രണ്ടാമതും അമ്മയാകാൻ തയ്യാറെടുക്കുന്ന കരീനക്ക് സമ്മാനവുമായി മകൻ! ഗണേശ ചതുർത്ഥി ആശംസയുമായി നടി

വിനായക ചതുർത്ഥി ആഘോഷത്തിന്റെ ഭാഗമയി അമ്മയ്ക്കും അച്ഛനും വീടിനുളളിൽ ഗണപതിയുടെ ലോഗോ നിർമ്മിച്ച് നൽകിയിരിക്കുകയാണ് കുട്ടി തൈമൂർ. തന്റെ കളിപ്പാട്ടം കൊണ്ടാണ് തൈമൂർ ഗണപതിയുടെ വിഗ്രഹം നിർമ്മിച്ചിരിക്കുന്നത്. താരകുടുംബം എല്ലാ ജനങ്ങൾക്കും ഗണേഷ് ചതുർത്ഥി ആശംസകൾ നേരുന്നുമുണ്ട്.

Recommended Video

വായടപ്പിക്കുന്ന മറുപടിയുമായി കരീന കപൂര്‍

തൈമൂറിന്റെ ഗണപതി ലോഗോയുടെ ചിത്രം പങ്കുവെച്ച് കൊണ്ടായിരുന്നു കരീനയുടെ വാക്കുകൾ. മകൻ നൽകിയ സർപ്രൈസ് ഗണപതി ലോഗോയെ കുറിച്ച് വാചാലയാകുന്നതിനോടൊപ്പം തന്നെ എല്ലാവർക്കും വിനായക ചതുർത്തി ആശംസകൾ നേരുന്നുമുണ്ട്. ഈ വർഷത്തെ ഗണേഷ ചതുർത്തി ആഘോഷം അൽപം വ്യത്യസ്തമായിരിക്കാം. എന്നാൽ ടിം ഞങ്ങൾക്ക് ആഘോഷിക്കാൻ വേണ്ടി മനോഹരമായ ഗണപതി ലോഗോ ഉണ്ടാക്കി നൽകി. എല്ലാവർക്കും ഗണേഷ് ചതുർത്ഥി ആശംസകൾ നേരുന്നു. കൂടാതെ ലോക സമാധാനത്തിനായും ആരോഗ്യത്തിനായും ഗണപതി ബപ്പയോട് പ്രാർത്ഥിക്കുന്നതായി നടി ഇൻസ്റ്റഗ്രാമിൽ കുറിച്ചു.

കുഞ്ഞ് അതിഥിയുടെ വരവിനെ കാത്തിരിക്കുകയാണ് കരീനയും കുടുംബവും. താരം വീണ്ടും അമ്മയാകാൻ തയ്യാറെടുക്കുകയാണ്. കരീനയുടെ പിതാവ് പിങ്ക് വില്ലയ്ക്ക് നൽകിയ അഭിമുഖത്തിലാണ് ഇക്കാര്യം വെളിപ്പെടുത്തിയത്. ദിവസങ്ങൾക്ക് മുൻപ് നിറവയറുമായി കരീന ആശുപത്രിലെത്തിയ ചിത്രങ്ങൾ പുറത്ത് വന്നിരുന്നു. ഉടനെ പുതിയ അതിഥി എത്തുമെന്നാണ് പുറത്തു വരുന്ന റിപ്പോർട്ടുകൾ.