ഷാഹിദ് കപൂറിന്റെ ഭാര്യ അലിയ ഭട്ടിനെ വിളിച്ചതെന്തിനാവും?

By Rohini

Published: Saturday, September 19, 2015, 10:22 [IST]

അലിയ ഭട്ടും ഷാഹിദ് കപൂറും ബോളിവുഡിലെ അടുത്ത മികച്ച ജോഡികള്‍ എന്ന വിശേഷണം നേടാനൊരുങ്ങുകയാണ്. ഇരുവരും ഒന്നിച്ചഭിനയിക്കുന്ന ശാന്ദര്‍ എന്ന ചിത്രം റിലീസിന് മുമ്പേ ശ്രദ്ധിക്കപ്പെടുന്നതും ഈ ജോഡി പൊരുത്തം കൊണ്ടാണ്.

ചിത്രത്തിലെ ആദ്യത്തെ പാട്ട് തന്റെ ഭാര്യയ്ക്കുള്ള പിറന്നാള്‍ സമ്മാനമായിരുന്നു എന്നാണ് ഷാഹിദ് കപൂര്‍ പറഞ്ഞത്. ഈ അടുത്താണ് ഷാഹിദിന്റെയും മിറ രാജ്പുത്തിന്റെയും വിവാഹം നടന്നത്. പാട്ടും സിനിമയുടെ പ്രമോഷനുമൊക്കെ മിറയ്ക്ക് വളരെ ഇഷ്ടമായത്രെ.

പാട്ട് കണ്ടിട്ട് ഭര്‍ത്താവിന്റെ നായികയെ മിറ ഫോണ്‍ വിളിക്കുകയും ചെയ്തു. തങ്ങളുടെ സ്വകാര്യ വിഷയങ്ങള്‍ ഒരിക്കലും മാധ്യമങ്ങള്‍ക്ക് മുമ്പില്‍ പറയില്ലെന്ന് അലിയ ഭട്ടും ഷാഹദ് കപൂറും നേരത്തെ പറഞ്ഞിട്ടുള്ളതാണ്. എന്നാല്‍ ചിത്രത്തിന്റെ പ്രമോഷന്‍ പരിപാടിയില്‍ അലിയ ഭട്ട് മിറ ഷാഹിദിനെ കുറിച്ച് സംസാരിച്ചത് ശ്രദ്ധേയമായി

പാട്ട് കണ്ട് തന്നെ മിറ വിളിച്ചെന്നും ഒരുപാട് ഇഷ്ടപ്പെട്ടും എന്ന് പറഞ്ഞെന്നുമാണ് അലിയ പറയുന്നത്. ചിത്രം ഒക്ടോബര്‍ 22 ന് റിലീസ് ചെയ്യുന്നതും കാത്തിരിക്കുകയാണത്രെ താരപത്‌നി.