ഇത് ഞങ്ങളുടെ ദീപികയല്ല!! ആ ചിത്രത്തിൽ അഭിനയിക്കരുത്.. ദീപിക പദുകോണിനെതിരെ ഫാൻസ്

ബോളിവുഡിലെ എവർഗ്രീൻ താരജോഡികളാണ് രൺബീർ കപൂർ- ദീപിക പദുകോൺ. വർഷങ്ങൾക്ക് ശേഷം ഇരുവരും വീണ്ടും ഒരുമിച്ച് എത്തുകയാണ്. പ്രഖ്യാപനം മുതൽ പ്രേക്ഷകർ ആകാംക്ഷയോടെ ചിത്രത്തിനായി കാത്തിരിക്കുന്നത്. ചിത്രവുമായി ബന്ധപ്പെട്ട് താരങ്ങൾ സംവിധായകൻ ലവ് രഞ്ജനുമായി കൂടിക്കാഴ്ച നടത്തിയിരുന്നു. ഇതിന്റെ ചിത്രങ്ങൾ സമൂഹ മാധ്യമങ്ങളിൽ വൈറലാണ്..

ലവ് രഞ്ജനുമായുളേള കൂടിക്കാഴ്ചയ്ക്ക് ശേഷം ദീപികയ്ക്ക് നേരെ രൂക്ഷ വിമർശനമാണ് ഉയരുന്നത്. സംവിധായകന്റെ വീട്ടിലെത്തിയായിരുന്നു താരങ്ങളുടെ കൂടിക്കാഴ്ച. മണിക്കൂറുകൾ കഴിയുമ്പോൾ തന്നെ താരത്തിനെതിരെ ട്വിറ്ററിൽ ക്യാംപെയ്ൻ പ്രത്യക്ഷപ്പെട്ട് തുടങ്ങിയിരുന്നു. നോട്ട് മൈ ദീപിക എന്ന ഹാഷ്ടാഗിലാണ് താരത്തിനെതിര ക്യാംപെയ്ൻ ഉടലെടുക്കുന്നത്. ലവ് രഞ്ജൻ ചിത്രത്തിൽ അഭിനയിക്കുന്നതിനുള്ള അതൃപ്തിയാണ് ക്യാംപെയ്നിന്റെ ആധാരം. ദീപികയോട് ചിത്രത്തിൽ നിന്ന് പിൻമാറണമെന്ന് ആരാധകർ ആവശ്യപ്പെടുന്നുണ്ട്.

ലൈംഗികാരോപണം

ലൈംഗികാരോപണ കേസിലെ പ്രതിയുടെ ചിത്രത്തിൽഅഭിനയിക്കരുതെന്നാണ് ദീപികയോട് ആരാധകർക്ക് പറയാനുള്ളത്. സ്ത്രീകളെ ബഹുമാനിക്കാത്ത ആൺ അഹന്തയുടെ ചിത്രങ്ങൾ ചെയ്യുന്ന സംവിധായകനാണ് ലവ് രഞ്ജൻ എന്ന് നേരത്തെ ആരോപണങ്ങൾ ഉയർന്നിരുന്നു. സംവിധായകന്റെ അവസാനം പുറത്തു ഇറങ്ങിയ ചിത്രമായ സോനു കെ ടിറ്റു കി സ്വീറ്റി എന്ന ചിത്രം സ്ത്രീ വിരുദ്ധതയുടെ അങ്ങേയറ്റമാണെന്നാണ് നിരൂപകവാദം.

മീടു ആരോപണം

കഴിഞ്ഞ ഒക്ടോബറിലാണ് ലവ് രഞ്ജനെതിരെ മീടൂ ആരോപണവുമായി നടി രംഗത്തെത്തിയിരുന്നു. പേര് വെലിപ്പെടുത്താതെയായിരുന്നു സംവിധായകനെതിരെയുള്ള ആരോപണം. 'പ്യാര്‍ കെ പഞ്ച്‌നാമ' എന്ന ചിത്രത്തിന്റെ ഓഡിഷനില്‍ പങ്കെടുക്കവെ തനിക്ക് ദുരനുഭവം ഉണ്ടായെന്നായിരുന്നു ഇവർ വെളിപ്പെടുത്തി. എന്നാല്‍ ആരോപണം നിഷേധിച്ച് ലവ് രഞ്ജന്‍ രംഗത്തെത്തിയിരുന്നു. തുടർന്ന് ആരെയെങ്കിലും വേദനിപ്പിച്ചിട്ടുണ്ടെങ്കില്‍ മാപ്പ് ചോദിക്കുന്നതായും പ്രസ്താവനയിറക്കിയിരുന്നു.