എന്റെ ആഗ്രഹമല്ലായിരുന്നു വിവാഹം!! തന്റെ ഇഷ്ടം മറ്റൊന്ന്.. തുറന്ന് പറഞ്ഞ് പ്രിയങ്ക

വിവാഹം വിദേശത്ത്

ഇന്ത്യൻ ജനിച്ച് വളർന്ന് ബോളിവുഡ് സിനിമയിൽ തന്നെ സജീവ സാന്നിധ്യമായ പല താരങ്ങളും തങ്ങളുടെ ജീവിതത്തിലെ പ്രധാനപ്പെട്ട സംഭവമായ വിവാഹം വിദേശ രാജ്യങ്ങളിലും പുറം ദ്വീപുകളിലുമായിരിക്കും നടത്തുക. ഇന്ത്യയിൽ വിവാഹത്തിനു പറ്റിയ മനോഹരമായ സ്ഥലങ്ങളുണ്ടായിട്ടു പോലും വിവാഹത്തിന് പുറം രാജ്യങ്ങളെ തിരഞ്ഞെടുക്കുന്നുണ്ട്. വിരലിൽ എണ്ണാവുന്ന താരങ്ങൾ മാത്രമാണ് വിവാഹം ഇന്ത്യയിൽവെച്ച് നടത്തുന്നത്. ഈ ജനറേഷനിൽ ഇത്തരക്കാരുടെ എണ്ണം വളരെ കുറവുമാണ്.

വ്യത്യസ്തയായി പ്രിയങ്ക

ബോളിവുഡിലെ സൂപ്പർ താരങ്ങളായ ദീപിക-രൺവീർ, അനുഷ്ക- ഇന്ത്യൻ ക്രിക്കറ്റ് താരം വിരാട് കോലി ഇവരുടെ വിവാഹം നടന്നത് ഇറ്റലിയിൽവെച്ചായിരുന്നു. പ്രേക്ഷകർ ഒന്നായി കാണണമെന്ന് ആഗ്രഹിച്ച താര ദമ്പതിമാരായിരുന്നു ഇവർ. ഏറെ കഷ്ടപ്പെട്ടത്തിനു ശേഷമാണ് ഇവരുടെ വിവാഹ ചിത്രം പോലും ആരാധകർക്ക് കാണാൻ സാധിച്ചത്. എന്നാൽ ഇവരിൽ നിന്ന് വ്യത്യസ്തയായിരിക്കുകയാണ് പ്രിയങ്ക. എല്ലാവരും വിവാഹത്തിന് വിദേശ രാജ്യങ്ങളെ ആശ്രയിക്കുമ്പോൾ പ്രിയങ്ക തന്റെ വിവാഹം ഇന്ത്യയിൽവെച്ചാണ് നടത്തിയത്. അതിനൊരു കാരണവുമുണ്ട്. താരം തന്നെ വെളിപ്പെടുത്തുകയാണ്.

തന്റെ ഇഷ്ടപ്രകാരമായിരുന്നില്ല വിവാഹം

തന്റെ ആഗ്രഹപ്രകാരമായിരുന്നില്ല വിവാഹം ഇന്ത്യയിൽവെച്ച് നടത്തിയതെന്ന് പ്രിയങ്ക വെളിപ്പെടുത്തി. ഭർത്താവ് നിക്കിന്റെ ആഗ്രഹ പ്രകാരമാണ് വിവാഹം രാജസ്ഥാനിൽവെച്ച് നടത്തിയതെന്നും പ്രിയങ്ക പറഞ്ഞു. മാലി ദ്വീപ്, മൗറീഷ്യസ് പോലുള്ള ഒരു സ്വകാര്യ ദ്വീപിൽവെച്ച് വിവാഹം നടത്തണമെന്നായിരുന്നു തന്റെ ആഗ്രഹം. ഇതിനായുള്ള തയ്യാറെടുപ്പുകളും നടത്തിയിരുന്നു. എന്നാൽ എന്ത് കൊണ്ട് ഇന്ത്യയിൽ നടത്തി കൂടയെന്ന് നിക്ക് ചോദിക്കുകയായിരുന്നു. എന്റെ ഭാര്യയെ അവളുടെ വീട്ടിൽ നിന്ന് കൂട്ടിക്കൊണ്ട് വരുകയല്ലേ വേണ്ടതെന്നായിരുന്നു നിക്കിന്റെ ചോദ്യം- പ്രിയങ്ക പറഞ്ഞു

വിവാഹ ശേഷമുള്ള ആദ്യ ദിനം

നിക്കിന്റെ വീട്ടിലെ ആദ്യം ദിനം താൻ വളരെ അധികം പേടിച്ചിരുന്നു. വളരെ വൃത്തിയോടെ പരിപാലിച്ചിരുന്ന വീടാണ് അത്. അതിനാൽ തന്നെ അവിടെ ഓരോ കാര്യങ്ങൾ ചെയ്യുന്നത് വളരെ ശ്രദ്ധിച്ചാണ്. ആദ്യം ദിനം തന്നെ തന്റെ വളർത്തു നായ വീട്ടിലെ കാർപ്പെറ്റിൽ മൂത്രമൊഴിച്ചു. വെളള നിറത്തിലുളള കാർപ്പെറ്റായതു കൊണ്ട് താൻ വളരെ അധികം ഭയപ്പെട്ടിരുന്നു. ബേക്കിങ് സോഡ അടക്കമുളളവ ഉപയോഗിച്ച് കഴുകിയെങ്കിലും നിക്ക് അത് കണ്ടു പിടിക്കുകയും ചെയ്തുവെന്ന് പ്രിയങ്ക പറഞ്ഞു.