സീതയാകാന്‍ 12 കോടി വേണമെന്ന് കരീന? അണിയറപ്രവര്‍ത്തകര്‍ ചെയ്തത്, ട്രോളി സോഷ്യല്‍ മീഡിയ

എന്നാല്‍ ഈ ചിത്രത്തിനായി മാത്രം പ്രതിഫലം കൂട്ടിപ്പറയുകയായിരുന്നു നടി. എന്നാല്‍ ഇത്രയും പ്രതിഫലം നല്‍കുക ബുദ്ധിമുട്ടായതിനാല്‍ അണിയറ പ്രവര്‍ത്തകര്‍ മറ്റൊരു യുവനടിയെ സമീപിച്ചതായാണ് വിവരം. അതേസമയം ഈ വാര്‍ത്ത പുറത്തുവന്നതിന് പിന്നാലെ കരീനയെ ട്രോളി നിരവധി പേരാണ് സോഷ്യല്‍ മീഡിയയില്‍ എത്തിയത്.

മാതാ സീതയുടെ റോളില്‍ കരീന അഭിനയിക്കുന്നത് ശരിയാകില്ലെന്നാണ് പലരും പറയുന്നത്. കരീനയ്ക്ക് ഇപ്പോള്‍ കുറച്ച് പ്രായം കൂടിയ ലുക്കാണെന്നും ഇവര്‍ പറയുന്നു. സീതയുടെ നിഷ്‌കളങ്കതയും മനോഹരമായ രൂപഭംഗിയുമൊന്നും കരീനയ്ക്ക് ഉണ്ടാവില്ലെന്നും നെറ്റിസണ്‍സ് അഭിപ്രായപ്പെട്ടു. ഹിന്ദുവായ ഒരാള്‍ തന്നെ സീതയുടെ റോള്‍ അവതരിപ്പിക്കണമെന്നാണ് മറ്റൊരാള്‍ കുറിച്ചത്.

തൈമൂറിന് പിന്നാലെ അടുത്തിടെയാണ് കരീന രണ്ടാമത്തെ കുഞ്ഞിന് ജന്മം നല്‍കിയത്. ആണ്‍കുട്ടിയാണ് ഇത്തവണയും കരീനയുടെയും സെയ്ഫിന്‌റെയും ജീവിതത്തിലേക്ക് എത്തിയത്. കുഞ്ഞിന്‌റെ വിശേഷങ്ങള്‍ നടി അധികം പുറത്തുവിട്ടിരുന്നില്ല. കൂടാതെ മകന്‌റെ പേരും ഇതുവരെ പുറത്തു പറഞ്ഞിട്ടില്ല നടി. ആമിര്‍ ഖാന്‌റെ ലാല്‍സിംഗ് ഛദ്ദയാണ് കരീന കപൂറിന്‌റെ പുതിയ ചിത്രം.

ഗര്‍ഭിണിയായ സമയത്തും സിനിമയില്‍ അഭിനയിച്ചിരുന്നു കരീന. ആമിറിനൊപ്പം പ്രധാന വേഷത്തിലാണ് ചിത്രത്തില്‍ നടി എത്തുന്നത്. 2020ല്‍ പുറത്തിറങ്ങിയ ആഗ്രേസി മീഡിയം ആണ് കരീന കപൂറിന്‌റെതായി ഒടുവില്‍ റിലീസ് ചെയ്ത സിനിമ. ചിത്രത്തില്‍ നൈന എന്ന കഥാപാത്രത്തെയാണ് നടി അവതരിപ്പിച്ചത്. കൂടാതെ 2019ല്‍ പുറത്തിറങ്ങിയ ഗുഡ് ന്യൂസ് എന്ന സിനിമയും നടിയുടെതായി വിജയമായിരുന്നു.