ചിത്രത്തിലെ പ്രിയങ്കയുടെ ബേബി ബംബ്!! നടി അമ്മയാകാൻ പോകുന്നതിനെ കുറിച്ച് അമ്മ മധു...

വിവാഹത്തിനു മുൻപ് ഗർഭിണി

പ്രിയങ്ക ചോപ്ര ഗർഭിണിയാണെന്നുളള വാർത്തകൾ പ്രചരിച്ചിരുന്നു. വിവാഹത്തിനു മുൻപ് തന്നെ താരം ഗർഭിണിയായിരുന്നെന്നും അതു കൊണ്ടാണ് വേഗം വിവാഹിതയായതെന്നുമായിരുന്നു പ്രചരിച്ച വാർത്തകൾ. ഈ അടുത്തിടെ പ്രിയങ്ക പങ്കെടുത്ത ഡിസൈനേഴ്സ് ഷോയ്ക്ക് ശേഷമാണ് കഥകൾ പുറത്തു വന്നത്. വിവാഹ ശേഷം താരം പുതിയ ചിത്രങ്ങൾ കമ്മിറ്റ് ചെയ്യാത്തതും ഈ സംശയം കൂടുതൽ ബലപ്പെടുത്തിയിരുന്നു.. എന്നാൽ താരം അമ്മയാകാൻ പോകുന്ന വാർത്തയ്ക്ക് പ്രതികരണവുമായി പ്രിയങ്കയുടെ അമ്മ മാധു ചോപ്ര രംഗത്തെത്തിയിട്ടുണ്ട്.

പ്രിയങ്കയുടെ ബേബി ബംബ്

വിവാഹ ശേഷം സിനിമയിൽ നിന്ന് മാറി നിൽക്കുകയാണ് താരം. അടുത്തിടെ സംഘടിപ്പിച്ച ഡിസൈനർ ഷോയിൽ റാമ്പിൽ താരം പ്രത്യക്ഷപ്പെട്ടിരുന്നു. പ്രമുഖ ഡിസൈനറായ മൈക്കിൾ കോർസ് രൂപകൽപ്പന ചെയ്ത വസ്ത്രം ധരിച്ചു കൊണ്ടായിരുന്നു താരം എത്തിയത്. പുറത്തു വന്ന ചിത്രങ്ങളിൽ താരത്തിന് അൽപം വയറ് തോന്നിച്ചിരുന്നു. അത് ബേബി ബംബ് ആണെന്ന് പ്രചരിക്കുകയായിരുന്നു.പിന്നീട് ഇതിന്റെ പശ്ചാത്തലത്തിൽ പല തരത്തിലുള്ള കഥകൾ പുറത്തു വന്നിരുന്നു.

മകൾ ഗർഭിണിയോ

ഇപ്പോഴിത പ്രിയങ്ക അമ്മയാകാൻ പോകുന്നു എന്നുളള വാർത്തയിൽ പ്രതികരിച്ച് അമ്മ മധു ചോപ്ര. ഗർഭിണിയാണെന്നുള്ള വാർത്ത പ്രചരിക്കാൻ തുടങ്ങിയതോടെയാണ് വിശദീകരണവുമായി അമ്മ രംഗത്തെത്തിയിരിക്കുന്നത്. മകൾ ഗർഭിണിയല്ലെന്നും വയറ് തോന്നിക്കാൻ കാരണം ഫോട്ടോ എടുത്തതിന്റെ പ്രശ്നമാണെന്ന് മധു പറഞ്ഞു. ചില ആംഗിളിൽ നിന്നുള്ള ഫോട്ടോയ്ക്ക് മാത്രമാണ് ഈ പ്രശ്നം. മറ്റ് ചിത്രങ്ങളിൽ ഈ പ്രശ്നമില്ലെന്നും അമ്മ കൂട്ടിച്ചേർത്തു.എല്ലാവരും ആ ഔട്ട് ഫിറ്റിനെ കുറിച്ച് നല്ല അഭിപ്രായമാണ് പറഞ്ഞത്. വസ്ത്രത്തിൽ മനോഹരിയായിരുന്നു മകളെന്നും മധു ചോപ്ര പറഞ്ഞു.

ഒരു ഇടവേള തരൂ

അമ്മയാകാൻ പോകുന്നു എന്നുള്ള വാർത്ത പ്രചരിച്ചപ്പോൾ ഇതിനെ കുറിച്ച് പ്രിയങ്കയോട് സംസാരിച്ചിരുന്നുവെന്നു മധു ചോപ്ര പറഞ്ഞു. എനിയ്ക്ക് അൽപം ഇടവേള തരൂ എന്നാണ് അവൾ തന്നോട് പറഞ്ഞത്- മധു ചോപ്ര പറഞ്ഞു. കൂടാതെ ആ ഫോട്ടോ ഷൂട്ട് നടക്കുമ്പോൾ അവൾ അതീവ ക്ഷീണിതയായിരുന്നു. അതു കൊണ്ടാണ് മോശമായ പോസിൽ ചിത്രം ലഭിച്ചതെന്നും അമ്മ കൂട്ടിച്ചേർത്തു. പ്രിയങ്ക അമ്മയാകാൻ പോകുന്നു എന്നുളള വാർത്ത ബോളിവുഡിൽ ചൂട്പിടിച്ച ചർച്ചയായി മാറിയിരിക്കുകയാണ്.