കഥ തനിയ്ക്ക് ഇഷ്ടമായി!! എന്നാൽ ആ ചിത്രം ഉപേക്ഷിക്കേണ്ടി വന്നു, വെളിപ്പെടുത്തലുമായി ദീപിക

സിനിമ ഉപേക്ഷിക്കേണ്ടി വന്നു

സിനിമയേയും അഭിനയത്തേയും വളരെ സീരിയസ്സായി കാണുന്ന നടിയാണ് ദീപിക. ചെയ്യുന്ന എല്ലാ കഥാപാത്രങ്ങളും അതിന്റേതായ പെർ‌ഫക്ഷനിൽ താരം അവതരിപ്പിക്കും. ഇതു തന്നെയാണ് ദീപികയുടെ താരമൂല്യം ഉയർത്തുന്നതും. ബോളിവുഡിൽ ഇത്രയധികം താരമൂല്യമുള്ള നടിയായിട്ടു പോലും വേദനത്തിന്റെ പേരിൽ ദീപയ്ക്ക് നേരെയും വിവേചനം നടന്നിട്ടുണ്ട്. ഇതിന്റെ പേരിൽ ഒരു സിനിമവരെ താരം ഉപേക്ഷിക്കുകയുണ്ടായി . പുസ്തക പ്രകാശന വേദിയിലായിരുന്നു നടിയുടെ വെളിപ്പെടുത്തൽ.

നായകന് കൂടുതൽ പ്രതിഫലം

ആശയപരമായി തനിയ്ക്ക് അടുപ്പം തോന്നിയ ചിത്രമായിരുന്നു അത്. സിനിമ ചെയ്യാമെന്ന് സമ്മതിക്കുകയും ചെയ്തു. എന്നാൽ പ്രതിഫലത്തെ കുറിച്ച് പറഞ്ഞു തുടങ്ങിയപ്പോഴാണ് സംഭവം മാറിയത്. എന്റെ ചാർജിനെ കുറിച്ച് ഞാൻ അദ്ദേഹത്തിനോട് അന്ന് പറഞ്ഞു. കുറച്ചു ദിവസങ്ങൾക്ക് ശേഷമായിരുന്നു അവരുടെ മറുപടിയെത്തിയത്. നായകന് നൽകുന്ന അത്രയും പ്രതിഫലം നൽകാൻ സാധിക്കില്ലയെന്നായിരുന്നു ഇവരുടെ മറുപടി.

എന്റെ മൂല്യം

എന്റെ താരമൂല്യം എന്താണെന്നും ട്രാക്ക് റെക്കോഡിനെ കുറിച്ചും തനിയ്ക്ക് നല്ല ബോധ്യമുണ്ട്. നടിയും നടനും ചെയ്യുന്നത് തുല്യ ജോലി തന്നെയാണ്. നടൻ എടുക്കുന്ന അത്രതന്നെ അധ്വാനം നടിയും എടുക്കുന്നുണ്ട്. എന്നിട്ടും തുല്യവേദനം നൽകാത്തത് എന്തു കൊണ്ടാണെന്ന് ദീപിക ചോദിക്കുന്നുണ്ട്. ഇത് അനീതിയാണെന്നും അതിനാൽ താൻ ആ സിനിമയിൽ നിന്ന് പിൻമാറിയെന്നും താരം പറഞ്ഞു.

കുറഞ്ഞ വേദനം വാങ്ങാൻ കഴിയില്ല

എനിയ്ക്ക് എന്നെ നല്ലതുപോലെ അറിയാം. തന്റെ വാല്യുവിന്റെ കാര്യത്തിലും നിശ്ചയമുണ്ട്.. ഇപ്പോൾ രാത്രിയിൽ താൻ സുഖമായി ഉറങ്ങുന്നുണ്ട്, നിരാശയോടെ തനിയ്ക്ക് ജീവിക്കാനും ജോലി ചെയ്യാനും സാധിക്കില്ല. തന്റെ മെയിൽ കോ-സ്റ്റാർ വാങ്ങുന്നതിൽ കുറവ് പ്രതിഫലം വാങ്ങി കൊണ്ട് സിനിമയിൽ അഭിനയിക്കാനാ‍ തനിയ്ക്കൊരിക്കലും ആകില്ലെന്നും ദീപിക പുസ്തക പ്രകാശനത്തിൽ വ്യക്തമാക്കി.