വീട്ടിലേക്ക് ഒരാള്‍ കൂടി! സന്തോഷം പങ്കുവെച്ച് പ്രിയങ്കയും നിക്കും! വീഡിയോ വൈറലാവുന്നു!

അടുത്തിടെയായിരുന്നു പ്രിയങ്ക ചോപ്രയും നിക്ക് ജോനസും പുതിയ വീട് സ്വന്തമാക്കിയത്. വിവാഹത്തിന് പിന്നാലെയായി 144 കോടിയുടെ ആഡംബര വീടായിരുന്നു ഇരുവരും സ്വന്തമാക്കിയത്. വീട്ടിലെ വിശേഷങ്ങളും മറ്റ് പ്രത്യേകതകളെക്കുറിച്ചുമുള്ള വാര്‍ത്തകളായിരുന്നു സോഷ്യല്‍ മീഡിയയില്‍ നിറഞ്ഞുനിന്നത്. തങ്ങളുടെ ജീവിതത്തിലെ പുതിയ അതിഥിയെ പരിചയപ്പെടുത്തി എത്തിയിരിക്കുകയാണ് ഇരുവരും ഇപ്പോള്‍.

നിക്കിന് നല്‍കിയ സര്‍പ്പൈസ ഗിഫ്റ്റാ്ണ് ജിനോ എന്ന് പേരിട്ട നായക്കുട്ടി. ബെഡ്‌റൂമില്‍ ഉറങ്ങുന്ന നിക്കിനരികിലേക്ക് ജിനോ എത്തുന്നതും സ്‌നേഹപ്രകടനം നടത്തുന്നതുമായ വീഡിയോ പ്രിയങ്ക ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. ജിനോയാണ് നിക്കിനെ ഉണര്‍ത്തിയത്. നേരത്തെ തന്നെ പരിചയമുണ്ടെന്ന തരത്തിലുള്ള വരവായിരുന്നു ജിനോയുടേത്. അത്ഭുതത്തോടെയായിരുന്നു നിക്ക് ജിനോയെ നോക്കിയത്. ഈ വീഡിയോയാണ് പ്രിയങ്ക പങ്കുവെച്ചിട്ടുള്ളത്.

കുടുംബത്തിലെത്തിയ പുതിയ അതിഥിയായ ജിനോയ്ക്കായി ഇന്‍സ്റ്റഗ്രാം അക്കൗണ്ട് തുടങ്ങിയിട്ടുണ്ട് പ്രിയങ്ക ചോപ്ര. രണ്ട് ലക്ഷത്തിന് മുകളിലാണ് ജിനോയുടെ ഫോളോവേഴ്‌സ്. തികച്ചും സര്‍പ്രൈസായൊരു സമ്മാനവുമായാണ് പ്രി എത്തിയത്. രാവിലെ മുതല്‍ താന്‍ ചിരിച്ചുകൊണ്ടിരിക്കുകയാമെന്നും ഇപ്പോഴും തനിക്ക് ചിരി നിര്‍ത്താനാവുന്നില്ലെന്നും നിക്ക് കുറിച്ചിരുന്നു. പ്രിയയ്ക്ക് നന്ദി അറിയിച്ചും നിക്ക് എത്തിയിട്ടുണ്ട്.

വിവാഹ വാര്‍ഷികം വന്നെത്തുകയാണ്. അതിന് മുന്നോടിയായി സര്‍പ്രൈസ് നല്‍കി ഭര്‍ത്താവിനെ അത്ഭുതപ്പെടുത്തിയിരിക്കുകയാണ് പ്രിയങ്ക. ഡിസംബര്‍ ഒന്നിനായിരുന്നു ഇരുവരും വിവാഹിതരായത്. രാജകീയമായി നടത്തിയ വിവാഹത്തിന്റെ ചിത്രങ്ങളും വീഡിയോയുമൊക്കെ സോഷ്യല്‍ മീഡിയയിലൂടെ വൈറലായിരുന്നു. വിവാഹ ശേഷവും ജോലിയില്‍ തുടരുമെന്ന് പ്രിയങ്ക വ്യക്തമാക്കിയിരുന്നു. വെഡ്ഡിങ് ആനിവേഴ്‌സറിക്ക് മുന്‍പുള്ള സര്‍പ്രൈസ് ഇങ്ങനെയാണെങ്കില്‍ അന്നത്തെ സമ്മാനം എന്തായിരിക്കുമെന്നുള്ള ചോദ്യവും ആരാധകര്‍ ഉന്നയിച്ചിട്ടുണ്ട്.