നടനെ ഇഷ്ടമായില്ല, പൊളിയുമെന്ന് കരുതി സിനിമ കണ്ടു, പിന്നീട് കരൺ ജോഹറിന് സംസാരിക്കാനായില്ല

കരൺ ജോഹറിന്‌റെ വാക്കുകൾ ഇങ്ങനെ.... ഒരിക്കൽ ആദിത്യ ചോപ്രയുടെ ക്ഷണം സ്വീകരിച്ച് യഷ് ഫിലിം സിറ്റിയിൽ എത്തിയപ്പോഴാണ് ആദ്യമായി രൺവീറിനെ കാണുന്നത്. ആദ്യ രൺവീറിനെ കണ്ടപ്പോൾ ചിത്രത്തിലെ അസിസ്റ്റന്റ് ഡയറക്ടർ ആയിരിക്കുമെന്നാണ് വിചാരിച്ചത്. താൻ ഇതിനെ കുറിച്ച് ആദിത്യയോട് പറയുകയും ചെയ്തിരുന്നു. എന്നാൽ അദ്ദേഹം പറഞ്ഞത് രൺവീർ മികച്ച നടനാണ്. അദ്ദേഹത്തെ കുറിച്ച് നിങ്ങൾക്ക് അറിയാത്തത് കൊണ്ടാണെന്നാണ്. കൂടാതെ സിനിമയിൽ രൺവീർ സിങ്ങിനെ മാറ്റാനും താൻ ആവശ്യപ്പെട്ടിരുന്നു. ഈ സിനിമ ആരെങ്കിലും കാണുമോ എന്നും ചിന്തിച്ചതായും കരൺ ജോഹർ പറയുന്നു.

എന്നാൽ ആദിത്യയ്ക്ക് തന്റെ നടനിൽ പൂർണ്ണ വിശ്വാസമുണ്ടായിരുന്നു. തന്നോട് എന്തെങ്കിലും തീരുമാനം എടുക്കുന്നതിനും മുൻപ് ആ സിനിമ കാണണമെന്നും അദ്ദേഹം പറഞ്ഞിരുന്നു. ആദിത്യ പറഞ്ഞത് പോലെ തന്നെ സംഭവിക്കുകയായിരുന്നു. ചിത്രം കണ്ടതിന് ശേഷം തനിക്ക് മിണ്ടാൻ സാധിച്ചില്ല. അന്ന് രൺവീറിനെ കുറിച്ച് പറഞ്ഞതിൽ തനിക്ക് ഖേദം തോന്നിയെന്നും കരൺ ജോഹർ പറയുന്നു.

എന്നാൽ ചിത്രത്തിന്റെ പോസ്റ്റർ തനിക്ക് അത്രയധികം ഇഷ്ടമായിരുന്നില്ല. കാരണം പ്രെമോ വീഡിയോ കണ്ടപ്പോൾ തന്നെ ആ ചെറുപ്പക്കാരന്റെ ആത്മവിശ്വാസത്ത കുറിച്ച് തനിക്ക് മനസ്സിലായി. അദ്ദേഹത്തിന് എന്തൊക്കെയൊ പ്രത്യേകതയുണ്ടെന്ന് മനസ്സിലായി. എന്നാൽ അതൊന്നും ആ പോസ്റ്ററിൽ കാണാൻ സാധിച്ചില്ല. അതുകൊണ്ടാണ് പോസ്റ്റർ മാറ്റിയതെന്നും കരൺ ജോഹർ പറയുന്നു. ഒട്ടും വിശ്വസമില്ലാതെയായിരുന്നു ആ ചിത്രം കാണാൻ പോയത്. എന്നാൽ അദ്ദേഹം മികച്ച പ്രകടനം കാഴ്ച വെച്ചുവെന്നും കരൺ ജോഹർ പറയുന്നു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

നിരവധി പുതുമുഖ താരങ്ങളെ ബോളിവുഡിൽ കൈ പിടിച്ച് കയറ്റിയത് കരൺ ജോഹർ ആയിരുന്നു. ആലിയ ഭട്ട്, അനന്യ പാണ്ഡെ തുടങ്ങിയവർ കരൺ ജോഹർ ചിത്രത്തിലൂടെയാണ് എത്തിയത്. രൺവീറിനെ പോലെ തന്നെ നടി അനുഷ്ക ശർമയേയും കരൺ ജോഹറിന് ആദ്യ കാഴ്ചയിൽ ഇഷ്ടപ്പെട്ടിരുന്നില്ല. ഷാരൂഖ് ഖാൻ ചിത്രത്തിൽ മാറ്റാനും ഇദ്ദേഹം പറഞ്ഞിരുന്നു. എന്നാൽ അനുഷ്കയും തന്റെ പ്രകടനത്തിലൂടെ കരൺ ജോഹറിന്റെ മുൻവിധി മാറ്റിയെടുക്കുകയായിരുന്നു. ബോളിവുഡിലെ അടുത്ത സുഹൃത്തുക്കളാണ് ഇവർ.