പ്രസവിച്ച് കുഞ്ഞിനെ കൊടുത്താല്‍ മതി; ഭര്‍ത്താവുമായി എല്ലാ പ്ലാനിങ്ങും കഴിഞ്ഞെന്ന് ആലിയ ഭട്ട്

വര്‍ഷങ്ങള്‍ നീണ്ട പ്രണയത്തിനൊടുവില്‍ 2022 ഏപ്രില്‍ പതിനാലിനാണ് ആലിയ ഭട്ടും രണ്‍ബീറും വിവാഹിതരാവുന്നത്. ജൂണ്‍ മാസത്തില്‍ ആലിയ ഗര്‍ഭിണിയാണെന്ന് പറയുകയും ചെയ്തു. ആശുപത്രിയില്‍ സ്‌കാനിങ്ങിന് എത്തിയപ്പോഴുള്ള ഫോട്ടോയായിരുന്നു ആലിയ പങ്കുവെച്ചത്. ഇതിന് പിന്നാലെ നിരവധി കഥകള്‍ പുറത്ത് വന്നിരുന്നു. പിന്നീടിങ്ങോട്ട് പൊതുപരിപാടികളിലെത്തുന്ന ആലിയയുടെ നിറവയറിലുള്ള ചിത്രങ്ങള്‍ വൈറലാവാന്‍ തുടങ്ങി.

കുഞ്ഞിന്റെ ചലനങ്ങളൊക്കെ അറിഞ്ഞ് തുടങ്ങിയെന്ന് കഴിഞ്ഞ ദിവസം ഒരു പരിപാടിയില്‍ വച്ച് നടി പറഞ്ഞിരുന്നു. ഈ വര്‍ഷം അവസാനമോ അടുത്ത വര്‍ഷം തുടക്കത്തിലായിട്ടോ കുഞ്ഞതിഥി ജനിച്ചേക്കുമെന്നാണ് വിവരം. അതേ സമയം അമ്മയെ പോലെ തന്നെ കുഞ്ഞിന്റെ ഉത്തരവാദിത്തങ്ങള്‍ ഏറ്റെടുക്കാന്‍ പിതാവായ രണ്‍ബീറും ഒരുങ്ങി നില്‍ക്കുകയാണ്. രണ്ടാളും തുല്യ ഉത്തരവാദിത്തത്തോടെ കുഞ്ഞിനെ നോക്കാനാണ് തീരുമാനിച്ചിരിക്കുന്നതെന്ന് പുതിയൊരു അഭിമുഖത്തില്‍ ആലിയ പറയുന്നു.

'കുഞ്ഞ് വന്നാലുടന്‍ മറ്റൊരു യാത്രയ്ക്ക് തുടക്കം കുറിക്കുമെന്നാണ് ഞാന്‍ കരുതുന്നത്. എന്തായാലും ആ ഉത്തരവാദിത്തം പങ്കിടാനാണ് ഞങ്ങള്‍ ഉദ്ദേശിക്കുന്നത്. അതാണ് ഏറ്റവും പ്രധാനപ്പെട്ട കാര്യം. രണ്‍ബീര്‍ വളരെ സന്തോഷത്തിലാണ്. കുഞ്ഞ് വന്ന് കഴിഞ്ഞാല്‍ എന്നോട് ജോലിയ്ക്ക് പോവാനും അദ്ദേഹം അവധിയെടുക്കുമെന്നും പറയുന്നു. ശേഷം ഞാന്‍ തിരിച്ചെത്തി കഴിയുമ്പോള്‍ അദ്ദേഹം ജോലിയ്ക്ക് പോകും. അങ്ങനെ മാറി മാറി ജോലി ചെയ്യാനും അവധി എടുക്കാനുമാണ് തീരുമാനം', ആലിയ പറയുന്നു.

തന്റെ ഉത്തരവാദിത്തം പങ്കുവെക്കുന്നതില്‍ വലിയ സന്തോഷമാണെന്ന് രണ്‍ബീറും പറഞ്ഞിരുന്നു. എന്റെ തലയില്‍ വലിയൊരു ഉത്തരവാദിത്തമുണ്ട്. ആലിയയെ വേഗം തന്നെ അവളുടെ ജോലിയിലേക്ക് തിരിച്ചെത്തിക്കണം. ഞാന്‍ അങ്ങനെ ചെയ്തില്ലെങ്കില്‍ ആരാധകര്‍ പരാതിപ്പെടുകയും രക്ഷിതാവെന്ന നിലയില്‍ എന്നെ കുറ്റപ്പെടുത്തുമെന്നും രണ്‍ബീര്‍ പറഞ്ഞു.

ആലിയ ഭട്ടിൻ്റെ ജീവിതത്തിൽ ഏറ്റവും സന്തോഷം നിറഞ്ഞ വർഷമായിരുന്നു 2022. രൺബീറുമായിട്ടുള്ള വിവാഹമാണ് അതിലേറ്റവും പ്രധാനം. അതിന് പിന്നാലെ നടി ഹോളിവുഡിലേക്ക് അരങ്ങേറ്റം കുറിച്ചു. വിദേശത്ത് പോയി സിനിമയിൽ അഭിനയിക്കുന്പോഴാണ് ആലിയ ഗർഭിണിയാണെന്ന വിവരം അറിയുന്നത്. രൺബീറിനൊപ്പം അഭിനയിച്ച ബ്രഹ്മാസ്ത്രയാണ് ആലിയുടേതായി അവസാനമെത്തിയ ചിത്രം.