തിരക്കിനിടയില്‍ ഒരാള്‍ അരക്കെട്ടില്‍ നുള്ളി, ഉടന്‍ കൈയ്യില്‍ പിടിച്ച് അയാളെ പുറത്തിട്ടു; ലാറ ദത്ത

മോഡലിഗിലൂടെ സിനിമ രംഗത്തേക്ക് എത്തിയ നടിയാണ് ലാറ ദത്ത. 2000ത്തിലെ മിസ് യൂണിവേഴ്‌സ് ആയ ലാറ ദത്ത 2003ല്‍ പുറത്തിറങ്ങിയ അന്ദാസ് എന്ന ചിത്രത്തിലൂടെയാണ് അഭിനയ ലോകത്തേക്ക് എത്തുന്നത്. ഇപ്പോഴിതാ അന്ദാസ് എന്ന സിനിമയുടെ മ്യൂസിക് ലോഞ്ചിനിടെ തനിക്കുനേരെയുണ്ടായ ഒരു മോശം അനുഭവത്തെക്കുറിച്ച് പങ്കുവെക്കുകയാണ് നടി. അക്ഷയ് കുമാര്‍ പ്രിയങ്ക ചോപ്ര എന്നിവര്‍ക്കൊപ്പമാണ് ലാറ ദത്ത അന്ദാസില്‍ അഭിനയിച്ചത്.

ഡല്‍ഹിയിലെ ചാന്ദ്‌നി ചൗക്കില്‍ വെച്ചാണ് തനിക്ക് മോശം അനുഭവം ഉണ്ടായത്. പ്രിയങ്കയും താനും അക്ഷയ് കുമാറും കൂടി അന്ന് ഡല്‍ഹിയിലേക്ക് തിരിച്ചു. ചാന്ദ്‌നി ചൗക്കിലെവിടെയോ റിഥം ഹൗസ് എന്ന് പേരുള്ള സ്ഥലത്തായിരുന്നു മ്യൂസിക് ലോഞ്ച് എന്നാണ് ഓര്‍മ. എന്റെ ആദ്യത്തെ സിനിമയായിരുന്നു. ഒരു നടി എന്ന രീതിയില്‍ പങ്കെടുക്കുന്ന ആദ്യ പരിപാടി കൂടിയായിരുന്നു. അന്ന് താന്‍ ഒരു സാരിയായിരുന്നു ഉടുത്തിരുന്നത്.

വലിയ തിക്കും തിരക്കുമുള്ള സമയമായിരുന്നു. അപ്പോള്‍ ആള്‍ക്കൂട്ടത്തിനിടയില്‍ നിന്ന് ആരോ കൈയ്യിട്ട് തന്റെ അരക്കെട്ടില്‍ നുള്ളിയെന്നാണ്. അങ്ങനെ എന്തെങ്കിലും ഒന്ന് സംഭവിക്കുമെന്ന് തനിക്ക് നേരത്തെ തന്നെ തോന്നുന്നുണ്ടായിരുന്നു. എന്തോ സംഭവിക്കുമെന്ന പോലെ തോന്നുന്നത് ഒരു ട്രെയിനിംഗ് ആണ്. അങ്ങനെ കൈ വന്ന സമയം തന്നെ താന്‍ അയാളുടെ കൈ പിടിക്കുകയും അയാളെ ആള്‍ക്കൂട്ടത്തിനിടയില്‍ നിന്ന് പുറത്തേക്ക് വലിച്ചിടുകയും ചെയ്തു.

ഞാന്‍ സാരിയിലായിരുന്നു. പക്ഷെ ഞാന്‍ അയാളെ അടിച്ചു. എനിക്ക് ദേഷ്യം വന്നിരുന്നു. പക്ഷെ ഇത് കണ്ട് അക്ഷയ് ആകെ പേടിച്ചു. എന്നെ അദ്ദേഹം തള്ളിമാറ്റി. നിങ്ങള്‍ എന്താണ് ചെയ്യുന്നത്. നീ ഒരു നടിയാണ്. ഇങ്ങനെയൊന്നും ചെയ്യാന്‍ പാടില്ലെന്ന് അന്നേരം അദ്ദേഹം പറഞ്ഞു.

താന്‍ നേരത്തെ തന്നെ സ്വതന്ത്രയായ ഒരു വ്യക്തിയാണെന്നും മുംബൈയില്‍ 17 വയസുമുതല്‍ ഒറ്റയ്ക്ക് താമസിക്കുന്ന ആളാണെന്നും ലാറ ദത്ത അഭിമുഖത്തില്‍ പറഞ്ഞു. മുംബൈ സിറ്റി പെണ്‍കുട്ടികള്‍ക്ക് സുരക്ഷിതമായി പുറത്തിറങ്ങി നടക്കാന്‍ പറ്റുന്ന ഏറ്റവും സുരക്ഷിതമായ സിറ്റിയാണെന്നും ലാറ ദത്ത പറഞ്ഞു.

നടി പ്രിയങ്കാ ചോപ്രയ്ക്ക് മിസ്സ് വേള്‍ഡ് പട്ടം ലഭിച്ച അതേ വര്‍ഷം തന്നെയാണ് ലാറ ദത്തയ്ക്ക് മിസ്സ് യൂണിവേഴ്‌സ് പട്ടം ലഭിക്കുന്നത്. തുടര്‍ന്നാണ് അന്ദാസിലേക്ക് അഭിനയിക്കാന്‍ അവസരം ലഭിക്കുന്നത്. അന്ദാസിന് ശേഷം ബോളിവുഡില്‍ ചെറുതും വലുതുമായി നിരവധി സിനിമകളില്‍ വേഷമിട്ട നടിയാണ് ലാറ ദത്ത. അന്ദാസിലെ അഭിനയിത്തിന് ഫിലിം ഫെയര്‍ പുരസ്‌കാരവും ലാറയ്ക്ക് ലഭിച്ചിരുന്നു.

മസ്തി, നോ എന്‍ട്രി, ഭാഗം ഭാഗ്, പാര്‍ട്ണര്‍, ഹൗസ് ഫുള്‍, ചലോ ദില്ലി, ഡോണ്‍ 2, ബെല്‍ ബോട്ടം തുടങ്ങിയ സിനിമകളില്‍ അഭിനയിച്ചു. ബെല്‍ ബോട്ടത്തില്‍ ഇന്ദിരാ ഗാന്ധിയായാണ് വേഷമിട്ടത്. ടെന്നിസ് കളിക്കാരന്‍ മഹേഷ് ഭൂപതിയെ വിവാഹം കഴിച്ച ലാറ ദത്ത അടുത്തിടെ വെബ് സീരീസുകളിലും വേഷമിട്ടു. ഹണ്ട്രഡ്, ചാര്‍ളീ ചോപ്ര ആന്‍ഡ് ദ മിസ്റ്ററി ഓഫ് സൊളാങ്ങ് വാലീ എന്ന സീരീസികുൡും അഭിനയിച്ചു.