നാല് വർഷത്തോളം ബുദ്ധിമുട്ടി; ഡോക്ടറോട് തുറന്ന് പറഞ്ഞു; കടന്നു പോയ ഘട്ടത്തെക്കുറിച്ച് കരൺ ജോഹർ

2016 ലിറങ്ങിയ ഈ സിനിമയ്ക്ക് ശേഷം റോക്കി ഓർ റാണി കീ പ്രേം കഹാനി ആണ് കരൺ സംവിധാനം ചെയ്ത ഏറ്റവും പുതിയ സിനിമ. സിനിമയുടെ റിലീസിനായി കാത്തിരിക്കുകയാണ് പ്രേക്ഷകർ. രൺവീർ സിം​ഗും ആലിയ ഭട്ടും ആണ് സിനിമയിലെ നായകനും നായികയും. നിർമാതാവ് എന്നതിനൊപ്പം തന്നെ ബി ടൗണിലെ പ്രമുഖ ഷോകളുടെ അവതാരകനും ആണ് കരൺ. കോഫി വിത്ത് കരൺ എന്ന ടോക് ഷോയാണ് ഇതിലേറ്റവും പ്രശസ്തി പിടിച്ചു പറ്റിയത്.

സിനിമയിലെ മിക്ക പ്രമുഖരുമായും അടുത്ത ബന്ധമാണ് കരൺ ജോഹറിനുള്ളത്. ബി ടൗണിലെ സൂപ്പർ സ്റ്റാറുകൾ മുതൽ പുതുമുഖങ്ങൾ വരെ കരണിന്റെ സുഹൃത്തുക്കളാണ്. അടുത്തിടെ നടത്തിയ ബർത്ത് ഡേ പാർട്ടിൽ വൻ താരനിരയാണ് എത്തിയത്. കരിയറിൽ തിളങ്ങുന്ന കരൺ ഇപ്പോൾ തന്റെ വ്യക്തി ജീവിതത്തിൽ അനുഭവിച്ച ചില പ്രശ്നങ്ങളെ പറ്റി തുറന്നു പറഞ്ഞിരിക്കുകയാണ്. നാല് വർഷത്തോളം നേരിട്ട കടുത്ത മാനസിക സമ്മർദ്ദത്തെ പറ്റിയാണ് കരൺ സംസാരിച്ചത്. മുമ്പൊരിക്കലും ഇതേ പറ്റി കരൺ തുറന്ന് പറഞ്ഞിരുന്നു.

ഞാൻ എന്റെ ഡോക്ടറോട് ഇതേപറ്റി സംസാരിച്ചു. നിങ്ങൾ മനസ്സിൽ എല്ലാം ആഴത്തിൽ പരിശോധിച്ച് ക്ലിയർ ചെയ്യുന്നുണ്ടെന്നുണ്ടെന്നാണ് സ്വയം കരുതുന്നത്. തൊലിക്കട്ടിയുള്ള ആളാണെന്ന് സ്വയം വിചാരിക്കുന്നു. പക്ഷെ ഏതെങ്കിലും ഒരു സമയത്ത് ഇതെല്ലാം ഉയർന്ന് വരുമെന്നാണ് ഡോക്ടർ പറഞ്ഞത്. പിന്നീടാണ് താൻ ഇതേപറ്റി ആളുകളോട് തുറന്ന് പറഞ്ഞതെന്നും മൂന്നോ നാലോ വർഷം തെറാപ്പി ചെയ്യുമ്പോഴും ഇതൊന്നും ആരോടും പറഞ്ഞിരുന്നില്ലെന്നും കരൺ ജോഹർ പറഞ്ഞു.

തന്റെ സെക്ഷാലിറ്റിയെ പറ്റി ഇപ്പോൾ ആശങ്കപ്പെടുന്നില്ലെന്നും കരൺ പറഞ്ഞു. സമൂഹ മാധ്യമങ്ങളിലെ വിമർശനങ്ങൾ കാര്യമാക്കാറില്ല. എന്നാൽ തന്റെ കുട്ടികൾ അതിനിരയാവുന്നത് അം​ഗീകരിക്കാനാവില്ലെന്നും കരൺ ജോഹർ വ്യക്തമാക്കി. തന്റെ വ്യക്തി ജീവിതത്തെ പറ്റി കരൺ ആത്മകഥയായ ഏൻ അൺസ്യൂട്ടബിൾ ബോയ് എന്ന പുസ്തകത്തിൽ തുറന്ന് പറഞ്ഞിരുന്നു.

വാടക ​ഗർഭ പാത്രത്തിലൂടെ ഇരട്ടക്കുട്ടികളുടെ അച്ഛനായതിനെക്കുറിച്ചും കരിയറിൽ വന്ന തിരിച്ചടികളെക്കുറിച്ചുമെല്ലാം കരൺ പുസ്തകത്തിൽ തുറന്നെഴുതിയിട്ടുണ്ട്. വർഷങ്ങൾക്കിപ്പുറം കരൺ സംവിധാനം ചെയ്ത റോക്കി ഓർ റാമി കീ പ്രേം കഹാനി കാണാനുള്ള കാത്തിരിപ്പിലാണ് പ്രേക്ഷകർ.