വിവാഹ മോചനത്തിന് പിന്നാലെ പുതിയ കാമുകനുമൊത്ത് രാഖി സാവന്ത്, പ്രണയസമ്മാ‌നമായി ബിഎംഡബ്ല്യുവും!

ബിസിനസുകാരനുമായി താരത്തിന്റെ വിവാഹം കഴിഞ്ഞുവെന്നുള്ള ചർച്ചകൾ നടക്കുമ്പോഴും രാഖി നിശബ്ദത പാലിക്കുകയായിരുന്നു. രഹസ്യ വിവാഹത്തിന്റെ ചിത്രങ്ങളാണെന്ന തരത്തിൽ സോഷ്യൽ മീഡിയയിലൂടെ ഇരുവരുടേയും ചില ചിത്രങ്ങളും പ്രചരിച്ചിരുന്നു.

ബിഗ് ബോസ് സീസൺ 15ൽ മത്സരിക്കാനെത്തിയപ്പോഴാണ് രാഖി സാവന്ത് റിതേഷിനെ ഭർത്താവായി പരിചയപ്പെടുത്തിയത്. അന്ന് മികച്ച സ്വീകരണമായിരുന്നു ഇരുവർക്കും ലഭിച്ചത്.

ബിഗ് ബോസിൽ മത്സരിക്കുന്ന സമയത്തും റിതേഷും രാഖിയും തമ്മിൽ അഭിപ്രായ വ്യത്യാസങ്ങളുണ്ടായിരുന്നു. തന്റെ കാര്യങ്ങളിൽ രാഖി ഇടപെടുന്നതും അഭിപ്രായം രേഖപ്പെടുത്തുന്നതുമൊന്നും റിതേഷിന് ഇഷ്ടമുണ്ടായിരുന്നില്ല.

ഒരുവാക്ക് സംസാരിച്ചാൽ എല്ലാം അവസാനിപ്പിക്കുമെന്ന റിതേഷ് പറഞ്ഞപ്പോൾ രാഖി നിശബ്ദത പാലിക്കുകയായിരുന്നു. രാഖിയോടുള്ള റിതേഷിന്റെ പെരുമാറ്റത്തിൽ അതൃപ്തി അറിയിച്ച് സഹതാരങ്ങളും എത്തിയിരുന്നു.

റിതേഷ് നേരത്തെ വിവാഹിതനായിട്ടുള്ള വ്യക്തിയായിരുന്നു. അദ്ദേഹത്തിന്റെ മുൻഭാര്യ റിതേഷിനെ കുറിച്ചുള്ള കാര്യങ്ങളെല്ലാം പറഞ്ഞ് രം​ഗത്തെത്തുകയും ചെയ്തിരുന്നു.

റിതേഷ് വിട്ടുപോയ ശേഷം താൻ വലിയ വിഷാദത്തിലായിരുന്നുവെന്നും രാഖി പലപ്പോഴായി പറഞ്ഞിട്ടുണ്ട്.

വിവാഹമോചനം പ്രാഖ്യാപിച്ച് മാസങ്ങൾ മാത്രം പിന്നിടുമ്പോൾ പുതിയ കാമുകനുമായി രം​ഗത്തെത്തിയിരിക്കുകയാണ് രാഖി.

ആദിൽ ഖാൻ ദുറാനി എന്ന യുവാവാണ് താരത്തിന്റെ പുതിയ കാമുകൻ. ഇരുവരും കഴിഞ്ഞ ദിവസം പാപ്പരാസികൾക്ക് മുമ്പിൽ പ്രത്യക്ഷപ്പെട്ടതിന്റെ വീഡിയോയും ചിത്രങ്ങളും വൈറലാണ്.

പുതിയ കാമുകൻ തനിക്ക് സമ്മാനമായി നൽകിയ ബിഎംഡബ്ല്യുവിന്റെ ചിത്രങ്ങളും രാഖി സോഷ്യൽമീഡിയയിൽ പങ്കുവെച്ചിട്ടുണ്ട്.

'എന്റെ പ്രണയം... എന്റെ ജീവിതം' എന്ന ക്യാപ്ഷനോടെയാണ് പുതിയ കാമുകനൊപ്പമുള്ള വീഡിയോ രാഖി പോസ്റ്റ് ചെയ്തിരിക്കുന്നത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അടുത്തിടെ ഒരു അവാർഡ് ദാന ചടങ്ങിൽ പങ്കെടുത്ത രാഖി തന്റെ കാമുകൻ ആദിലിനെ വീഡിയോ കോൾ ചെയ്യുകയും റെഡ് കാർപറ്റിൽ ക്യാമറകൾക്ക് പോസ് ചെയ്യുന്നതിനിടെ വീഡിയോകോളിലൂടെ കാമുകനെ പൊതുജനങ്ങൾക്ക് പരിചയപ്പെടുത്തുകയും ചെയ്തിരുന്നു.

ശേഷം മാധ്യമങ്ങൾ അഭ്യർഥിച്ചപ്പോൾ കാമുകന് ചുംബനം നൽകുകയും ചെയ്തു നടി. 1997ലെ അഗ്നിചക്ര എന്ന ബോളിവുഡ് ചിത്രത്തിലൂടെയാണ് രാഖി സാവന്ത് സിനിമാ ലോകത്ത് എത്തുന്നത്.

മേ ഹൂ നാ, ദിൽ ബോലെ ഹഡിപ്പ, മേരെ ബ്രദർ കി ദുൽഹൻ തുടങ്ങി നിരവധി ചിത്രങ്ങളിൽ വേഷമിട്ടിട്ടുണ്ട്. സിനിമകളിൽ അഭിനയിച്ചിട്ടുണ്ടെങ്കിലും ബി​ഗ് ബോസ് ഷോയാണ് ആരാധകരെ നേടി കൊടുത്തത്.