ഹണിമൂണിന് കുഞ്ഞിനെ കുറിച്ച് പറഞ്ഞു; പക്ഷേ ഗര്‍ഭിണിയാവാന്‍ പോലും പേടിയായിരുന്നുവെന്ന് അമൃത റാവു

കഴിഞ്ഞ കുറച്ച് മാസങ്ങളായി അമൃതയും അന്‍മോളും അവരുടെ വ്യക്തി ജീവിതത്തെ സംബന്ധിച്ചുള്ള കാര്യങ്ങളാണ് യൂട്യൂബ് ചാനലിലൂടെ പങ്കുവെച്ച് കൊണ്ടിരിക്കുന്നത്. അതില്‍ ഇരുവരും പരിചയപ്പെട്ടതിനെ കുറിച്ച് മുതല്‍ വിവാഹം കഴിക്കുന്നത് വരെയുള്ള കാര്യങ്ങളുണ്ട്. അവസാനം പുറത്തിറങ്ങിയ എപ്പിസോഡിലാണ് ഒരു കുഞ്ഞിന്റെ രക്ഷിതാക്കള്‍ ആയതിനെ കുറിച്ചും ഗര്‍ഭകാലത്തെ പറ്റിയുമൊക്കെ താരങ്ങള്‍ സംസാരിച്ചത്.

ബാലിയില്‍ വെച്ച് ഹണിമൂണ്‍ ആഘോഷിക്കുന്ന സമയത്തേ ഞങ്ങള്‍ ഒരു കുഞ്ഞിനെ കുറിച്ച് സംസാരിച്ചിരുന്നു. അതിന് ശേഷം വളരെ കാലത്തേക്ക് അത് പറ്റി സംസാരിച്ചിരുന്നില്ല. കാരണം അടിസ്ഥാനപരമായി ഗര്‍ഭധാരണത്തെ താന്‍ ഭയപ്പെട്ടിരുന്നു എന്നാണ് അമൃത പറയുന്നത്. ആദ്യമായിട്ടാണ് ഞാനീ കാര്യം പറയുന്നത്. ഞാന്‍ ഗര്‍ഭിണിയാവുമോ എന്ന് വളരെയധികം ഭയപ്പെട്ടിരുന്നു. കാരണം ഓരോ ഗര്‍ഭാവസ്ഥയും വളരെ വ്യത്യസ്തമായിരിക്കും. എന്നാല്‍ അതൊക്കെ വെറും സ്വാഭാവികമായിട്ടുള്ള കാര്യങ്ങളാണെന്ന് ചുറ്റുമുള്ള സ്ത്രീകള്‍ എന്നോട് പറഞ്ഞിരുന്നു. എന്നാല്‍ സ്വന്തം ശരീരത്തിലൂടെ ഒരു കുഞ്ഞ് വളര്‍ന്ന് വരുന്നതിനെ കുറിച്ച് ആലോചിക്കുന്നത് പോലും എന്നെ അസ്വസ്ഥതയാക്കി. ഇതേ കുറിച്ച് ഒത്തിരി സംശയം എനിക്കുണ്ടായിരുന്നു.

ഗര്‍ഭിണിയായ ശേഷം കുഞ്ഞിനെ കുറിച്ചോര്‍ത്ത് എനിക്ക് ഉത്കണ്ഠ തോന്നി. ആദ്യ ഒരു മാസം ഉറങ്ങാന്‍ പോലും സാധിച്ചില്ലെന്നും നടി പറയുന്നു. പിന്നീട് തന്റെ ഭയം നേരിടാനുള്ള ധൈര്യം സംഭരിച്ചു. അങ്ങനെയാണ് 2020 ല്‍ മകന് ജന്മം കൊടുക്കുന്നത്. ഇക്കഴിഞ്ഞ നവംബറില്‍ ഇരുവരുടെയും മകന്‍ വീര്‍ ഒരു വയസ് പൂര്‍ത്തിയാക്കിയിരുന്നു. മകന്റെ പിറന്നാള്‍ ആഘോഷത്തിന്റെ ഫോട്ടോസ് താരങ്ങള്‍ തന്നെ പുറത്ത് വിടുകയും ചെയ്തു.

Recommended Video

Ranbir Kapoor and Alia Bhatt to get married in April 2022? Here’s what we know

ഏറെ കാലം പ്രണയത്തിലായിരുന്ന അമൃത റാവുവും അന്‍മോളും വളരെ രഹസ്യമായിട്ടാണ് വിവാഹിതരാവുന്നത്. വിവാഹശേഷം ഇക്കാര്യങ്ങള്‍ പുറംലോകം അറിയുകയായിരുന്നു. പിന്നീട് അമൃത ഗര്‍ഭിണിയായതോട് കൂടിയാണ് താരങ്ങളുടെ കൂടുതല്‍ വിശേഷങ്ങള്‍ പുറത്ത് വരുന്നത്. എന്തായാലും മകന്റെ കൂടെ സന്തുഷ്ടമായൊരു ദാമ്പത്യ ജീവിതം ഉണ്ടാവട്ടേ എന്ന് ആശംസിക്കുകയാണ് ആരാധകര്‍.