അച്ഛന്റെ ഓർമയും ചിത്രങ്ങളും പങ്കുവെയ്ക്കാറില്ല, കാരണം തുറന്ന് പറഞ്ഞ് ഇർഫാൻഖാന്റെ മകൻ ബാബിൽ

ഇൻസ്റ്റഗ്രാമിലൂടെയായിരുന്നു താരപുത്രൻ കാരണം വെളിപ്പെടുത്തിയത്. ഒരു ആരാധകരനായിരുന്നു ബാബിലിനോട് ഇക്കാര്യം ചോദിച്ചത്. എന്തുകൊണ്ടാണ് പിതാവിനോടൊപ്പമുള്ള ചിത്രങ്ങളും വീഡിയോകളും ഓർമകളും പങ്കുവയ്ക്കാത്തത് എന്നായിരുന്നു ആരാധകന്റെ ചോദ്യം. താരപുത്രന്റെ ഉത്തരം ഇങ്ങനെയായിരുന്നു

പിതാവിനോടൊപ്പമുളള ഓർമകൾ പങ്കുവെയ്ക്കാൻ എനിക്ക് എന്നും ഇഷ്ടമാണ്. എന്നാൽ ചിലർ ഇതിനെ മറ്റൊരു രീതിയിൽ കാണുന്നുണ്ട്. എന്റെ ഉന്നതിയ്ക്ക് വേണ്ടി അച്ഛന്റെ പേര് ഉപയോഗിക്കുന്നു എന്നാണ് ഇവരുടെ ആക്ഷേപം. അച്ഛന്റെ ശൂന്യത നികത്താൻ വേണ്ടിയായിരുന്നു വളരെ ആത്മാർഥമായി ഞാൻ ഓർമകൾ പങ്കുവെച്ചത്. എന്നാൽ ഇത്തരത്തിലുള്ള സന്ദേശം എന്നെ ഏറെ വേദനപ്പിച്ചിരുന്നു. എന്നാൽ . എന്തുചെയ്യണമെന്നതിനെക്കുറിച്ച് ആശയക്കുഴപ്പത്തിലാണ്.

ഞാൻ മനസ്സിലാക്കാൻ ശ്രമിക്കുന്നു, എന്നാൽ ആളുകളുടെ സന്ദേശം എന്നെ ശരിക്കും വേദനപ്പിക്കുന്നു. എന്റെ വളർച്ചയ്ക്കായി ഞാൻ അദ്ദേഹത്തിന്‍റെ പേര്​ ഉപയോഗിക്കു​ന്നുവെന്ന്​. ഞാൻ അദ്ദേഹത്തിന്‍റെ മകനാണ്.എനിക്ക് ഒരിക്കലും അങ്ങനെ ചെയ്യേണ്ട കാര്യമില്ല. ഇപ്പോൾ ഞാൻ വലിയൊരു ആശയക്കുഴപ്പത്തിലാണ്. അതിനാൽ തന്നെ ശരിയായ സമയത്താണ് ഞാൻ ഇത്തരത്തിലൊരു പോസ്റ്റ് ഇട്ടതെന്ന് കരുതുന്നുവെന്നും ബാബിൽ കൂട്ടിച്ചേർത്തു.

സിനിമ പ്രവേശനത്തിന് ഒരുങ്ങുകയാണ് ബാബിൽ. നെറ്റ്‌ഫ്ലിക്​സ്​ ഒരുക്കുന്ന ചിത്രമായ 'ഖാല'യിലൂടെയാണ് ബാബിൽ അരങ്ങേറ്റം കുറിക്കുന്നത്​. നടി അനുഷ്‌ക ശര്‍മയാണ് ചിത്രം നിർമിക്കുന്നത്. ​ അന്‍വിത ദത്ത് ഗുപ്തയാണ്​ സംവിധാനം ചെയ്യുന്നത്​. ബുൾബുൾ എന്ന ചിത്രത്തിലൂടെ പ്രശസ്​തയായ തൃപ്തി ദിമ്മറിയാണ്​ നായികയായി എത്തുന്നത്​.