Click it and Unblock the Notifications
Don't Miss!
-
കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും -
'തെക്ക് കിഴക്ക് നടന്നു എന്നല്ലാതെ പൗരത്വ ബില്ലിനെ കുറിച്ച് രാഹുൽ ഗാന്ധി ഒന്നും പറഞ്ഞിട്ടില്ല'; എംവി ഗോവിന്ദൻ -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
പത്ത് മിനുറ്റിന് 9 കോടി വാങ്ങി നടി ആലിയ ഭട്ട്; ബാഹുബലി സംവിധായകന്റെ സിനിമയ്ക്ക് നടി വാങ്ങുന്ന പ്രതിഫലമിങ്ങനെ
കുറഞ്ഞ കാലം കൊണ്ട് ബോളിവുഡിലെ മുന്‍നിര നായിക സ്ഥാനത്തേക്ക് എത്തിയ സുന്ദരിയാണ് ആലിയ ഭട്ട്. നടന്‍ രണ്‍ബീര്‍ കപൂറുമായി പ്രണയത്തിലായ നടി വൈകാതെ വിവാഹിതയായേക്കും എന്നാണ് അറിയുന്നത്. അതേ സമയം തെലുങ്ക് സിനിമയിലേക്ക് കൂടി ആലിയ ചുവടുവെക്കുന്നതുമായി ബന്ധപ്പെട്ടുള്ള വിവരങ്ങളാണ് പുറത്ത് വരുന്നത്. ബാഹുബലി സംവിധായകന്‍ ഒരുക്കുന്ന ആര്‍ആര്‍ആര്‍ എന്ന സിനിമയില്‍ പ്രധാനപ്പെട്ടൊരു കഥാപാത്രം ചെയ്യുന്നത് ആലിയ ആണ്.
മുന്‍പും ആലിയയുടെ റോളുമായി ബന്ധപ്പെട്ടുള്ള റിപ്പോര്‍ട്ടുകള്‍ വന്നിരുന്നു. ഈ സിനിമയ്ക്ക് വേണ്ടി നടി വാങ്ങുന്നത് ഭീമമായിട്ടുള്ള പ്രതിഫലമാണ് എന്നതാണ് ശ്രദ്ധേയം. നേരത്തെ പറഞ്ഞതിനെക്കോളും കൂടുതല്‍ കോടികള്‍ നടി വാങ്ങിയെന്നാണ് പുതിയതായി പുറത്ത് വന്ന റിപ്പോര്‍ട്ടുകളില്‍ പറയുന്നത്.
ബോളിവുഡില്‍ ഹിറ്റ് സിനിമകളിലടക്കം നായികയായി അഭിനയിച്ച ആലിയ ഭട്ടിന്റെ തെന്നിന്ത്യയിലേക്കുള്ള അരങ്ങേറ്റ ചിത്രമാണ് ആര്‍ആര്‍ആര്‍. രാജമൗലി സംവിധാനം ചെയ്യുന്ന സിനിമയാണെന്നുള്ള പ്രത്യേകതയോടെ എത്തുന്ന ചിത്രത്തില്‍ രാം ചരണും ജൂനിയര്‍ എന്‍ടിആറുമാണ് നായകന്മാരായി അഭിനയിക്കുന്നത്. പീരിഡ് ആക്ഷന്‍ ചിത്രം കൂടി ആയതിനാല്‍ബിഗ് ബജറ്റിലൊരുക്കുന്ന സിനിമയ്ക്ക് നാനൂറ് കോടിയോളം മുതല്‍ മുടക്ക് വരുമെന്നാണ് അറിയുന്നത്.
അതേ സമയം ആലിയ ഭട്ടിന്റെ കഥാപാത്രത്തിന് മാത്രം ഒന്‍പത് കോടിയോളം പ്രതിഫലം വാങ്ങുന്നുണ്ടെന്നാണ് റിപ്പോര്‍ട്ട്. മുന്‍പ് നടിയ്ക്ക് അഞ്ച് കോടിയാണ് പ്രതിഫലമെന്ന തരത്തിലാണ് പ്രചരിച്ചത്. എന്നാല്‍ പുതിയതായി പുറത്ത് വന്ന വിവരങ്ങളില്‍ നിന്നുമാണ് 9 കോടിയുണ്ടെന്ന് അറിയുന്നത്. 12 മുതല്‍ 14 ദിവസം വരെ മാത്രമേ ആലിയയ്ക്ക് ഷൂട്ടിങ് ഉണ്ടായിരുന്നുള്ളൂ. ഇതെല്ലാം ചേര്‍ത്ത് സിനിമയില്‍ ആകെ പത്ത് മിനിട്ട് ദൈര്‍ഘ്യമുള്ള കഥാപാത്രമായിരിക്കും എന്നും അറിയുന്നു. ഇത്രയും കുറഞ്ഞ സമയത്തിന് വേണ്ടിയാണ് നടി 9 കോടി വാങ്ങിയത്.
ചിത്രത്തില്‍ രാം ചരണ്‍ അവതരിപ്പിയ്ക്കുന്ന അല്ലൂരി ശ്രീരാമരാജുവിന്റെ ഭാര്യയായ സീത എന്ന കഥാപാത്രത്തെയാണ് അലിയ അവതരിപ്പിയ്ക്കുന്നത്. ആന്ധ്രാപ്രദേശിലെ സ്വതന്ത്ര്യ സമരസേനാനിയും ട്രൈബല്‍ ലീഡറുമായ കഥാപാത്രമാണ് രാംചരണ്‍ അവതരിപ്പിക്കുന്നത്. ബ്രിട്ടീഷുകാരില്‍ നിന്നും ഇന്ത്യയ്ക്ക് സ്വതന്ത്ര്യം നേടി കൊടുക്കുന്ന സമരത്തില്‍ പങ്കെടുത്തിട്ടുണ്ടെന്നുമാണ് ഈ കഥാപാത്രത്തെ കുറിച്ച് പറയുന്നത്. അങ്ങനെ ഒരാളുടെ ഭാര്യയായി അഭിനയിക്കുന്നതിനാല്‍ സീത എന്ന കഥാപാത്രം നിസാരമായിരിക്കില്ലെന്നാണ് അറിയുന്നത്.
Recommended Video
ഇത് കൂടാതെ ബോളിവുഡില്‍ നാലോളം സിനിമകളുടെ തിരക്കിലാണ് ആലിയ ഭട്ട്. സഞ്ജയ് ലീല ബന്‍സാലി സംവിധാനം ചെയ്യുന്ന ഗംഗുഭായ് കത്വിവാദി എന്ന സിനിമയുടെ ചിത്രീകരണം പൂര്‍ത്തിയായി. വൈകാതെ റിലീസിനെത്തുമെന്നാണ് അറിയുന്നത്. ഒപ്പം ബ്രഹ്മാസ്ത്ര, ഡാര്‍ലിങ്, റോക്കി ഔര്‍ റാണി കി പ്രേം കഹാനി തുടങ്ങിയ സിനിമകളും ആലിയയുടേതായി വരാനിരിക്കുന്നു. ഇതിനിടയിലാണ് രണ്‍ബീര്‍ കപൂറും ആലിയയും തമ്മില്‍ ഈ വര്‍ഷം തന്നെ വിവാഹം കഴിച്ചേക്കുമെന്ന റിപ്പോര്‍ട്ടുകള്‍ വന്നത്.
