ഗോസിപ്പുകാര്‍ പോലും അറിയാതെ രഹസ്യമായി തന്നെ അത് നടന്നു; അമ്മയായ സന്തോഷം പങ്കുവെച്ച് നടി ശ്രിയ ശരണ്‍

വിവാഹം കഴിഞ്ഞതോട് കൂടി ഇന്ത്യയില്‍ നിന്നും വിദേശത്തേക്ക് സ്ഥിരതാമസം ആക്കിയതായിരുന്നു നടി ശ്രിയ ശരണ്‍. ഭര്‍ത്താവിനൊപ്പമുള്ള യാത്രകളുടെ വീഡിയോസ് നിരന്തരം പങ്കുവെക്കാറുള്ള നടി ഇതിനിടയില്‍ എപ്പോഴാണ് ഗര്‍ഭിണിയായതെന്ന് ആരാധകരും അറിഞ്ഞില്ല. കൊവിഡ് കാരണം വീട്ടില്‍ ക്വാറന്റൈനില്‍ ആയിരുന്ന സമയത്ത് നടിയും ഗര്‍ഭിണിയാവുകയായിരുന്നു. കുഞ്ഞിനെ എടുത്ത് തമാശ കാണിക്കുന്നൊരു വീഡിയോയാണ് ശ്രിയ സോഷ്യല്‍ മീഡിയയില്‍ പങ്കുവെച്ചത്. കുഞ്ഞിനെ എടുത്ത് ശ്രിയ നില്‍ക്കുമ്പോള്‍ പാല്‍ കൊടുക്കുന്ന ഭര്‍ത്താവിനെയും വീഡിയോയില്‍ കാണാം.

കഴിഞ്ഞ വര്‍ഷം ഗര്‍ഭിണിയായിരുന്നു എന്ന് സൂചിപ്പിച്ച് കൊണ്ട് നിറവയറിലുള്ള ശ്രിയയുടെ ഫോട്ടോയും വീഡിയോയില്‍ കാണിച്ചിരുന്നു. ''ഹലോ പ്രിയപ്പെട്ടവരേ, ഞങ്ങള്‍ക്ക് 2020 ലെ ക്വാറന്‍ൈന്‍ കുറച്ച് അമിതാവേശമുള്ളതായിരുന്നു. ലോകം വളരെ പ്രക്ഷുബ്ദമായ അവസ്ഥയിലൂടെ കടന്ന് പോകുന്നതിനൊപ്പം ഞങ്ങളുടെ ലോകം എന്നന്നേക്കുമായി മാറുകയായിരുന്നു. അവിടെ സാഹസികതയും ആവേശവും ചില പഠനങ്ങളും നിറഞ്ഞൊരു ലോകമാണ്. ഞങ്ങളുടെ ജീവിതത്തിലേക്ക് ഒരു മാലാഖ ഉണ്ടായതില്‍ വളരെയധികം അനുഗ്രഹീതരാണ്. ഞങ്ങള്‍ ദൈവത്തോട് നന്ദിയുള്ളവരുമായിരിക്കും. എന്നും പറഞ്ഞാണ് ശ്രിയ വീഡിയോ പോസ്റ്റ് ചെയ്തിരിക്കുന്നത്.

ഏറെ കാലം നീണ്ട പ്രണയത്തിനൊടുവില്‍ 2018 ലായിരുന്നു ശ്രിയ ശരണും റഷ്യന്‍ സ്വദേശിയായ ആന്‍ഡ്രേയ് കൊഷ്ചിവും തമ്മില്‍ വിവാഹിതരാവുന്നത്. വളരെ രഹസ്യമായിട്ടാണ് അന്ന് താരവിവാഹം നടന്നത്. ഇന്ത്യയിലെ പരമ്പരാഗതമായ ചടങ്ങുകളിലൂടെയാണ് ശ്രിയയും ആന്‍ഡ്രോയും വിവാഹിതരായത്. കല്യാണശേഷമുള്ള ചിത്രങ്ങള്‍ പുറത്ത് വന്നപ്പോഴാണ് നടിയുടെ വിവാഹം കഴിഞ്ഞെന്ന കഥ വാര്‍ത്തയാവുന്നത്. ഇക്കഴിഞ്ഞ മാര്‍ച്ചില്‍ മൂന്നാം വിവാഹ വാര്‍ഷികം ഇരുവരും ആഘോഷിച്ചിരുന്നു. ഒപ്പം കണ്മണി കൂടി ഉള്ളതിന്റെ സന്തോഷം ഇത്തവണയുണ്ട്.

ഒരു നടിയാണെന്ന് പോലും അറിയാതെയാണ് ശ്രിയ ശരണ്‍ ആന്‍ഡ്രോയുമായി പരിചയത്തിലാവുന്നത്. അവധി ആഘോഷിക്കാന്‍ മാലിദ്വീപില്‍ പോയതായിരുന്നു നടി. അവിടുന്ന് കണ്ട് പരിചയപ്പെട്ട ഇരുവരും സൗഹൃദത്തിലായി. പിന്നീടത് പ്രണയമായതോടെ വിവാഹം കഴിക്കാമെന്ന് തീരുമാനിച്ചു. അദ്ദേഹത്തെ പോലൊരാളെ ജീവിത പങ്കാളിയായി കിട്ടിയതില്‍ താന്‍ ഭാഗ്യവതിയാണെന്ന് ശ്രിയ മുന്‍പ് പറഞ്ഞിരുന്നു. എന്തായാലും നടിയൊരു അമ്മയായതിന്റെ സന്തോഷം ആരാധകരും പങ്കുവെക്കുകയാണിപ്പോള്‍.