കന്യകമാരായ നടിമാരെയേ അവർക്ക് ആവശ്യമുള്ളു; ആമിർ ഖാൻ വരെ വിവാഹക്കാര്യം ഒളിപ്പിച്ച് വെച്ചെന്ന് നടി മഹിമ ചൗധരി

നടിമാര്‍ക്ക് മാത്രമേ ഇതൊക്കെ ബാധകമാവുന്നുള്ളു. പുരുഷന്മാരായ അഭിനേതാക്കളുടെ കാര്യം വ്യത്യസ്തമാണ്. എന്നിരുന്നാലും പല താരങ്ങളും അവരുടെ ബന്ധങ്ങളെ കുറിച്ചുള്ള കാര്യങ്ങള്‍ മറച്ച് വെക്കുന്നത് പതിവാണ്. 'ഖയാമത് സെ ഖയാമത് തക്' എന്ന സിനിമ റിലീസിനെത്തിയതിന് ശേഷവും സൂപ്പര്‍താരം ആമിര്‍ ഖാന്‍ വിവാഹിതനായിരുന്നു എന്ന കാര്യം ആരും അറിഞ്ഞിരുന്നില്ല. സ്വന്തം പ്രായം പുറത്ത് വരും എന്നുള്ളത് കൊണ്ട് പല താരങ്ങളും അവരുടെ മക്കളുടെ ഫോട്ടോ പോലും പുറത്ത് വിടാറില്ലായിരുന്നു. എന്നാല്‍ ഇപ്പോള്‍ എല്ലാ കാര്യങ്ങളും മാറി. വിവാഹിതര്‍ ആണെങ്കിലും നടിമാരെ വിളിക്കുകയും അവര്‍ക്ക് വ്യത്യസ്ത റോളും മികച്ച ശമ്പളവുമൊക്കെ നല്‍കാറുണ്ടെന്നും മഹിമ കൂട്ടിചേര്‍ത്തു.

വര്‍ഷങ്ങള്‍ക്ക് മുന്‍പ് വലിയൊരു അപകടത്തില്‍ നിന്നും തലനാരിഴയ്ക്ക് രക്ഷപ്പെട്ടാണ് മഹിമ ചൗധരി ജീവിതത്തിലേക്ക് തിരിച്ച് വന്നത്. ബാംഗ്ലൂരുവില്‍ നിന്നും സിനിമയുടെ ഷൂട്ടിങ്ങിന് വേണ്ടി സ്റ്റുഡിയോയിലേക്ക് ഉള്ള യാത്രയ്ക്കിടയിലാണ് നടി അപകടത്തില്‍ പെടുന്നത്. നടി സഞ്ചരിച്ചിരുന്ന കാറിലേക്ക് ഒരു ട്രക്ക് ഇടിക്കുകയായിരുന്നു. അപകടത്തില്‍ കാറിന്റെ ഗ്ലാസുകള്‍ പൊട്ടി ചിതറി. മഹിമയുടെ ശരീരത്തിലും മുഖത്തുമായി തറച്ച് കയറി. താന്‍ മരിച്ചെന്ന് വരെ കരുതിയ നിമിഷമാണത്. തന്റെ മുഖം കണ്ണാടിയില്‍ കണ്ടപ്പോഴാണ് അപകടത്തിന്റെ ഭീകരത എത്രത്തോളമുണ്ടെന്ന് അറിഞ്ഞതെന്നും അടുത്ത കാലത്ത് ഒരു അഭിമുഖത്തില്‍ നടി വ്യക്തമാക്കിയിരുന്നു.

പുറത്തിറങ്ങാന്‍ പോലും സാധിക്കാത്തത് കൊണ്ട് ഏറ്റെടുത്ത പല സിനിമകളും മഹിമയ്ക്ക് നഷ്ടമായി. അങ്ങനെയിരിക്കെ 2006 ലാണ് ആര്‍ക്കിടെക് ബിസിനസുകാരനായ ബോബി മുഖര്‍ജിയും മഹിമ ചൗധരിയും തമ്മിലുള്ള വിവാഹം നടക്കുന്നത്. വിവാഹശേഷം തന്നെ കാത്തിരുന്നത് വലിയ പ്രശ്‌നങ്ങളായിരുന്നു. നടിയുടെ ഗര്‍ഭകാലമാണ് വലിയ പ്രതിസന്ധി സൃഷ്ടിച്ചത്. ഇതിനെ കുറിച്ചും നടി വെളിപ്പെടുത്തിയിരുന്നു. രണ്ട് തവണ ഗര്‍ഭിണി ആയെങ്കിലും അത് രണ്ടും അലസി പോയി. അങ്ങനെ തന്റെ ദാമ്പത്യ ജീവിതത്തില്‍ പല പ്രശ്നങ്ങളും ഉയര്‍ന്ന് വന്നു.

Recommended Video

ലാലേട്ടന്റെ മാസ്സ് ഡയലോഗുമായി എലോണ്‍ ടീസര്‍ പുറത്ത്‌

ഇക്കാര്യങ്ങളൊന്നും ബന്ധുക്കളോടോ സുഹൃത്തുക്കളോടോ പറഞ്ഞിരുന്നില്ല. നമ്മളൊരു പ്രശ്‌നം പറയുമ്പോള്‍ ഇതൊക്കെ ഒരു പ്രശ്‌നമാണോ സ്വഭാവികമായും നടക്കുന്നതാണെന്ന് പറഞ്ഞ് എഴുതി തള്ളും. അങ്ങനെ എല്ലാം സഹിച്ച് മുന്നോട്ട് പോവുമ്പോഴാണ് താന്‍ വീണ്ടും ഗര്‍ഭിണിയാവുന്നത്. അങ്ങനെ ആ കുഞ്ഞ് ജനിച്ചെങ്കിലും 2013 ല്‍ മഹിമ ചൗധരിയും ഭര്‍ത്താവും വേര്‍പിരിയുകയായിരുന്നു.