വെറും മുപ്പത് മിനുറ്റുള്ള പരിപാടിയ്ക്ക് പ്രിയങ്ക ചോപ്ര ചോദിച്ച പ്രതിഫലം ഞെട്ടിക്കും!

പ്രിയങ്കയുടെ പ്രതിഫലം

പ്രിയങ്ക ചോപ്രയാണ് വന്‍തുക പ്രതിഫലം ആവശ്യപ്പെട്ടതായി പുതിയ റിപ്പോര്‍ട്ടുകള്‍ വന്നിരിക്കുന്നത്. നടി ആവശ്യപ്പെട്ട കോടികള്‍ കിട്ടാതെ പരിപാടിയില്‍ പങ്കെടുക്കില്ലെന്ന് വാശി കാണിച്ചെന്നും ഒട്ടും വിട്ട് വീഴ്ചയ്ക്ക് തയ്യാറിയിരുന്നില്ലെന്നുമാണ് പറയുന്നത്.

പന്ത്രണ്ട് കോടി

ഒരു അവാര്‍ഡ് നിശയില്‍ പങ്കെടുക്കുന്നതിന് വേണ്ടിയായിരുന്നു സൂപ്പര്‍ താരങ്ങള്‍ പോലും ആവശ്യപ്പെടാത്ത അത്രയും പ്രതിഫലം പ്രിയങ്ക ചോദിച്ചിരുന്നത്. 12 കോടിയായിരുന്നു മുപ്പത് മിനുറ്റ് മാത്രമുള്ള പരിപാടിയ്ക്ക് വേണ്ടി നടി ചോദിച്ചതെന്നാണ് ടൈംസ് നൗ റിപ്പോര്‍ട്ട് ചെയ്യുന്നത്.

പ്രിയങ്ക വരും...

പരിപാടിയില്‍ പങ്കെടുക്കാന്‍ പ്രിയങ്ക ചോപ്ര വരുമെന്നായിരുന്നു ആദ്യം അണിയറ പ്രവര്‍ത്തകര്‍ പറഞ്ഞിരുന്നത്. എന്നാല്‍ നടി ഒട്ടും വിട്ടു വീഴ്ചയ്ക്ക് തയ്യാറാകാതെ വന്നതോട് കൂടി അവരും കുഴപ്പത്തിലാവുകയായിരുന്നു.

ഷാരുഖ് ഖാനും

പ്രിയങ്ക ചോപ്രയ്‌ക്കൊപ്പം സല്‍മാന്‍ ഖാന്‍, ഷാരുഖ് ഖാന്‍ എന്നിവരും പരിപാടിയില്‍ പങ്കെടുക്കാന്‍ വരുമെന്ന് പറഞ്ഞിരുന്നെങ്കിലും ഷാരുഖ് ഖാനും പരിപാടിയില്‍ പങ്കെടുത്തിരുന്നില്ല. ഇതും മറ്റ് ബഹളങ്ങള്‍ക്ക് കാരണമാവുകയും ചെയ്തിരുന്നു.