അനുഷ്ക ശർമയെ ഉപേക്ഷിക്കണം, വിരാട് കോലിയ്ക്ക് ഉപദേശം, നടിയ്ക്കെതിരെ ഉയരുന്നത് രൂക്ഷ വിമർശനം...

അനുഷ്ക നിർമ്മിച്ച പതാൾ ലോക് മതസൗഹാർദ്ദത്തെ തകർക്കുന്നു എന്നാണ് എംഎൽഎ ആരോപിക്കുന്നത്. വെബ് സീരീസിലെ വില്ലൻ കഥാപാത്രമായ അനൂപ് ജോൾട്ട അവതരിപ്പിക്കുന്ന ബാലകൃഷ്ണ ബാജ്പേയി എന്ന കഥാപാത്രം ഒരു ദേശീയ പാത ഉദഘാടനം ചെയ്യുന്ന പത്ര പരസ്യംഒരു സീരീസിൽ കാണിക്കുന്നുണ്ട്. പത്രവാർത്തയിലെ ചിത്രത്തിൽ ഗുർജറുമുണ്ട്. യോഗി ആദിത്യനാഥിനോടൊപ്പം പങ്കെടുത്ത ഉദ്ഘാടന ദൃശ്യം മോർഫ് ചെയ്താണ് പാതാൾ ലോക്കിൽ ഉപയോഗിച്ചിരിക്കുന്നത്. 2018 മാർച്ച് 30 ന് എടുത്ത ചിത്രമായിരുന്നു അത്. ഇത് ബിജെ പിയുടെ പ്രതിച്ഛായ നശിപ്പിക്കുന്നതാണെന്നും എംഎൽ എ പറയുന്നു.

അനുഷ്കയ്ക്കെതിരെ രാജ്യദ്രോഹകുറ്റത്തിന് പരാതി നൽകുകയും ചെയ്തിട്ടുണ്ട്. തന്റെ അനുവാദം കൂടാതെയാണ് ഫേട്ടോ സീരീസിൽ ഉപയോഗിച്ചിരിക്കുന്നതെന്നും നന്ദകിഷോർ ഗുർജർ പറയുന്നു. കൂടാതെ വിരാട് കോലിയോട് അനുഷ്കയെ ഡിവോഴ്സ് ചെയ്യണമെന്നും എംഎൽഎ ആവശ്യപ്പെടുന്നുണ്ട്.

ആമസോൺ പ്രൈമിൽ റിലീസ് ചെയ്ത പതാൾ ഒരു കുറ്റാന്വേഷണ കഥയാണ്. മികച്ച പ്രതകരണമാണ് വെബ് സീരീസിന് ലഭിക്കുന്നത്. ഒമ്പത് എപ്പിസോഡുകളുള്ള ക്രൈം ത്രില്ലര്‍ ഗണത്തില്‍പ്പെട്ട വെബ് സീരിസാണ് പാതാള്‍ ലോക്.ജയ്ദീപ് അഹ്ലാവത്, അഭിഷേക് ബാനര്‍ജി, നീരജ് കാബി എന്നിവരാണ് ഇതില്‍ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഈ വെബ് സീരീസ് നിർമ്മിച്ച അനുഷ്കയെ പ്രശംസിച്ച് വിരാട് കോലി രംഗത്തെത്തുകയും ചെയ്തിരുന്നു

നിന്നെയോര്‍ത്ത് ഞാന്‍ അഭിമാനിക്കുന്നുവെന്നായിരുന്നു കോലി കുറിച്ചത്. സീരീസ് കാണുന്ന ചിത്രം പങ്കുവെച്ചു കൊണ്ടായിരുന്നു പ്രിയതമയെ കുറിച്ചുള്ള താരത്തിന്റെ കുറിപ്പ്. കോലിയുടെ കുറിപ്പ് വൈറലായിരുന്നു. നടിയെ പ്രശംസിച്ച് നിരവധി പേര്‌ രംഗത്തെത്തുകയും ചെയ്തിരുന്നു. ദിവസങ്ങൾക്ക് മുൻപാണ് താള്‍ ലോക്ആമസോണ്‍ പ്രൈമിൽ എത്തിയത്.. മികച്ച പ്രതികരണമാണ് സീരിസിന് എങ്ങു നിന്നും ലഭിക്കുന്നത്.