തനുശ്രീയുടെ ലൈംഗികാരോപണം പബ്ലിസിറ്റിക്കു വേണ്ടി! നടിക്കെതിരെ തുറന്നടിച്ച് രാഖി സാവന്ത്‌!!

രാഖി സാവന്തിന്റെ പ്രതികരണം

തനുശ്രീ വിഷയത്തില്‍ ബോളിവുഡ് താരങ്ങളുടെയല്ലാം പ്രതികരണം വന്നതിനു പിന്നാലെയായിരുന്നു രാഖി സാവന്തും ഇക്കാര്യത്തില്‍ പ്രതികരിച്ചിരുന്നത്. വെറും പബ്ലിസിറ്റിക്ക് വേണ്ടി മാത്രമാണ് തനുശ്രീ ദത്ത ഇങ്ങനെ ചെയ്യുന്നതെന്നാണ് രാഖി സാവന്ത് പറയുന്നത്. നാനാ പടേക്കറിനെതിരെ തെറ്റായ ആരോപണങ്ങളാണ് നടി പറഞ്ഞതെന്നും രാഖി സാവന്ത് പറയുന്നു. ഹോണ്‍ ഒക പ്ലീസ് എന്ന ചിത്രത്തില്‍ തനുശ്രീയ്ക്ക് പകരം ഐറ്റം ഡാന്‍സ് കളിച്ചത് രാഖി സാവന്തായിരുന്നു. ഈ പശ്ചാത്തലത്തിലാണ് തനുശ്രീ പറയുന്ന കാര്യങ്ങള്‍ വെറും പബ്ലിസിറ്റി സ്റ്റണ്ടിന് വേണ്ടിയുളളത് മാത്രമാണെന്ന് പറഞ്ഞുകൊണ്ട് രാഖി സാവന്ത് എത്തിയിരിക്കുന്നത്.

ബിഗ് ബോസിലെത്താനുളള ശ്രമം

പബ്ലിസിറ്റി സ്റ്റണ്ടിനു പുറമെ ബിഗ് ബോസില്‍ എത്താനും കൂടിയാണ് തനുശ്രീ ഇങ്ങനെ ചെയ്യുന്നതെന്നും രാഖി സാവന്ത് ആരോപിക്കുന്നു. ആരോപണങ്ങള്‍ ഉന്നയിക്കുക വഴി മാധ്യമങ്ങളുടെ ശ്രദ്ധേ നേടാനാവുമെന്നത് തനുശ്രീക്ക് അറിയാമെന്നും ഇതിലൂടെ ബിഗ് ബോസില്‍ കയറികൂടാനുളള ശ്രമമാണ് തനുശ്രീ നടത്തുന്നതെന്നും രാഖി സാവന്ത് പറയുന്നു. താന്‍ നാനാ പടേക്കറിനെയാണ് പിന്തുണയ്ക്കുന്നതെന്നും തെറ്റായ ആരോപണങ്ങളാണ് തനുശ്രീ അദ്ദേഹത്തിനെതിരെ ഉന്നയിക്കുന്നതെന്നും രാഖി സാവന്ത് മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടിയായി പറഞ്ഞു.

യുവതാരങ്ങളുടെ പിന്തുണ

അതേസമയം തനുശ്രീക്ക് പിന്തുണയുമായി ബോളിവുഡിലെ യുവതാരങ്ങളെല്ലാം തന്നെ രംഗത്തുവരുന്നുണ്ട്. ഫര്‍ഹാന്‍ അക്തര്‍,ട്വിങ്കിള്‍ ഖന്ന,പ്രിയങ്കാ ചോപ്ര,സോനം കപൂര്‍ തുടങ്ങിയവരായിരുന്നു നേരത്തെ തനുശ്രീ ദത്തയ്ക്ക് പിന്തുണയുമായി എത്തിയിരുന്നത്. തനുശ്രിയുടെ വെളിപ്പെടുത്തല്‍ ബോളിവുഡില്‍ നേരത്തെ തന്നെ വലിയ ചര്‍ച്ചയായി മാറിയിരുന്നു. പതിവില്‍ നിന്നും വ്യത്യസ്തമായിട്ടായിരുന്നു താരങ്ങളെല്ലാം തന്നെ നടിക്ക് പിന്തുണയുമായി എത്തിയിരുന്നത്.

സഹസംവിധായിക പറഞ്ഞത്

തനുശ്രീക്ക് പിന്തുണയുമായി സെറ്റിലുണ്ടായിരുന്ന സഹസംവിധായികയും നേരത്തെ രംഗത്തുവന്നിരുന്നു. നടി പറഞ്ഞതെല്ലാം സത്യമാണെന്ന് പറഞ്ഞായിരുന്നു ഇവര്‍ എത്തിയിരുന്നത്. നടി പറഞ്ഞതെല്ലാം ശരിയാണെന്നും ഇങ്ങനെയൊരു വെളിപ്പെടുത്തല്‍ തനുശ്രീ നടത്തിയതില്‍ അഭിമാനിക്കുന്നുവെന്നും ജാനിസ് സെക്വറ അഭിപ്രായപ്പെട്ടിരുന്നു. ജാനിസിന്റെ ട്വീറ്റിനു പിന്നാലെയായിരുന്നു നടി സോനം കപൂറും എത്തിയിരുന്നത്. ജാനിസ് പറഞ്ഞതില്‍ തനിക്ക് വിശ്വാസമുണ്ടെന്നും തനുശ്രീയെ പിന്തുണയ്ക്കുന്നുമാണ് സോനം ട്വീറ്റ് ചെയ്തിരുന്നത്.

വീഡിയോ കാണൂ