ശ്രീദേവിയ്ക്ക് ഇന്ന് 55ാം പിറന്നാൾ!! മകൾ ജാൻവിയുടെ പിറന്നാൾ ആശംസ വൈറലാകുന്നു...

കഴിഞ്ഞ വർഷത്തെ പിറന്നാൾ

ശ്രീദേവിയുടെ അഭാവത്തിൽ എല്ലാവരും കഴിഞ്ഞ വർഷത്തെ താരത്തിന്റെ പിറന്നാൾ ആഘോഷമാണ് ഓർക്കുന്നത്. കഴിഞ്ഞ വർഷം ശ്രീദേവിയുടെ പിറന്നാൾ ആഘോഷം ഏറ്റവും അടുത്ത സുഹൃത്തും ഡിസൈനറുമായ മനീഷ് മൽഹേത്രയുടെ വസതിയിൽവെച്ചായിരുന്നു. ശ്രീദേവിയ്ക്ക് സുഹൃത്തുക്കൾ നൽകിയ സർപ്രൈസ് ഗിഫ്റ്റായിരുന്നു ആ പിറന്നാൾ. പിറന്നാളിന്റെ മുഖ്യ സൂത്രധാരൺ മനീഷ് മൽഹേത്ര തന്നെയായിരുന്നു. സുഹൃത്തുക്കളായ രേഖ, ഷബാന, ആസ്മി, ഐശ്വര്യ റായ്, റാണി മുഖർജി, വിദ്യാ ബാലൻ, ടിന അംബാനി, കരൺ ജോഹർ തുടങ്ങിയവരെല്ലാം ചേർന്ന് പിറന്നാൾ ഗംഭീരമാക്കിയിരുന്നു.

ശ്രീദേവി ഇതിഹാസം തന്നെ

പിറന്നാൾ ദിനത്തിൽ ഭാര്യയെ ഇതിഹാസമെന്നാണ് ബോണി കപൂർ വിശേഷിപ്പിച്ചിരിക്കുന്നത്. ശ്രീദേവി വെറുമൊരു അഭിനേത്രി മാത്രമല്ല ഒരു ഇതിഹാസമാണെന്ന് ഭർത്താവ് ബോണി കപൂർ പറഞ്ഞു. ഇതിഹാസങ്ങൾ ഒരിക്കലും മരിക്കുകയില്ല. ശ്രീയുടെ ഓർമകൾ എന്നും എപ്പോഴും ഞങ്ങളൊപ്പമുണ്ടാകുമെന്നും ബോണി കപൂർ പറഞ്ഞു.

ശ്രീദേവിയുടെ പ്രതിമ

താരത്തിനോടുള്ള ആദാര സൂചകമായി മുംബൈയിലെ ബദ്രയിലെ ചാപ്പൽ റോഡിൽ ശ്രീദേവിയുടെ 18 അടി വലിപ്പമുളള ഒരു ചുമർ ചിത്രം ഒരുങ്ങുന്നുണ്ട്.. രഞ്ജിത്ത് ദാഹിയാണ് ഈ നിർമ്മാണത്തിന് നേതൃത്വം നൽകുന്നത്. പത്തോളം അർട്ടിസ്റ്റുകൾ ചേർന്നാണ് ഈ പ്രോജക്ടിന് നേതൃത്വം നൽകുന്നത്.

ശ്രീദേവിയുടെ മരണം

തികച്ചും അപ്രതീക്ഷിത വിയോഗമായിരുന്നു ശ്രീദേവിയുടേത്. 2018 ഫെബ്രുവരി 24 ന് ദുബായിൽവെച്ചായിരുന്നു താരം മരിച്ചത്. ബാത്ത് ടബ്ബിൽ വെള്ളത്തിൽ മരിച്ച നിലയിലായികരുന്നു ശ്രീദേവിയെ കണ്ടെത്തിയത്. ബാത്ത് ടബ്ബിലെ വെള്ളത്തിൽ മുങ്ങിയാണ് മരണം സംഭവിച്ചതെന്ന് പോസ്റ്റ്മാർട്ടം റിപ്പോർട്ടിൽ പറയുന്നുണ്ട്. കുടുംബ സുഹൃത്തിന്റെ വിവാഹത്തിൽ പങ്കെടുക്കാൻ ദുബായിൽ എത്തിയപ്പോഴാണ് താരത്തിന്റെ വിയോഗം .