അമ്മയുടെ പ്രണയത്തെ കുറിച്ച് അറിഞ്ഞപ്പോഴുള്ള മകന്റെ പ്രതികരണം, സംസാരിച്ചിരുന്നു, തുറന്ന് പറഞ്ഞ് നടി

അർബാസ് ഖാൻ മലൈക ദമ്പതികൾക്ക് അർഹാൻ ഖാൻ എന്നൊരു മകനുണ്ട്. താരങ്ങളുടെ വിവാഹ മോചനത്തിന് ശേഷം അർഹാൻ അമ്മ മലൈകയ്ക്കൊപ്പമാണ് താമസിക്കുന്നത്. മകന്റെ വിശേഷങ്ങൾ നടി പങ്കുവെയ്ക്കാറുണ്ട്. അർഹാന് പിതാവ് അർബ്ബാസ് ഖാനുമായും വളരെ നല്ല ബന്ധമാണുള്ളത്. ഇപ്പോൾ സോഷ്യൽ മീഡിയയിൽ വൈറലാകുന്നത് അർജുൻ കപൂറുമായുള്ള ബന്ധത്തിൽ മകൻ അർഹാന്റെ പ്രതികരണണാണ്.

ഹന്ദുസ്ഥാൻ ടൈംസിന് നൽകിയ അഭിമുഖത്തിലാണ് മകന്റെ പ്രതികരണത്തെ കുറിച്ച് മലൈക പറഞ്ഞത്. അർജുൻ കപൂറുമായുള്ള ഡേറ്റിംങ്ങിനെ കുറിച്ചുള്ള മകന്റെ പ്രതികരണത്തെ കുറിച്ച് ചോദിച്ചപ്പോഴാണ് നടി ഇക്കാര്യം വെളിപ്പെടുത്തിയത്. ''ജീവിതത്തിലെ ഏത് സാഹചര്യത്തേയും സമീപിക്കാനുള്ള ഏറ്റവും നല്ല മാർഗം സത്യസന്ധതയാണെന്ന് വിശ്വസിക്കുന്ന ആളാണ് ഞാൻ. ജീവിതത്തിൽ എന്താണ് സംഭവിക്കുന്നതെന്ന് നിങ്ങളുടെ പ്രിയപ്പെട്ടവരോട് പറയണം. കൂടാതെ കാര്യങ്ങൾ മനസ്സിലാക്കാനും അതിനെ പ്രൊസസ്സ് ചെയ്യാനും സമയവും സാഹചര്യവും നൽകണം.

ഞങ്ങൾ അത്തരത്തിൽ സംസാരിച്ചു. ഇന്ന് എല്ലാവരും സന്തോഷത്തോടെയും സത്യസന്ധവുമായി ഇരിക്കുന്നു. അതിൽ ഇന്ന് എനിക്ക് വളരെ സന്തോഷമുണ്ടെന്നു'' മലൈക അഭിമുഖത്തിൽ പറയിന്നു. അർബ്ബാസ് ഖാന്റേയും മലൈക അറോറയുടേതും പ്രണയ വിവാഹമായിരുന്നു. ഏറെ നാളത്തെ പ്രണയത്തിന് ശേഷമായിരുന്നു ഇരുവരും 1998 ൽ വിവാഹിതരാകുന്നത്. 2017ലാണ് 19 വർഷത്തെ ദാമ്പത്യ ജീവിതം ഔദ്യോഗികമായി അവസാനിപ്പിക്കുന്നത്.

Recommended Video

പ്രണയിനിക്കായി ഫ്‌ളാറ്റ് സ്വന്തമാക്കി താരപുത്രന്‍ | filmibeat Malayalam

അർബാസ് ഖാനുമായുള്ള ബന്ധം പരാജയപ്പെട്ട ശേഷം വീണ്ടുമൊരു പ്രണയം ഉണ്ടായതിനെ കുറിച്ചും മലൈക അഭിമുഖത്തിൽ പറയുന്നുണ്ട്. വിവാഹ ജീവിതം അവസാനിച്ചതിന് ശേഷം മറ്റൊരു ബന്ധത്തിൽ ഏർപ്പെടാൻ തനിക്ക് ഭയമുണ്ടായിരുന്നു. പരാജയം സംഭവിക്കുമോ എന്ന് പേടിച്ചിരുന്നു. എന്നാൽ ഒരു പ്രണയം താൻ ആഗ്രഹിച്ചിരുന്നു. ഈ ബന്ധം തനിക്ക് ആത്മവിശ്വാസം വർധിപ്പിക്കുകയായിരുന്നു. അർജുൻ കപൂറുമായുള്ള ബന്ധത്തിൽ താൻ വളരെ സന്തോഷവതിയാണെന്നും മലൈക അറോറ കൂട്ടിച്ചേർത്തു.