'ഫാൻ ​ഗേളിന്റെ കാമുകന്റെ അടിയും കിട്ടി മുൻ ഭാര്യയോട് കാമറയിലൂടെ മാപ്പും പറഞ്ഞു'; സെയ്ഫ് അലി ഖാന് സംഭവിച്ചത്!

കരീനയും സെയ്ഫും വളരെ പെട്ടന്ന് അടുത്തു. നല്ല സുഹൃത്തുക്കളായി. 2007 മുതല്‍ ഇരുവരും ഡേറ്റിങ് ആരംഭിച്ചു. 2012 വരെ ഇരുവരും ലിവിങ് ടുഗെദര്‍ റിലേഷന്‍ഷിപ്പിലായിരുന്നു. 2012 ഒക്ടോബര്‍ 16 നായിരുന്നു ഇരുവരുടേയും വിവാഹം.

സെയ്ഫ് അലി ഖാനേക്കാള്‍ 11 വയസ് കുറവാണ് കരീന കപൂറിന്. സിനിമയില്‍ തിളങ്ങി നില്‍ക്കുന്ന സമയത്താണ് സെയ്ഫിനെ വിവാഹം കഴിക്കാന്‍ കരീന തീരുമാനിക്കുന്നത്. ഇരുവര്‍ക്കും ഇപ്പോള്‍ രണ്ട് മക്കളുണ്ട്. ആരാധകര്‍ക്ക് ഏറെ ഇഷ്ടമുള്ള താര ജോഡികളാണ് സെയ്ഫ് അലി ഖാനും കരീന കപൂറും.

അമൃത സിങുമായുള്ള വിവാ​ഹ​ ബന്ധം വേർപ്പെടുത്തിയെങ്കിലും മക്കൾക്ക് നല്ല പിതാവാണ് ഇപ്പോഴും സെയ്ഫ് അലി ഖാൻ. രണ്ടാനമ്മ കരീനയ്ക്കൊപ്പം എല്ലാ ആഘോഷങ്ങളിലും പങ്കെടുക്കാൻ സാറയും ഇബ്രാഹിമും എത്താറുണ്ട്.

ഇപ്പോഴിത സെയ്ഫ് അലി ഖാൻ ഒരിക്കൽ അമൃത സിങിനോട് കാമറയിലൂടെ മാപ്പ് പറഞ്ഞ സംഭവമാണ് ഇപ്പോൾ വൈറലാകുന്നത്. ഇരുവരും വിവാഹ ബന്ധം വേർപ്പെടുത്തും മുമ്പ് പല തവണ ഒരുമിച്ച് അഭിമുഖങ്ങളിൽ പങ്കെടുത്തിട്ടുണ്ട്.

അവരുടെ അഭിമുഖങ്ങളെല്ലാം വളരെ രസകരമായിരുന്നതിനാൽ തന്നെ നിരവധി കാഴ്ചക്കാരെ ഇപ്പോഴും ആ അഭിമുഖത്തിന് ലഭിക്കുന്നുണ്ട്.

ഒരിക്കൽ തനിക്ക് പറ്റിയ ഒരു തെറ്റിന്റെ പേരിൽ സെയ്ഫ് കാമറ നോക്കി അമൃതയോട് മാപ്പ് പറയുകയും ചെയ്തത് ശ്രദ്ധിക്കപ്പെട്ടിരുന്നു. സെയ്ഫ് അലി ഖാൻ തന്റെ മെയിൻ ഖിലാഡി തു അനാരി എന്ന സിനിമയുടെ വിജയം 1994ൽ ഒരു നിശാക്ലബ്ബിൽ ആഘോഷിക്കുകയായിരുന്നു.

അപ്പോഴാണ് താരം ഒരു വനിതാ ആരാധികയെ കണ്ടുമുട്ടിയത്. അദ്ദേഹത്തോടൊപ്പം നൃത്തം ചെയ്യാനുള്ള ആ​ഗ്രഹം ആരാധിക പ്രകടിപ്പിച്ചു. അതോടെ സെയ്ഫ് ആരാധികയ്ക്കൊപ്പം അവിടെ വെച്ച് നൃത്തം ചെയ്തു.

തന്റെ കാമുകി സെയ്ഫിനൊപ്പം നൃത്തം ചെയ്യുന്നത് കണ്ട് ആരാധികയുടെ കാമുകൻ നടനുമായി കടുത്ത തർക്കത്തിലേർപ്പെട്ടു.

മാത്രമല്ല അയാൾ സെയ്ഫിനെ പരസ്യമായി അടിച്ചു. സംഭവത്തിന് ശേഷം അത്തരമൊരു കാര്യം ചെയ്തതിന് അമൃതയോട് സെയ്ഫ് മാപ്പ് പറഞ്ഞു. ഭാവിയിൽ ഇത്തരം പ്രശ്‌നങ്ങൾ ഒഴിവാക്കുമെന്നും അദ്ദേഹം അമൃതയ്ക്ക് ഉറപ്പ് നൽകി.

ഈ സംഭവം അധികമാരും അറിഞ്ഞിട്ടില്ല ഒന്നാണ്. മാത്രമല്ല അദ്ദേഹത്തിന്റെ ആരാധകർക്കും ഈ സംഭവം അന്നും ഇന്നും ആശ്ചര്യമുണ്ടാക്കിയ ഒന്നാണ്. സെയ്ഫിനെപ്പോലെ തന്നെ സാറയും ഇന്ന് ബോളിവുഡിലെ തിരക്കുള്ള യുവ നടിയാണ്.