വിവാഹത്തിന് മുന്‍പേ നടി ഗര്‍ഭിണിയായിരുന്നു? ആലിയയുടെ ഗര്‍ഭത്തെ കുറിച്ച് ചോദിക്കുന്നവരോട് സഹേദാരി ഷെഹീന്‍

ആലിയ ഭട്ടിന്റെ എല്ലാ ഉയര്‍ച്ച താഴ്ചകളിലും കൂടെ നില്‍ക്കുന്ന ആളാണ് സഹോദരി ഷെഹീന്‍ ഭട്ട്. ഇപ്പോള്‍ സഹോദരിയെ കുറിച്ച് വരുന്ന മോശം പ്രതികരണങ്ങളിലാണ് ഷെഹീന്‍ പ്രതികരിച്ചത്. വിവാഹത്തിന് മുന്‍പ് ആലിയ ഗര്‍ഭിണിയായോന്നാണ് പലരും ചോദിക്കുന്നത്. 'ഞാന്‍ അവള്‍ക്ക് വേണ്ടി സംസാരിക്കില്ലെന്നാണ് സഹോദരി പറയുന്നത്. കാരണം അത് അവളുടെ സ്വന്തം യാത്രയാണ്. അവള്‍ കൈകാര്യം ചെയ്യുന്നതൊക്കെ അവളുടെ മാത്രം യാത്രകളാണ്.

ആര്‍ക്കും എല്ലാവരെയും തൃപ്തിപ്പെടുത്തി ജീവിക്കാന്‍ സാധിക്കില്ല. എപ്പോഴും ഒന്നോ രണ്ടോ നെഗറ്റീവ് കമന്റുകള്‍ ഉണ്ടായേക്കും. പൊതുജനങ്ങളുടെ ശ്രദ്ധയില്‍ ജീവിക്കുന്നത് കൊണ്ട് എന്തിലൊക്കെ ശ്രദ്ധിക്കണം, ശ്രദ്ധിക്കരുത് എന്നൊക്കെയുള്ള കാര്യങ്ങള്‍ പരിശീലിച്ച് കഴിഞ്ഞു. ഈ വര്‍ഷം ഞങ്ങളുടെ കുടുംബത്തിന് ഒരു അത്ഭുത വര്‍ഷമാണെന്ന് പറയാം. കഴിഞ്ഞ വര്‍ഷം മുതലാണ് അത് തുടങ്ങുന്നത്. ഞങ്ങളുടെ ജീവിതത്തില്‍ കൂടുതല്‍ സന്തോഷം മാത്രമേയുള്ളു. അതിനായി കാത്തിരിക്കുകയാണെന്നും' ഷെഹീന്‍ ഭട്ട് പറയുന്നു.

2018 മുതലാണ് ആലിയ ഭട്ടും രണ്‍ബീറും പ്രണയത്തിലാവുന്നത്. ഇരുവരെയും ഒരുമിച്ച് കണ്ടത് മുതല്‍ ഗോസിപ്പ് പ്രചരിച്ചെങ്കിലും ആദ്യം വാര്‍ത്ത അഭ്യൂഹങ്ങളായി തുടര്‍ന്നു. എന്നാല്‍ പിന്നീട് വിവാഹത്തിനുള്ള ഒരുക്കങ്ങളിലേക്ക് എത്തിയത് മുതല്‍ താരങ്ങള്‍ വാര്‍ത്തകളില്‍ നിറഞ്ഞു. അങ്ങനെയാണ് 2022 ഏപ്രിലില്‍ ഇരുവരും വിവാഹിതരാവുന്നത്. മുംബൈയിലെ അപാര്‍ട്ട്‌മെന്റില്‍ വച്ച് വളരെ സ്വകാര്യമായിട്ടുള്ള ചടങ്ങിലാണ് താരവിവാഹം നടക്കുന്നത്. വിവാഹത്തിന് പിന്നാലെ അഭിനയത്തിലേക്ക് രണ്ടാളും മടങ്ങി.

ഈ വര്‍ഷമാണ് ആലിയ ഹോളിവുഡിലേക്കും ചുവടുവെക്കുന്നത്. അങ്ങനെ ഇംഗ്ലീഷ് ചിത്രത്തിന്റെ ഷൂട്ടിങ്ങിന് വേണ്ടി വിദേശത്ത് പോയപ്പോഴാണ് തന്റെയുള്ളില്‍ ഒരാള്‍ കൂടി വളരുന്നുണ്ടെന്ന വിവരം നടി അറിയുന്നത്. വൈകാതെ ആശുപത്രിയില്‍ നിന്നും സ്‌കാന്‍ ചെയ്യുന്നതിന്റെ ചിത്രം നടി പുറത്ത് വിട്ടു. താനും രണ്‍ബീറും വൈകാതെ മാതാപിതാക്കള്‍ ആവുമെന്നും കുഞ്ഞതിഥി വന്ന് കൊണ്ടിരിക്കുകയാണെന്നും താരങ്ങള്‍ പറഞ്ഞു. അവിടം മുതലാണ് ആലിയ നേരത്തെ ഗര്‍ഭിണിയായിരുന്നോ എന്ന സംശയം ചിലര്‍ക്ക് വന്നത്.