സെയ്ഫിന്റെ മൂന്ന് മക്കളും ആ കാര്യത്തിൽ ഒരുപോലെ! രണ്ടാമത്തെ കുഞ്ഞിനെ കാത്തിരിക്കവെ കരീന പറയുന്നു

2004 ൽ അമൃത സിങ്ങുമായുള്ള വിവാഹ മോചനത്തിന് ശേഷമാണ് സെയ്ഫ് നടി കരീന കപൂറിനെ വിവാഹം ചെയ്യുന്നത്. 2012 ആയിരുന്നു ഇവരുടെ വിവാഹം. ഏറെ നാളത്തെ പ്രണയത്തിന് ശേഷമാണ് താരവിവാഹം നടക്കുന്നത്. കരീനയുമായി അടുത്ത ബന്ധമാണ് സെയ്ഫ് - അമൃത ദമ്പതികളുടെ മക്കളായ നടി സാറ അലിഖാനും ഇബ്രഹാമിനുമുള്ളത്. മൂവരും അടുത്ത സുഹൃത്തുക്കളാണ്. ഇത് പല അവസരങ്ങളിലും കരീനയും സാറയും വെളിപ്പെടുത്തിയിട്ടുമുണ്ട്. കൂടാതെ കുഞ്ഞ് തൈമൂറിനെ കാണാൻ ഇവർ ഇടയ്ക്ക് എത്താറുമുണ്ട്. സഹോദരങ്ങളുടെ ഗെറ്റ്ടുഗദർ സോഷ്യൽ മീഡിയയൽ ചർച്ച വിഷയമാണ്.

Recommended Video

വായടപ്പിക്കുന്ന മറുപടിയുമായി കരീന കപൂര്‍

സെയ്ഫിന്റെ മൂന്ന് മക്കളുടെ കോമൺ സ്വഭാവത്തെ കുറിച്ച് വെളിപ്പെടുത്തുകയാണ് കരീന കപൂർ ഖാൻ. മൂന്ന് പേരേയും ഒരുപോലെ സെയ്ഫ് സ്നേഹിക്കുന്നതെന്നും കരീന പറഞ്ഞു. സാറയുമായി തൈമൂറിന് രൂപസാദ്യശ്യമുണ്ട്. സാറയുടെ കുട്ടിക്കാലത്തെ രൂപത്തിന് സമാനമാണ് തൈമൂർ. പാറ്റൗഡി കുടുംബത്തിലെ കണ്ണുകളാണ് ഇവർക്ക് മൂന്ന് പേർക്കും ലഭിച്ചിരിക്കുന്നത്. കൂടാതെ മൂന്ന് സഹോദരങ്ങളും തമ്മിൽ വളരെ അടുത്ത ബന്ധമാണെന്നും കരീന കൂട്ടിച്ചേർത്തു.

മൂന്ന് മക്കളുടേയും ബാല്യകാലത്തെ കുറിച്ചും കരീന അഭിമുഖത്തിൽ പറഞ്ഞു. ഇബ്രാഹിമിന്റെ കുട്ടിക്കാലത്തെക്കുറിച്ച് സെയ്ഫ് തന്നോട് പറഞ്ഞിട്ടുണ്ട്. വളരെ പാവം കുട്ടിയായിരുന്നു. വളരെ സമാധാനപ്രിയനായിരുന്നു. എന്നാൽ സാറയും തൈമൂറും അങ്ങനെയല്ല വൃകൃതിക്കുട്ടികളായിരുന്നു. സാറ അതിമനോഹരിയാണ്. സെയ്ഫിനെ പോലെയാണ് തൈമൂർ എന്നാണ് തനിക്ക് തോന്നുന്നതെന്നും കരീന അഭിമുഖത്തിൽ പറയുന്നു.

നാലാമതും അച്ഛനാകാൻ തയ്യാറെടുക്കുന്ന സെയ്ഫിന് ആശംസകളുമായി മകൻ എത്തിയിട്ടുണ്ട്. സോഹ അലിഖാന്റേ പോസ്റ്റിലൂടെയായിരുന്നു താരപുത്രന്റെ കമന്റ്. സഹോദരന്റെ നാലാമത്തെ കുഞ്ഞിനെ കാത്തിരിക്കുന്നു എന്നുള്ള രസകരമായ പോസ്റ്റായിരുന്നു സോഹ പങ്കുവെച്ചത്. ഇതിന് ചുവടെയായിരുന്നു ഇബ്രാഹിമിന്റെ കമന്റ്.അബ്ബാ.. എന്ന് കുറിച്ച ശേഷം രസകരമായ ഇമോജിയായിരുന്നു താരപുത്രൻ പോസ്റ്റ് ചെയ്തത്. ദിവസങ്ങൾക്ക് മുൻപായിരുന്നു സെയ്ഫിന്റെ 50ാം പിറന്നാൾ മക്കൾ പിതാവിന് ആശംസയുമായി രംഗത്തെത്തിയിരുന്നു. പിതാവിനോടൊപ്പമുള്ള ബാല്യകാല ചിത്രം പങ്കുവെച്ച് കൊണ്ടായിരുന്നു ആശംസ.