കുട്ടികള്‍ വേണം എന്ന് ആഗ്രഹിച്ച സമയത്ത് സെയ്ഫ് തന്നോട് പറഞ്ഞത്, തുറന്നുപറഞ്ഞ് കരീന കപൂര്‍

നടിയുടെ പുസ്തകമായ കരീന കപൂര്‍ ഖാന്‍സ് പ്രഗ്നന്‍സി ബബിളിലാണ് ഇക്കാര്യം പറയുന്നത്. എനിക്ക് അമ്മയാകാന്‍ ആദ്യം ഇഷ്ടമായിരുന്നു എന്ന് കരീന പറയുന്നു. ഒപ്പം തന്നെ തനിക്ക് സിനിമ അഭിനയവും ഇഷ്ടമാണ്. എന്‌റെ ഗര്‍ഭകാലത്ത് പോലും ഒന്നും ഉപേക്ഷിക്കാന്‍ ഞാന്‍ ആഗ്രഹിച്ചില്ല. സത്യത്തില്‍ വിവാഹിതയായ ശേഷം ഒരു കുടുംബം എന്ന തീരുമാനത്തെ കുറിച്ച് ഞാന്‍ കഠിനമായി ചിന്തിച്ചു.

എന്നാല്‍ ആളുകള്‍ എന്നെ കുറിച്ച് എന്ത് കരുതുമെന്ന ചിന്ത വന്നു. ആ സമയത്ത് എനിക്ക് എല്ലാം ചെയ്യാന്‍ കഴിയുമെന്ന് പറഞ്ഞത് സെയ്ഫാണ്. ഞങ്ങളുടെ ബന്ധത്തിന് ശക്തമായ അടിത്തറ പണിയാന്‍ ഞാനും അവനും കഠിനാദ്ധ്വാനം ചെയ്തു. എന്റെ കുട്ടികൾക്ക് എപ്പോഴും അത് നിലനിൽക്കുമെന്ന് ഞാൻ ശരിക്കും വിശ്വസിക്കുന്നു. മാതാപിതാക്കള്‍ കാരണം തൈമൂറിനെ പോലെ ആത്മവിശ്വാസ മുളളവനായിരിക്കും ജഹാംഗീറും.

വിവാഹ ശേഷം ജോലി ചെയ്യുന്നത് തുടരാന്‍ തന്നോട് ആദ്യം പറഞ്ഞത് അമ്മായിഅമ്മ ഷര്‍മിള ടാഗോര്‍ ആണെന്നും കരീന പറഞ്ഞു. ഞാന്‍ ആഗ്രഹിക്കുന്നത് എന്തും ആത്മവിശ്വാസത്തോടെ ചെയ്യണമെന്നായിരുന്നു അവരുടെ ഉപദേശം. വിവാഹം കഴിഞ്ഞ് കുട്ടികളായ ശേഷവും ഷര്‍മിള ടാഗോര്‍ സിനിമകളില്‍ മികച്ച കഥാപാത്രങ്ങള്‍ ചെയ്തു. അവര്‍ ശരിക്കും തനിക്ക് ഒരു പ്രചോദനമാണ് എന്നും കരീന പറഞ്ഞു.

അമ്മായി അമ്മയെ പോലെ എന്റെ അമ്മയും എനിക്ക് ഒരു ശക്തമായ മാതൃകയാണ്. നീ സിനിമയില്‍ തുടരണം എന്ന് അമ്മയും അച്ഛനും എന്നോട് പറഞ്ഞു. ജെഹ് വന്ന ശേഷം തൈമൂറിനെ നോക്കാന്‍ അമ്മയും കൂടെയുണ്ട് എന്നുളളത് തനിക്ക് സന്തോഷം നല്‍കിയ കാര്യമാണെന്നും നടി പറഞ്ഞു. അതെ അമ്മയ്ക്ക് പ്രായമായി. ജെഹിനെ നോക്കുക ഒരു വെല്ലുവിളിയാണ്. അമ്മയ്ക്ക് രണ്ട് കൈകളാണുളളത്. പക്ഷേ അമ്മ എന്നെ സംബന്ധിച്ചിടത്തോളം വിശ്വസനീയമായ കൈകളാണ്. ഞാന്‍ അതില്‍ വളരെ ആശ്വാസം കണ്ടെത്തുന്നു, കരീന കുറിച്ചു.

അതേസമയം കരീനയും കുടുംബവും എപ്പോഴും വാര്‍ത്തകളില്‍ നിറയാറുണ്ട്. സോഷ്യല്‍ മീഡിയയില്‍ എപ്പോഴും ആക്ടീവാകാറുളള താരമാണ് നടി. കരീനയ്ക്കും സെയ്ഫിനും പുറമെ മക്കളും സോഷ്യല്‍ മീഡിയയിലെ താരങ്ങളാണ്. താരകുടുംബത്തിന്‌റെതായി വരാറുളള മിക്ക വിശേഷങ്ങളും സമൂഹ മാധ്യമങ്ങളില്‍ നിറയാറുണ്ട്.