എനിക്കെന്റെ മതവും കുടുംബവും നോക്കണം; രാഖി സവന്ദിന്റെ വസ്ത്രധാരണത്തെ പറ്റി കാമുകൻ ആദിൽ

ഇപ്പോഴിതാ രാഖി സവന്ദിന്റെ വസ്ത്രധാരണത്തെ പറ്റി കാമുകൻ പറഞ്ഞ വാക്കുകളാണ് സോഷ്യൽ മീഡിയയിൽ വൈറലാവുന്നത്. തന്റെ കുടുംബത്തിനോ മതത്തിനോ ഇത്തരം വസ്ത്ര ധാരണത്തോട് യോജിക്കാനാവില്ലെന്നും അതേസമയം രാഖിയെ ഹിജാബ് അണിയാൻ താനൊരിക്കലും നിർബന്ധിക്കില്ലെന്നും അദിൽ പറഞ്ഞു. രാഖി സവന്ദിനൊപ്പം പങ്കെടുത്ത പ്രസ്കോൺഫറൻസിൽ സംസാരിക്കുകയായിരുന്നു ആദിൽ. പുതിയ ​ഗാനത്തിന്റെ റിലീസിനോടനുബന്ധിച്ചായിരുന്നു പ്രസ് കോൺഫറൻസ് സംഘടിപ്പിച്ചത്.

ഇതിനിടെയാണ് രാഖിയുടെ ​ഗ്ലാമറസ് വസ്ത്ര ധാരണത്തെ പറ്റി ചോദ്യം വന്നത്. രാഖി മുമ്പ് മാന്യമായ വസ്ത്രങ്ങൾ ആയിരുന്നില്ല ധരിച്ചിരുന്നതെന്നും അത് തനിക്കിഷ്ടമായിരുന്നില്ലെന്നും ആദിൽ തുറന്ന് പറഞ്ഞു. എന്നാലിപ്പോൾ രാഖി വസ്ത്ര ധാരണത്തിൽ മാറ്റം വരുത്തുന്നുണ്ടെന്നും താൻ നിർബന്ധിക്കുന്നത് കൊണ്ടല്ലെന്നും ആദിൽ പറഞ്ഞു. കാരണം എനിക്ക് നിന്നെ വേണം എന്ന് രാഖി ഇടയ്ക്ക് കയറി പറയുകയും ചെയ്തു.

അടുത്തിടെ ആദിലുമായുള്ള വിവാഹത്തെക്കുറിച്ചും രാഖി സവന്ദ് സംസാരിച്ചിരുന്നു. 'ഞങ്ങൾ വിവാഹം കഴിക്കാതെ തന്നെ ഇപ്പോൾ സന്തുഷ്ടരാണ്. എല്ലാം നല്ല രീതിയിൽ പോവുന്നു. ഞങ്ങളിനി ഒരുമിച്ച് ജോലി ചെയ്യും. ബിസിനസ് നടത്തും. ഞാൻ ഓരോരോ കാറുകളിൽ വരുന്നത് കാണുമ്പോൾ നിങ്ങൾക്ക് സന്തോഷം തോന്നുന്നില്ലേ. സിനിമകളിൽ നിന്നും വെബ് സീരീസുകളിൽ നിന്നും ഓഫർ വരുന്നുണ്ട്. പക്ഷെ ആദിൽ മറ്റൊരു ഹീറോയിനോടൊപ്പവും അഭിനയിക്കില്ല. ഞാനാവണവന്റെ നായികയും മാനേജരും,' രാഖി സവന്ദ് പറഞ്ഞതിങ്ങനെ.

ട്രോളുകളെയൊന്നും രാഖി കാര്യമാക്കാറില്ലെങ്കിലും ആദിലിനെ ഇത് ബാധിക്കുന്നുണ്ടെന്ന് നേരത്തെ റിപ്പോർട്ടുകൾ പുറത്തു വന്നിരുന്നു. ട്രോളുകളാണ് എന്നെ വളർത്തുന്നതെന്നാണ് രാഖിയുടെ പക്ഷം. ട്രോളുകൾ പേടിച്ച് താൻ മാറില്ല. ഞാൻ എങ്ങനെയാണ് അങ്ങനെ തന്നെയിരിക്കും. താനാരെയും വേദനിപ്പിക്കുന്നില്ല.

ഞാൻ സത്യസന്ധമായാണ് സംസാരിക്കുന്നതെന്നും രാഖി പറഞ്ഞിരുന്നു. രാഖി സവന്ദിന് സമാനമായി ബി ടൗണിൽ ഇപ്പോൾ ഉയർന്നു വന്ന പുതിയൊരു താരമാണ് ഉർഫി ജാവേദ്. അതിരു കടന്ന ഫാഷൻ ചോയ്സുകളിലൂടെയാണ് ഉർഫി ബി ടൗൺ മാധ്യമങ്ങളിൽ നിറയുന്നത്.