ഞങ്ങൾ കറുത്തവരാണ്; കത്രീനയുടെയും ദീപികയുടെയും ഭർത്താക്കൻമാരായതിനെക്കുറിച്ച് രൺവീർ

മറുവശത്ത് കത്രീനയും വിക്കിയും പ്രണയം ഏറെനാൾ രഹസ്യമായി സൂക്ഷിച്ച ശേഷമാണ് തങ്ങളുടെ വിവാഹക്കാര്യം ആരാധകരെ അറിയിക്കുന്നത്. ലോക്ഡൗൺ സമയത്തായിരുന്നു ഇരുവരും തമ്മിൽ കടുത്ത പ്രണയത്തിലായത്. അതിനാൽ പാപ്പരാസികൾക്ക് ഇതേപറ്റി വലിയ സൂചനകളും അന്ന് ലഭിച്ചില്ല. 2021 ഡിസംബറിൽ രാജസ്ഥാനിൽ വെച്ച് ആഘോഷ പൂർണമായാണ് ഇരുവരുടെയും വിവാഹം നടന്നത്.

ഇപ്പോഴിതാ തന്റെയും വിക്കി കൗശലിന്റെയും വിവാഹത്തെക്കുറിച്ച് ചിലർ പറഞ്ഞ വാക്കുകൾ വെളിപ്പെടുത്തിയിരിക്കുകയാണ് രൺവീർ സിം​ഗ്. ഫിലിംഫെയർ അവാർഡ് ഷെയിൽ വെച്ചാണ് താരം ഇതേപറ്റി സംസാരിച്ചത്.

'വിക്കി കൗശലിനെ സംബന്ധിച്ച് നല്ല വർഷമായിരുന്നു. കരൺജോഹറിന്റെ തഖ്തിൽ സഹോദരൻമാരായി അഭിനയിക്കാനിരുന്നതായിരുന്നു ഞങ്ങൾ. ഞങ്ങൾ രണ്ടു പേരും നീണ്ട്, കറുത്ത സുന്ദരൻമാരാണ്'

'ഞങ്ങൾ ഞങ്ങളുടേതായ സ്വപ്ന കഥയിൽ ജീവിക്കുകയാണ്. (ദീപിക പദുകോണിനെയും കത്രീന കൈഫിനെയും വിവാഹം കഴിച്ചത്). രണ്ട് പേരും ഞങ്ങളുടെ ലീ​ഗിനപ്പുറത്തുള്ളവരാണെന്നാണ് ആൾക്കാർ പറഞ്ഞിരുന്നത്,' രൺവീർ പറഞ്ഞു.

സിനിമാ മേഖലയിൽ രൺവീറിനും വിക്കി കൗശലിനേക്കാളും സീനിയറാണ് കത്രീന കൈഫും ഒപ്പം ദീപിക പദുകോണും. രണ്ടു പേരും തങ്ങളുടെ ഭർത്താക്കാൻമാരേക്കാൾ പ്രശസ്തരുമാണ്. അടുത്തിടെ കത്രീന കൈഫിനെ പറ്റി വിക്കി കൗശൽ സംസാരിച്ചിരുന്നു. കോഫി വിത്ത് കരണിൽ അതിഥിയായെത്തിയതായിരുന്നു വിക്കി കൗശൽ. കത്രീനയ്ക്കൊപ്പമുള്ള ജീവിതം മനോഹരമാണെന്ന് ഷോയിൽ വിക്കി കൗശൽ പറഞ്ഞു.

എനിക്ക് ശരിക്കും സെറ്റിൽഡ് ആയത് പോലെ തോന്നുന്നു. പങ്കാളിയുണ്ടാവുന്നത് മനോഹരമാണ്. ഞാൻ ഇതുവരെ കണ്ടിട്ടുള്ളതിൽ വെച്ച് ഏറ്റവും വിവേകവും അനുകമ്പയും ഉള്ള വ്യക്തിയാണ് അവൾ. അവളിൽ നിന്ന് ഞാൻ ഒരുപാട് കാര്യങ്ങൾ പഠിക്കുന്നു. അവൾ എനിക്ക് ഒരു കണ്ണാടി പോലെയാണ്. ഞാൻ അറിയേണ്ട കഠിനമായ വസ്തുതൾ അവൾ തുറന്നു പറയും. അത്തരമാെരു വ്യക്തി എപ്പോഴും കൂടെ വേണമെന്നുമായിരുന്നു വിക്കി കൗശൽ‌ പറഞ്ഞത്.

ഫിലിംഫെയർ പരിപാടിയിൽ മികച്ച നടനുള്ള പുരസ്കാരം വാങ്ങിയത് രൺവീർ സിം​ഗ് ആയിരുന്നു. 83 യിലെ പ്രകടനമാണ് നടനെ പുരസ്കാരത്തിന് അർഹനാക്കിയത്. ഫിലിം ഫെയർ ഷോയിൽ അവതാരകനായും രൺവീറെത്തി.