നിങ്ങളൊരു ആന്റിയാണ്!! കൗമാരക്കാരിയല്ല, അമ്മയായതിന്റെ പേരിൽ നടിയ്ക്ക് നേരെ ആക്രമണം

കുഞ്ഞുണ്ടായതിനു ശേഷം വിമർശനം

38ാം വയസ്സിലായിരുന്നു നടൻ സെയ്ഫ് അലിഖാനുമായുളള കരീനയുടെ വിവാഹം. തുടർന്ന് ഇവർക്ക് തൈമൂർ എന്ന ആൺകുഞ്ഞ് പിറക്കുകയും ചെയ്തു. പ്രസവത്തിനു ശേഷം ഒരു നീണ്ട് ഇടവേളയ്ക്ക് ശേഷമാണ് കരീന സിനിമയിലും ടിവി ഷോയിലും സ്റ്റേജ് ഷോയിവുമൊക്കെ പ്രത്യക്ഷപ്പെടാൻ തുടങ്ങിയത്. ബോളിവുഡ് ചാരം അർബാസ് ഖാൻ അവതാരകനായി എത്തുന്ന ടിവി ഷോയാണ് പിൻപ്. താരങ്ങൾ നേരിടുന്ന വിമർശനങ്ങളാണ് ഷോയിൽ ചർച്ച ചെയ്യുന്നത്. ഈ പരിപാടിയിൽ എത്തിയപ്പോഴാണ് കരീന വികാരഭരിതയായത്.

കരീനയെ ആന്റി എന്നു വിളിച്ചു

കരീനയെ കുറിച്ച് ഒരു ആരാധിക എഴുതിയ കമന്റാണ് ഇപ്പോൾ ബോളിവുഡിൽ ചർച്ചയായിരിക്കുന്നത്. ആദ്യം ചിരിച്ച് കളഞ്ഞുവെങ്കിവും പിന്നീട് താരം വികാരഭരിതയാകുകയായിരുന്നു. നിങ്ങൾ ഇപ്പോൾ ആന്റിയാണ്. വെറുതെ കൗമാരപ്രായക്കാരെ പോലെ പെരുമാറരുതെന്നായിരുന്നു കമന്റ്. എന്നാൽ ഇത് വായിച്ച് ആദ്യം ചിരിച്ചുവെങ്കിലും പിന്നീട് താരം വികാരഭരിതയാവുകയായിരുന്നു. ഇത് ബോളിവുഡിൽ ചർച്ചയായിട്ടുണ്ട്.

തങ്ങൾക്കുമുണ്ട് വികാരങ്ങൾ

ഒരിക്കൽ പോലും താരങ്ങളുടെ വികാരത്തെ കുറിച്ച് ജനങ്ങൾ ചിന്തിക്കുന്നില്ല. സെലിബ്രിറ്റികൾക്ക് ഒരു വികാരവുമില്ലെന്നാണ് ജനങ്ങൾ ധരിച്ചിരിക്കുന്നത്. അങ്ങനെ ചിന്തിച്ചു കൊണ്ടാണ് ഇവർ പേരുമാറുന്നതെന്നും കരീന പറഞ്ഞു. എന്നാൽ ആര് എന്ത് പറഞ്ഞാലും ഞങ്ങൾ അതെല്ലാം ഒന്നും മിണ്ടാതെ സ്വീകരിക്കണമെന്നാണ് ജനങ്ങളുടെ നിലപാടെന്നും താരം കൂട്ടിച്ചേർത്തു.

അമ്മയെന്ന് വിളിച്ച് പരിഹസിക്കുന്നു

സമൂഹ മാധ്യമങ്ങളിലൂടെ തന്നെ അമ്മേ എന്ന് വിളിച്ച് പരിഹസിക്കുന്നതിനെ കുറിച്ചും കരീന നേരത്തെ വെളിപ്പെടുത്തിയിരുന്നു. ഇത്തരത്തിലുളള വിമർശനങ്ങൾ ഏറെ അപഹാസ്യമാണെന്നും താരം പറഞ്ഞു. തൈമൂറിനോടൊപ്പം ഒരു പ്രൈവറ്റ് വിമാനത്തിൽ കയറാൻ പോകുന്ന ചിത്രത്തിന് ഏറെ വിമർശനങ്ങൾ കേൾക്കേണ്ടി വന്നിരുന്നു. മകനെ നാനിയെ ഏൽപ്പിക്കാൻ നാണമില്ലേ? നിങ്ങൾ ഇത്രയ്ക്ക് അശ്രദ്ധയായ അമ്മയാണോ എന്നുളള ചോദ്യങ്ങൾ താരത്തിന് നേരെ ഉയർന്നിരുന്നു. ഇത് തന്നെ വല്ലാതെ ചൊടിപ്പിച്ചുവെന്നും കരീന പറഞ്ഞു. എന്റെ ജീവിതത്തെ കുറിച്ച് യാതൊന്നും അറിയാതെ തന്നെ ജഡ്ജ് ചെയ്യാൻ നോക്കരുതെന്നും കരീന പറഞ്ഞു.