'താങ്കളുടെ മുൻ കാമുകി അല്ലേ ഇത്?'; പകുതി വെട്ടി മാറ്റിയ ഫോട്ടോ പങ്കുവെച്ച ബി​ഗ് ബിയെ ട്രോളി ആരാധകർ!

മുമ്പ് താൻ അഭിനയിച്ച ഒരു സിനിമയിലെ നായികയുമായി നിൽക്കുന്ന ഫോട്ടോയാണ് ബച്ചൻ പങ്കുവെച്ചത്. പക്ഷെ ബച്ചൻ പങ്കുവെച്ച ചിത്രത്തിൽ ബച്ചനേയും നായികയുടെ കൈയ്യും മാത്രമാണ് കാണാൻ സാധിക്കുന്നത്. ഇത് ഏത് നടിയുടെ കൈയ്യാണ് എന്ന് കണ്ടുപിടിക്കൂ എന്ന ക്യാപ്ഷനോടെയാണ് ബച്ചൻ ഇൻസ്റ്റ​ഗ്രാമിൽ ഫോട്ടോ പങ്കുവെച്ചത്. പോസ്റ്റ് പ്രത്യക്ഷപ്പെട്ടതോടെ താരത്തിന്റെ ആരാധകരെല്ലാം ഊഹാപോഹങ്ങൾ കമന്റായി കുറിക്കാൻ തുടങ്ങി. നിരവധി പേർ കമന്റായി കുറിച്ചത് നടി രേഖയുടെ പേരായിരുന്നു. ബച്ചന്റെ മുൻ കാമുകിയായിരുന്നു രേഖ. ബോളിവുഡിൽ ഏറ്റവും കൂടുതൽ ചർച്ച ചെയ്യപ്പെട്ടിട്ടുള്ള പ്രണയങ്ങളിൽ ഒന്ന് ഇവരുടേതാണ്. 'സ്വന്തം കാമുകിയുടെ കൈ കണ്ടിട്ട് തിരിച്ചറിയുന്നില്ലേ?, ഇത് താങ്കളുടെ മുൻ കാമുകി രേഖയുടെ കൈയ്യല്ലേ, നടി രേഖയുടെ കൈകളാണിത്' എന്നിങ്ങനെ നിരവധി രസകരമായ കമന്റുകളാണ് ബച്ചന്റെ പോസ്റ്റിന് ലഭിച്ചത്.

യഥാർഥത്തിൽ ചിത്രത്തിൽ ബച്ചനോടൊപ്പം ഉണ്ടായിരുന്നത് ഇന്ത്യൻ സിനിമയുടെ മുഖശ്രീയായിരുന്ന നടി ശ്രീദേവിയായിരുന്നു. ശ്രീദേവി എന്ന ശരിയായ ഉത്തരവും ചിലർ കമന്റ് ചെയ്തിരുന്നു. സംവിധായകയും കൊറിയോ​ഗ്രാഫറുമായ ഫറാ ഖാനും ചിത്രത്തിന് കമന്റുമായി എത്തിയിരുന്നു. ശ്രീദേവി എന്ന ശരിയുത്തരമാണ് ഫറാ ഖാൻ കമന്റ് ചെയ്തത്. ദോ അജ്‌നബീ എന്ന സിനിമയുടെ സെറ്റിൽ വെച്ചാണ് അമിതാഭ് ബച്ചൻ-രേഖ പ്രണയത്തിന് തുടക്കമായത്. രേഖയും അമിതാഭും രേഖയുടെ സുഹൃത്തിന്റെ ഉടമസ്ഥതയിലുള്ള ബംഗ്ലാവിൽ വെച്ചാണ് കണ്ടുമുട്ടിയിരുന്നത്. ഒരിക്കൽ രേഖയോട് മോശമായി പെരുമാറിയതിന് ഒരു സഹനടനോട് ബിഗ് ബി ദേഷ്യപ്പെട്ടതിന് ശേഷമാണ് ഇരുവരും പ്രണയത്തിലാണെന്ന് ബോളിവുഡ് തിരിച്ചറിയുന്നത്. അതുവരെ ഇരുവരുടേയും ബന്ധം നിശബ്ദവും സ്വകാര്യവുമായിരുന്നു. ഋഷി കപൂറിന്റെയും നീതു സിങ്ങിന്റെയും വിവാഹത്തിൽ രേഖ സിന്ദൂരും മംഗളസൂത്രയും ധരിച്ച് എത്തിയതിനാൽ ബച്ചൻ രേഖയെ രഹസ്യമായി വിവാഹം ചെയ്തുവെന്നും റൂമറുകൾ ഉണ്ടായിരുന്നു.

Recommended Video

Kapp movie pooja ceremony | Alwyn Antony | Mathew Thomas | FilmiBeat Malayalam

ഈ സംഭവത്തിന് ശേഷം ജയ ബച്ചൻ രേഖയെ വീട്ടിലേക്ക് ക്ഷണിക്കുകയും ഒരു കാരണവശാലും തന്റെ ഭർത്താവിനെ വിട്ടുതരാൻ പോകുന്നില്ലെന്ന് പറയുകയും ചെയ്തു‌. സംഭവത്തിന ശേഷം രേഖയ്ക്ക് അനുകൂലമായി ബച്ചൻ നിലപാട് സ്വീകരിക്കാത്തതും രേഖയെ തളർത്തിയിരുന്നു. രേഖയുമായുള്ള പ്രണയം ഒരിക്കലും ബച്ചൻ പരസ്യമായി സമ്മതിച്ചിട്ടില്ല. പക്ഷെ പലപ്പോഴും അഭിമുഖങ്ങളിൽ വെച്ച് ബച്ചനുമായി തനിക്ക് പ്രണയമുണ്ടായിരുന്നുവെന്ന് മടികൂടാതെ പ്രതിച്ഛായ മാനിക്കാതെ രേഖ പറയാറുണ്ടായിരുന്നു.