'‌നാൽപ്പതുകളിൽ വരുന്ന പ്രണയവും സാധാര‌ണമാണ്'; പരിഹസിക്കുന്നവരോട് മലൈകയ്ക്ക് പറയാനുള്ളത്!

1998ൽ വിവാഹിതരായ ഇരുവരും 2016ലാണ് വിവാഹമോചിതരായത്. ഇതിന് ശേഷമാണ് അർജുനുമായി പ്രണയത്തിലായത്. ഇരുവരും പ്രണയത്തിലാണെന്ന വാർത്തകൾ പുറത്ത് വന്നപ്പോൾ താരങ്ങ‌ളുടെ പ്രായവ്യത്യാസമായിരുന്നു ഏറ്റവും കൂടുതൽ ചർച്ച ചെയ്യപ്പെട്ടത്. നാൽപത്തിയെട്ട് വയസുണ്ട് മലൈക അറോറയ്ക്ക്. മുപ്പത്തിയാറ് വയസാണ് അർജുൻ കപൂറിന്റെ പ്രായം. അർബാസ് ഖാനുമായുള്ള ബന്ധത്തിൽ അർഹാൻ ഖാൻ എന്നൊരു മകനും മലൈകയ്ക്കുണ്ട്. മലൈകയും അർജുനും വേർപിരിഞ്ഞുവെന്ന വാർത്ത കാട്ട് തീ പോലെ പടർന്നപ്പോൾ ഒടുവിൽ മൗനം വെടിഞ്ഞ് പ്രചരിക്കുന്ന വാർത്തയിലെ സത്യം വെളിപ്പെടുത്തി അർജുൻ കപൂർ രം​​ഗത്തെത്തി.

മലൈകയ്ക്ക് ഒപ്പമുള്ള ഫോട്ടോ ഷെയർ ചെയ്താണ് കിംവദന്തി പ്രചരിച്ചവർക്ക് അർജുൻ മറുപടി കൊടുത്തത്. കിംവദന്തികൾക്ക് സ്ഥാനമില്ലെന്നും സുരക്ഷിതരും അനുഗ്രഹീതരുമായിരിക്കൂവെന്നും എല്ലാവർക്കും നന്മകൾ ആശംസിക്കൂവെന്നുമാണ് അർജുൻ പോസ്റ്റിനൊപ്പം എഴുതിയത്. ​ഗോസിപ്പുകൾക്ക് ശേഷം മലൈകയും പുതിയ കുറിപ്പുമായി സോഷ്യൽമീഡിയയിൽ എത്തിയിരിക്കുകയാണ്. നാൽപ്പതുകളിലെ പ്രണയം സാധാരണമായി കാണണമെന്നാണ് മലൈക എഴുതിയത്. 'നിങ്ങൾ നാൽപ്പതിൽ പ്രണയം കണ്ടെത്തുന്നത് സാധാരണമായി കാണുക. മുപ്പതുകളിൽ പുതിയ സ്വപ്നങ്ങൾ നെയ്യുന്നതും സ്വപ്നങ്ങൾക്ക് പിറകെ പോകുന്നതും സാധാരണമാണെന്ന് മനസിലാക്കുക. അമ്പതുകളിൽ നിങ്ങൾ നിങ്ങളെ കണ്ടെത്തുന്നതും സാധാരണമാണെന്ന് തിരിച്ചറിയുക. ഇരുപത്തഞ്ചിൽ എത്തിയാൽ പ്രണയം അവസാനിച്ചു എന്നില്ല. അതിനാൽ അത്തരത്തിലുള്ള അഭിനയങ്ങളൊക്കെ ഇനി അവസാനിപ്പിക്കാം' എന്നാണ് മലൈക കുറിച്ചത്.

നടിയുടെ പോസ്റ്റ് പ്രത്യക്ഷപ്പെട്ടതോടെ നിരവധി പേർ പിന്തുണച്ച് എത്തി. എല്ലാവരും കാത്തിരിക്കുന്ന ബോളിവുഡിൽ നിന്നുള്ള വിവാഹ വാർത്തകളിൽ ഒന്ന് അർജുന്റേയും മലൈകയുടേയും ആണ്. ബോണി കപൂറിന്റെയും ആദ്യ ഭാര്യ മോണ ഷോറി കപൂറിന്റെയും മകനാണ് അർജുൻ. 1983ൽ വിവാഹിതരായ ബോണി കപൂറും മോണയും 1996ൽ വിവാഹ മോചിതരായി. പിന്നീട് ബോണി കപൂർ ശ്രീദേവിയെ വിവാഹം ചെയ്യുകയായിരുന്നു. അച്ഛന്റെ രണ്ടാം ഭാര്യയോടും കുടുംബത്തോടും അത്ര അടുപ്പം സൂക്ഷിക്കാത്ത അർജുൻ ശ്രീദേവിയുടെ അപ്രതീക്ഷിതമായ മരണത്തിന് ശേഷമാണ് ശ്രീദേവിയുടെ മക്കളായ ജാൻവിയോടും സഹോദരി ഖുഷിയോടും അടുക്കുന്നത്. കോഫി വിത്ത് കരൺ എന്ന ടെലിവിഷൻ പ്രോഗ്രാമിലും ഇരുവരും ഒന്നിച്ച് പ്രത്യക്ഷപ്പെട്ടിരുന്നു. 'സന്ദീപ് ഓർ പിങ്കി ഫറാർ' എന്ന ചിത്രത്തിന്റെ റിലീസിനായി കാത്തിരിക്കുകയാണ് അർജുൻ ഇപ്പോൾ. കൊറോണയുടെ പശ്ചാത്തലത്തിൽ നീണ്ടുപോവുകയാണ് ചിത്രത്തിന്റെ റിലീസ്.