താൻ കാത്തിരുന്നത് സുശാന്തിൽ നിന്നൊരു കുഞ്ഞിനെ! ഒന്നര വർഷത്തെ ഒരുമിച്ചുള്ള ജീവിതത്തെ കുറിച്ച് റിയ

റിയയ്ക്കെതിരെ സാമ്പത്തിക ആരോപണങ്ങളാണ് ഏറ്റവും കൂടുതൽ ഉയർന്ന് വരുന്നത്. എന്നാൽ തനിക്ക് ആവശ്യം സുശാന്തിന്റെ പണമല്ലായിരുന്നെന്നാണ് നടി പറയുന്നത്. ഇന്നും സുശാന്തിന്റെ വിയോഗം തനിക്ക് ഉൾക്കൊള്ളാൻ കഴിഞ്ഞിട്ടില്ല. തനിക്ക് അദ്ദേഹത്തെ പോലെയൊരു കുഞ്ഞ് സുശാന്തിനെയായിരുന്നു വേണ്ടിയിരുന്നത്. ലോകത്തിലെ ഏറ്റവും മികച്ച മനുഷ്യനാണ് സുശാന്ത്. ഒരിക്കൽ പോലും അവനെ പ്രണയിച്ചത് തെറ്റായി തോന്നിയിട്ടില്ലെന്നും താരം പറയുന്നു. തനിക്കെതിരെ ഉയർന്നു വന്ന ആരോപണങ്ങൾക്കെതിരെ പോരാടുമെന്നും റിയ അഭിമുഖത്തിൽ പറയുന്നുണ്ട്. ഇതെല്ലാം സുശാന്ത് മുകളിലിരുന്ന് കാണുന്നുണ്ട്. തന്നെ മനസ്സിലാക്കണമെന്ന് നടി അഭിമുഖത്തിലൂടെ പ്രേക്ഷകരോട് അഭ്യർഥിക്കുന്നു.

കഴിഞ്ഞ ഒന്നര വർഷമായി താൻ സുശാന്തിനോടൊപ്പമായിരുന്നു താമസിച്ചിരുന്നത്. എന്നാൽ സംഭവം നടക്കുന്നതിനും ദിവസങ്ങൾക്ക് മുൻപ്, അദ്ദേഹം എന്നോട് വീട് വിട്ട് പോകൻ ആവശ്യപ്പെടുകയായിരുന്നു. തിരികെ വിളിക്കുമെന്ന പ്രതീക്ഷയോടെയാണ് ഇവിടെ നിന്ന് ഇറങ്ങിയത്. സുശാന്തിന്റെ തിരികെ വിളിന് പ്രതീക്ഷിച്ചിരിക്കവെയാണ് ആ ദുഷ്കരമായ വാർത്ത തന്നെ തേടിയെത്തുന്നതെന്നും റിയ ഒരു അഭിമുഖത്തിൽ പറഞ്ഞു.

Recommended Video

sushant singh rajput's last video | FilmiBeat Malayalam

സുശാന്തിന്റെ മനസ്സിനെ തളർത്തിയ മറ്റൊരു സംഭവത്തെ കുറിച്ചും റിയ അഭിമുഖത്തിൽ പറഞ്ഞിരുന്നു. ചിലർ താരത്തിനെതിരെ ഗൂഡാലോചന നടത്തിയിരുന്നെന്നും റിയ പറയുന്നു. 2018 ൽ സുശാന്തിനെതിരെ മീടു ആരോപണം ഉയർന്നിരുന്നു. സഹതാരം സഞ്ജന സംഘ്വിയുടെ പേരിനൊപ്പമായിരുന്നു ആരോപണം . ഇത് നിഷേധിച്ച് സുശാന്ത് രംഗത്തെത്തിയിരുന്നെങ്കിലും സഞ്ജനയുടെ നിശബ്ദത നടനെ വല്ലാതെ അലട്ടിയിരുന്നെന്ന് റിയ പറയുന്നു. സഞ്ജനയും സുഹൃത്തും മാനേജറുമായ രോഹിണി അയ്യരും സുശാന്തിനെ ഏറെ ബുദ്ധിമുട്ടിച്ചിട്ടുണ്ടെന്നും റിയ പറയുന്നു.

സുശാന്തിന്റെ വീട്ടുകാർ ഉന്നയിക്കുന്ന ആരോപണങ്ങൾ ശരിയല്ലെന്നും റിയ ന്യൂസ് 18 നോട് പറഞ്ഞു. കൂടാതെ താരത്തിന് ഒരു മരുന്നു നൽകിയിട്ടില്ലെന്നും ചികിത്സ നിർദ്ദേശിച്ചിട്ടില്ലെന്നും റിയ അഭിമുഖത്തിൽ പറഞ്ഞു. താൻ അദ്ദേഹത്തിനോട് മരുന്നുകൾ മറക്കരുതെന്ന് ഓർമിപ്പിക്കുക മാത്രമാണ് ചെയ്തത്. ഒരു കാമുകിയെന്ന നിലയിൽ എന്റെ ഒരേയൊരു വേഷം അതായിരുന്നു. ഇതിൽ ക്രിമിനൽ നടപടി എന്താണെന്നും നടി ച ചോദിക്കുന്നുണ്ട്.