സിനിമയിലെ ഇന്റിമേറ്റ് രംഗങ്ങള്‍ക്ക് പരിശീലനം ആവശ്യം! ഇല്ലെങ്കില്‍ സംഗതി സ്‌പോട്ടില്‍ നടക്കില്ല

കല്‍ക്കി പറഞ്ഞത്

ഇന്റിമേറ്റ് രംഗങ്ങള്‍ ചെയ്യുമ്പോള്‍ മുന്‍കൂട്ടി പരിശീലനം വേണമെന്നും ഇതിനായി പരിശീലന കളരി അഥവാ വര്‍ക്ക് ഷോപ്പുകള്‍ വേണമെന്നാണ് കല്‍ക്കിയുടെ അഭിപ്രായം. നൃത്തമോ,ആക്ഷന്‍ കൊറിയോഗ്രാഫിയോ ചെയ്യുന്നതുപോലെ സീനിലെ ഒരോ രംഗവും ചിട്ടപ്പെടുത്തിയെടുക്കേണ്ടതിന്റെ ആവശ്യകത ഏറെയുണ്ടെന്നാണ് നടി പറയുന്നത്. ഇല്ലെങ്കില്‍ സംഗതി ചിലപ്പെള്‍ തല്‍സമയം നടന്നെന്നും വരില്ലെന്നും കല്‍ക്കി കോക്ലിന്‍ പറയുന്നു.

മീ ടു മൂവ്‌മെന്റിനു ശേഷം

മീ ടു മൂവ്‌മെന്റിനു ശേഷം പുരുഷന്മാരുടെ പെരുമാറ്റത്തില്‍ മാറ്റമുണ്ടായതായും നടി തുറന്നുപറഞ്ഞിരുന്നു. ലോകമെമ്പാടുമായി തരംഗമായി മാറിയ മീ ടൂ ക്യാംപെയിനു ശേഷം സിനിമാ മേഖലയില്‍ ഒരു മാറ്റം ഉണ്ടായതായി നടി പറയുന്നു. മീ ടൂവിന് ശേഷം നടി ഒരു നാടകം ചെയ്തിരുന്നു. ഇത് സംവിധാനം ചെയ്തിരുന്നത് ഒരു പുരുഷനായിരുന്നു. റിഹേര്‍സല്‍ ചെയ്യുമ്പോള്‍ എല്ലാവരും എങ്ങനെ പെരുമാറണം എന്ന് രണ്ടു പേജ് നീളുന്ന ഒരു കുറിപ്പ് എല്ലാവര്‍ക്കും നല്‍കിയിരുന്നു.

അഭിനയിക്കുന്നതിനിടയില്‍ പരസ്പരം

ഇന്റിമേറ്റ് സീനിനായി താന്‍ റിഹേര്‍സല്‍ എടുത്തുവെന്ന് കല്‍ക്കി പറയുന്നു. അഭിനയിക്കുന്നതിനിടയില്‍ പരസ്പരം എങ്ങനെ സ്പര്‍ശിക്കണം എന്നത് വരെ സഹതാരങ്ങള്‍ തമ്മില്‍ ചര്‍ച്ച ചെയ്തിരുന്നെന്നും അഭിമുഖത്തില്‍ കല്‍ക്കി വെളിപ്പെടുത്തി. സിനിമയ്ക്കു പുറമെ നിരവധി നാടകങ്ങളിലും അഭിനയിച്ചിട്ടുളള താരമാണ് കല്‍ക്കി കോക്ലിന്‍, ഒരു ആക്റ്റിവിസ്റ്റ് കൂടിയായ കോക്‌ളിന്‍ ആരോഗ്യവും വിദ്യാഭ്യാസവും മുതല്‍ സ്ത്രീ ശാക്തീകരണവും ലിംഗ സമത്വവും വരെയുള്ള വിവിധ കാര്യങ്ങളില്‍ പ്രോത്സാഹനം നടത്തിവരുന്നു.

സിനിമാജീവിതത്തിനു പുറമെ

സിനിമാ സംവിധായകനും നിര്‍മ്മാതാവുമായ അനുരാഗ് കശ്യപിനെ വിവാഹം ചെയ്‌തെങ്കിലും 2011 മുതല്‍ 2015 വരെ മാത്രമേ വിവാഹജീവിതം തുടര്‍ന്നുള്ളൂ. സിനിമാജീവിതത്തിനു പുറമെ നിരവധി നാടകങ്ങളില്‍ എഴുതുകയും നിര്‍മ്മിക്കുകയും പ്രവര്‍ത്തിക്കുകയും ചെയ്തിട്ടുണ്ട് കല്‍ക്കി. കോക്‌ളിനും കൂടി ചേര്‍ന്നെഴുതിയ സ്‌കെല്‍റ്റണ്‍ വുമണ്‍ എന്ന നാടകത്തിന് നിരവധി പുരസ്‌കാരങ്ങള്‍ ലഭിച്ചിരുന്നു. കോക്‌ളിന്‍ ഗ്രേറ്റ് എസ്‌കേപ്പ് എന്ന പേരില്‍ ഒരു ട്രാവല്‍ പരിപാടിയും നടി മുന്‍പ് സംഘടിപ്പിച്ചിരുന്നു. അത് 2016 സെപ്തംബറില്‍ ഫോക്‌സ് ലൈഫില്‍ പ്രദര്‍ശിപ്പിക്കുകയും ചെയ്തു.