കടുത്ത മദ്യപാനിയായിരുന്നു, ഇപ്പോള്‍ നിര്‍ത്തി, ബിഗ് ബി വിമര്‍ശനങ്ങള്‍ക്കെതിരെ ആഞ്ഞടിച്ച് പൂജ, കാണൂ!

ബിഗ് ബിയുടെ മൗനം

കത്വ സംഭവുമായി ബന്ധപ്പെട്ട് പ്രതികരണം രേഖപ്പെടുത്തി നിരവധി സെലിബ്രിറ്റികള്‍ രംഗത്തെത്തിയിരുന്നു. സോഷ്യല്‍ മീഡിയയിലൂടെയായിരുന്നു പലരും തങ്ങളുടെ പ്രതികരണം രേഖപ്പെടുത്തിയത്. എന്നാല്‍ ചില താരങ്ങള്‍ ഇതേക്കുറിച്ച് മൗനം പാലിച്ചിരുന്നു. മാധ്യമപ്രവര്‍ത്തകര്‍ പ്രതികരണം ആരാഞ്ഞപ്പോഴും ആ മൗനം തുടരുകയായിരുന്നു.

പ്രതികരണത്തെക്കുറിച്ച് ചോദിച്ചപ്പോള്‍

കത്വ വിഷയത്തെക്കുറിച്ച് തനിക്ക് ഒന്നും പറയാനില്ല. ഈ വിഷയം അധികം ചര്‍ച്ച ചെയ്യാതിരിക്കുന്നതിനോടാണ് താല്‍പര്യം. അത് ചര്‍ച്ച ചെയ്യുന്നത് വല്ലാത്തൊരു കാര്യമാണെന്നായിരുന്നു അദ്ദേഹം പറഞ്ഞത്. മാധ്യമങ്ങള്‍ അദ്ദേഹത്തിന്‍രെ നിലപാട് അതേ പോലെ പുറംലോകത്തെ അറിയിച്ചിരുന്നു.

വിമര്‍ശനവുമായി പൂജാബട്ട്

മുതിര്‍ന്ന താരങ്ങളിലൊരാളായ ബിഗ് ബിയുടെ മൗനം തന്നെ വല്ലാതെ നിരാശപ്പെടുത്തി. സിനിമയില്‍ ചെയ്യുന്നതിന്റെ പകുതി കാര്യങ്ങളെങ്കിലും അദ്ദേഹം യഥാര്‍ത്ഥ ജീവിതത്തില്‍ ചെയ്തിരുന്നെങ്കില്‍ എന്നാഗ്രഹിച്ച് പോകുന്നു. സൂപ്പര്‍ഹിറ്റ് ചിത്രമായ പിങ്കിലെ പ്രകടനത്തിന്റെ അടിസ്ഥാനത്തിലായിരുന്നു പൂജ ഇപ്രകാരം കുറിച്ചത്. ട്വിറ്ററിലൂടെയായിരുന്നു താരം പ്രതികരിച്ചത്.

വിമര്‍ശിച്ചത് ഇഷ്ടമായില്ല

അമിതാഭ് ബച്ചന്റെ നിലപാടിനെക്കുറിച്ച് പൂജാ ഭട്ട് പരസ്യമായി വിമര്‍ശിച്ചപ്പോള്‍ എതിര്‍പ്പ് പ്രകടിപ്പിച്ച് നിരവധി പേരാണ് രംഗത്തെത്തിയത്. വിഷയത്തില്‍ അഭിപ്രായം പറഞ്ഞ പൂജാഭട്ടിനെ കൊന്ന് കൊല വിളിക്കുകയായിരുന്നു ബച്ചന്‍ ആരാധകര്‍. താരത്തിന്‍രെ ഭൂതകാല അനുഭവത്തെക്കുറിച്ച് സൂചിപ്പിച്ചാണ് പലരും വിമര്‍ശിച്ചത്.

പ്രശസ്തിക്ക് വേണ്ടി ചെയ്തത്

പ്രശസ്തിക്ക് വേണ്ടിയാണ് പൂജാഭട്ട് അമിതാഭ് ബച്ചനെ വിമര്‍ശിച്ചതെന്നായിരുന്നു ആരാധകരുടെ കണ്ടെത്തല്‍. മദ്യപാനിയായ പൂജ പബ്ലിസിറ്റിക്ക് വേണ്ടി ബിഗ് ബിയെപ്പോലൊരാളെ ഇരയാക്കുകയായിരുന്നുവെന്നായിരുന്നു ആരാധകന്റെ കണ്ടെത്തല്‍. ഈ ട്വീറ്റ് കണ്ടതിന് ശേഷം വീണ്ടും പൂജാഭട്ട് പ്രതികരിച്ചിട്ടുണ്ട്.

മദ്യപാനിയായിരുന്നു

ജീവിതത്തില്‍ ഏറെ തകര്‍ന്നുപോയ സമയത്ത് താന്‍ മദ്യത്തില്‍ അഭയം പ്രാപിച്ചിരുന്നു. മൂന്ന് വര്‍ഷം മുന്‍പ് താന്‍ മദ്യപാനം നിര്‍ത്തിയിരുന്നു. മദ്യപാനം അത്ര നല്ല കാര്യങ്ങളായിരുന്നില്ല തനിക്ക് സമ്മാനിച്ചത്. പൂര്‍വ്വാധികം ശക്തിയോടെ ജീവിതത്തിലേക്ക് തിരിച്ചുവരണമെങ്കില്‍ ആ ശീലം ഒഴിവാക്കിയേ തീരൂവെന്ന് അറിയാമായിരുന്നു. അങ്ങനെയാണ് താന്‍ അത് നിര്‍ത്തിയതെന്ന് അന്ന് താരം തുറന്നുപറഞ്ഞിരുന്നു.