ഹോം

ബോളിവുഡ്

കഴിഞ്ഞ ഡിസംബറിലും നവംബറിലുമായി ബോളിവുഡില്‍ രണ്ട് താരവിവാഹങ്ങളായിരുന്നു നടന്നത്. രണ്ടും വാര്‍ത്തകളില്‍ ഇടംനേടിയ വമ്പന്‍ വിവാഹങ്ങളായിരുന്നു. ബോളിവുഡ് നടിയും ലോകസുന്ദരിയുമായ പ്രിയങ്ക ചോപ്ര അമേരിക്കന്‍ ഗായകനായ നിക്ക് ജോന്‍സിനെയായിരുന്നു വിവാഹം കഴിച്ചത്. ദിവസങ്ങളോളം ഇവരുടെ വിവാഹത്തിന്റെ വാര്‍ത്തകളായിരുന്നു സോഷ്യല്‍ മീഡിയയില്‍ നിറഞ്ഞ് നിന്നത്.

നിലവില്‍ കാലിഫോര്‍ണിയയില്‍ ഹണിമൂണ്‍ ആഘോഷത്തിലാണ് പ്രിയങ്കയും നിക്ക് ജോണ്‍സും. വിവാഹത്തിന്റെയും അതിന് ശേഷമുള്ളതുമായ ചിത്രങ്ങള്‍ താരങ്ങള്‍ തന്നെ പങ്കുവെക്കാറുണ്ട്. സാമൂഹ്യമാധ്യമങ്ങളിലൂടെ പുറത്ത് വരുന്ന ചിത്രങ്ങള്‍ തരംഗമാവുകയാണ് പതിവ്. ഇപ്പോഴിതാ ഭര്‍ത്താവിനൊപ്പമുള്ള പ്രിയങ്കയുടെ ചിത്രത്തിന് അടപടലം ട്രോളുകളാണ് ലഭിച്ച് കൊണ്ടിരിക്കുന്നത്.

ഭര്‍ത്താവിന്റെ നെഞ്ചില്‍ തലചായ്ച്ച് ഉറങ്ങുന്ന പ്രിയങ്ക ഹോം എന്ന ക്യാപ്ഷനോടെയാണ് ചിത്രം പങ്കുവെച്ചത്. എന്നാല്‍ താരദമ്പതികളുടെ സ്വകാര്യ നിമിഷത്തില്‍ ഈ ചിത്രമെടുക്കാന്‍ ഫോട്ടോഗ്രാഫറുമുണ്ടായിരുന്നോ എന്നതാണ് ഒരു വിഭാഗം ആളുകള്‍ ചോദിക്കുന്നത്. മാത്രമല്ല ഫോട്ടോഗ്രാഫറും നിങ്ങള്‍ക്കൊപ്പമാണോ താമസിക്കുന്നത്, സ്വകാര്യ ജീവിതം സ്വകാര്യമായിരിക്കണമെന്നും പരസ്യമായി ഇങ്ങനെ തുറന്ന് കാണിക്കാനുള്ളതല്ലെന്നും തുടങ്ങി പ്രിയങ്കയുടെ ഫോട്ടോയ്ക്ക് താഴെ ഉപദേശം കൊണ്ട് നിറഞ്ഞിരിക്കുകയാണ്.

View this post on Instagram

Home 😍

A post shared by Priyanka Chopra Jonas (@priyankachopra) on Feb 3, 2019 at 8:25pm PST

ഡിസംബര്‍ 1, 2തീയതികളിലായി രാജസ്ഥാനിലെ ജോധ്പൂരിലെ ഉമൈദ് ഭവന്‍ പാലസില്‍ വെച്ചായിരുന്നു പ്രിയങ്ക-നിക്ക് വിവാഹം നടന്നത്. നിക്കുമായിട്ടുള്ള വിവാഹത്തോടെ പ്രിയങ്കയ്ക്ക് പലവിധത്തിലുള്ള വിമര്‍ശനങ്ങള്‍ കേള്‍ക്കേണ്ടി വന്നിരുന്നു. പ്രധാനമായും നിക്കിന്റെ പ്രായമായിരുന്നു പ്രശ്‌നം. പ്രിയങ്കയെക്കാള്‍ പത്ത് വയസ് കുറവാണ് നിക്കിന്. എന്നാല്‍ ഇതൊന്നും തങ്ങളെ ബാധിക്കുന്ന പ്രശ്‌നമല്ലെന്ന് താരദമ്പതികള്‍ തന്നെ തുറന്ന് പറഞ്ഞിരുന്നു.