആസ്മി ട്വിറ്റ് ചെയ്തു. ഇവർക്ക് നന്ദി അറിയിച്ച ഷാറൂഖ് അന്ന് രംഗത്തെത്തിയിരുന്നു. ശബാനയുടെ വാക്കുകൾ മകൾക്ക് പ്രോത്സാഹനം നൽകുമെന്ന് ഖാൻ ട്വീറ്റ് ചെയ്തു.

മകൾ ചില്ലറക്കാരിയല്ല

സുഹാന ആ ഒരര വീഡിയോ ക്ലിപ്പ് കൊണ്ട ചില്ലറക്കാരിയല്ലെന്ന് തെളിയിച്ചിരിക്കുകയാണ്. തന്റെ സ്കൂളിലെ നാടകത്തിലാണ് സിൻട്രില്ലയായി താര പുത്രി വേഷമിട്ടത്. സിട്രില്ലയുടെ തമാശ പതിപ്പായിരുന്നു ഇവർ അന്ന് അവതരിപ്പിച്ചത്. നാടകത്തിൽ സിൻട്രില്ല ശല്യക്കാരിയും, പരാതിക്കാരിയുമാണ്. ആ ഒറ്റ വേഷം കൊണ്ട് സുഹാന അച്ഛന്റെ മകൾ തന്നെയെന്ന് തെളിയിച്ചിരിക്കുകയാണ്. മരിച്ചു കിടക്കുന്ന അമ്മയോട് എന്ത് കൊണ്ടാണ് എന്റെ ജീവിതം വീട്ടിനുളളിൽ ആയി പോകുന്നതെന്ന് ചോദിച്ചു കൊണ്ടാണ് നാടകം ആരംഭിക്കുന്നത്. ഈ വീഡിയോയാണ് വൈറലായിരിക്കുന്നത്.