അത്തരം ട്രോളുകള്‍ അച്ഛനെ വേദനിപ്പിക്കാറുണ്ട്! എന്നാല്‍ അനിയത്തി കൂളാണ്

അതേസമയം സമൂഹ മാധ്യമങ്ങളില്‍ വരുന്ന സൈബര്‍ ബുളളിയിങ്ങിനെ കുറിച്ച് ജാന്‍വി പറഞ്ഞ കാര്യങ്ങള്‍ വൈറലായി മാറിയിരുന്നു. ഇത്തരം ട്രോളുകള്‍ അച്ഛനെ വേദനിപ്പിക്കാറുണ്ടെന്നും എന്നാല്‍ ഇതത്ര കാര്യമാക്കേണ്ടതില്ലെന്ന മനോഭാവമാണ് അനിയത്തി ഖുശിക്കെന്നും ജാന്‍വി പറയുന്നു. ഇത്തരം ട്രോളുകള്‍ അച്ഛനെ വിഷമിപ്പിക്കാറുണ്ട്.

പക്ഷേ ഗുഞ്ചന്‍ സക്‌സേന അച്ഛന്‍ കണ്ടിട്ടുണ്ട്. എന്റെ പ്രകടനത്തില്‍ അദ്ദേഹത്തിന് വിശ്വാസവുമുണ്ട്. സിനിമയും ശക്തമായതിനാല്‍ അദ്ദേഹത്തെ അത്രയൊന്നും സമൂഹ മാധ്യമത്തിലെ വിമര്‍ശനങ്ങളാല്‍ ബാധിക്കപ്പെട്ടിട്ടില്ല. അതും എനിക്ക് ശക്തി പകരുന്നുണ്ട്. എന്റെ മാനസികാവസ്ഥ എങ്ങനെയെന്നറിയാന്‍ അദ്ദേഹം എന്നെ പിന്തുടര്‍ന്ന ദിവസങ്ങളുണ്ട്.

ആ ചിത്രം എന്നെ പലരീതിയിലും പോസിറ്റീവായി ചിന്തിക്കാന്‍ പഠിപ്പിച്ചു. ആത്മവിശ്വാസത്തിനൊപ്പം കഠിനാദ്ധ്വാനവും ഉണ്ടെങ്കില്‍ സ്വപ്‌നം കാണുന്നത് സാധ്യമാകുമെന്നാണ് ഗുഞ്ചന്‍ സക്‌സേന എന്നെ പഠിപ്പിച്ചത്. ജാന്‍വി പറയുന്നു. അതേസമയം സൈബര്‍ ബുളളിയിങ്ങിനെ കാര്യമാക്കേണ്ടതില്ലെന്ന നിലപാടാണ് ഖുശിക്കെന്ന് ജാന്‍വി പറയുന്നു. തന്റെ സഹോദരി സൂപ്പര്‍ കൂളും കരുത്തയുമാണ്.

ഇതൊന്നും ശ്രദ്ധിക്കേണ്ട എന്നാണ് അവള്‍ പറയാറുളളത്. ഞാന്‍ ട്രോളുകള്‍ക്കിരയാവുന്നു എന്നെയാര്‍ത്ത് സഹതപിക്കൂ എന്ന മനോഭാവമല്ല എനിക്കുളളത്. ജാന്‍വി കപൂര്‍ വ്യക്തമാക്കി. സിനിമാ അരങ്ങേറ്റത്തിനു മുന്‍പ് അഭിനയം പഠിക്കാനായി ജാന്‍വി ഫിലിം സ്‌കൂളില്‍ ചേര്‍ന്ന് പഠിച്ചിരുന്നു. അമ്മ തിരഞ്ഞെടുത്ത മേഖലയില്‍ തന്നെ പോവണമെന്ന ജാന്‍വിയുടെ ആഗ്രഹമാണ് ഫിലിം സ്‌കൂളില്‍ എത്തിച്ചിരുന്നത്.

അഭിനയം പഠിക്കാനായി അമേരിക്കയിലെ ഫിലിം സ്‌കൂളിലായിരുന്നു ശ്രീദേവിയും ബോണി കപൂറും ജാന്‍വിയെ ചേര്‍ത്തിരുന്നത്. ജാന്‍വിയുടെ സിനിമ അരങ്ങേറ്റത്തിന് ശ്രീദേവിക്ക് വലിയ താല്‍പര്യമില്ലായിരുന്നെങ്കിലും മകളുടെ ഇഷ്ടത്തിനനുസരിച്ച് ഒടുവില്‍ കൂടെ നില്‍ക്കുകയായിരുന്നു. ധര്‍മ്മ പ്രൊഡക്ഷന്‍സിന്റെ ബാനറില്‍ കരണ്‍ ജോഹറായിരുന്നു ജാന്‍വി കപൂറിന്റെ ആദ്യ ചിത്രമായ ദഡക്ക് നിര്‍മ്മിച്ചിരുന്നത്.