'സെയ്ഫിന്റെ കഴിഞ്ഞ കാല ജീവിതം അറിഞ്ഞപ്പോൾ ആദ്യം ഷോക്കും പിന്നെ സന്തോഷവും തോന്നി'; കരീന പറഞ്ഞത് ഇങ്ങനെ!

അമൃതയെ വിവാഹം ചെയ്ത ശേഷം സെയ്ഫിന്റെ കരിയർ ​ഗ്രാഫ് ഉയർന്നു. മാത്രമല്ല മുൻനിര താരമായി മാറുകയും ചെയ്തു. ശേഷം 2004ൽ മാനസീകമായി ഒത്തുപോകാൻ കഴിയാത്തതിനാൽ ഇരുവരും വിവാ​ഹമോചിതരായി.

അമൃതയുമായി പിരിഞ്ഞ് വൈകാതെ സെയ്ഫ് മോഡൽ റോസ കാറ്റലാനോയുമായി ഡേറ്റിംഗ് ആരംഭിച്ചെങ്കിലും മൂന്ന് വർഷത്തിന് ശേഷം ഇരുവരും വേർപിരിഞ്ഞു.

അഭിമുഖത്തിൽ പങ്കെടുത്ത് സംസാരിക്കവെ കരീന ഇങ്ങനെ പറഞ്ഞു. 'എനിക്ക് സെയ്ഫ് അലി ഖാന്റെ കഴിഞ്ഞ കാലം അറിയണമെന്ന താൽപര്യമുണ്ടായിരുന്നു. അദ്ദേഹം ഒരു കാസിനോവയാണല്ലോ.'

'ലോകത്തിന് തന്നെ അറിയാവുന്ന കാര്യമാണ് അത്. അദ്ദേഹം ഒരു ലേഡീസ് മാനാണ് എന്നത്. അതിനാൽ തന്നെ സെയ്ഫുമായി പ്രണയത്തിലാകുന്നത് എങ്ങനെയെന്നത് എന്നെ വല്ലാതെ പരിഭ്രാന്തിയിലാക്കിയ ഒന്നായിരുന്നു.'

'ശേഷം അദ്ദേഹത്തിന്റെ കഴിഞ്ഞ കാലം മനസിലാക്കിയപ്പോൾ ഷോക്കും അതുപോലെ തന്നെ സന്തോഷവും തോന്നി. പക്ഷെ ഇപ്പോൾ അ​ദ്ദേഹം മാറി', കരീന പറഞ്ഞു. 'ചിലപ്പോൾ‌ ഷൂട്ടിനിടയിൽ എന്റെ ഭൂതകാലത്തെ കുറിച്ചുള്ള ചോദ്യങ്ങളുമായി കരീന വരും.'

'ഇപ്പോൾ വിശദീകരിക്കണമെന്ന് വാശിപിടിക്കും. ശേഷം ഞാൻ പറഞ്ഞ് തുടങ്ങുമ്പോൾ ഇപ്പോൾ എനിക്ക് സമയമില്ല... പിന്നെ പറയാമെന്ന് പറഞ്ഞ് പോകും. അങ്ങനെയായിരുന്നു നടന്നത്' സെയ്ഫ് പറഞ്ഞു. 2008ൽ കരീനയുടെ പേര് തന്റെ കൈയിൽ പച്ചകുത്തിയാണ് സെയ്ഫ് കരീനയുമായുള്ള ബന്ധം പരസ്യമാക്കിയത്.

നാല് വർഷത്തെ ഡേറ്റിംഗിന് ശേഷം 2012 ഒക്ടോബർ 16 ന് ഇരുവരും വിവാഹിതരായി. കരീനയും സെയ്ഫും തങ്ങളുടെ ആദ്യത്തെ കുഞ്ഞായ തൈമൂർ അലി ഖാന് 2016ൽ ജന്മം നൽകി.

ശേഷം കഴിഞ്ഞ വർഷം ഫെബ്രുവരിയിൽ അവർ തങ്ങളുടെ രണ്ടാമത്തെ കുട്ടി ജഹാംഗീർ അലി ഖാനെ പ്രസവിച്ചു. തഷനെ കൂടാതെ കരീനയും സെയ്ഫും എൽഒസി കാർഗിലും ഓംകാരയിലും ഒരുമിച്ച് പ്രവർത്തിച്ചിട്ടുണ്ട്.

2003ൽ പുറത്തിറങ്ങിയ എൽഒസി കാർഗിൽ ആയിരുന്നു ഇരുവരും ഒന്നിച്ചുള്ള ആദ്യ ചിത്രം. 2006ൽ പുറത്തിറങ്ങിയ ഓംകാരയിലും ഇവർ അഭിനയിച്ചു. ഹൻസാത്തമേത്തയുടെ സിനിമയാണ് ഇനി വരാനിരിക്കുന്ന കരീന കപൂർ സിനിമ.

ഏക്ത കപൂറാണ് ചിത്രത്തിന്റെ സഹനിർമ്മാതാവ്. കരീന അടുത്തിടെ സുജോയ് ഘോഷ് സംവിധാനം ചെയ്യുന്ന ഒടിടി പ്രൊജക്റ്റിന്റെ ഷൂട്ടിംഗ് പൂർത്തിയാക്കിയിരുന്നു.

നെറ്റ്ഫ്ലിക്സിൽ സ്ട്രീം ചെയ്യുന്ന ചിത്രം ജാപ്പനീസ് നോവലായ ദി ഡിവോഷൻ ഓഫ് സസ്പെക്ട് എക്സിനെ അടിസ്ഥാനമാക്കിയുള്ളതാണ്. പ്രഭാസിനും കൃതി സനോനുമൊപ്പം ആദിപുരുഷ് എന്ന ചിത്രത്തിലാണ് സെയ്ഫ് ഇനി പ്രത്യക്ഷപ്പെടാൻ പോകുന്നത്.