മകളെ കൈവിടാതെ ചേർത്ത് നിർത്തി സെയ്ഫ്, മൂന്ന് പേരുടേയും അച്ഛൻ, ദില്ലിയിൽ പോയത് മകന് വേണ്ടിയോ....

വിവാദങ്ങളെ കുറിച്ച് താരം പ്രതികരിച്ചത് ഇങ്ങനെയാണ്. മക്കൾക്കു വേണ്ടി എപ്പോഴും ഉണ്ടാകും. മൂന്ന് മക്കളെയും ഒരുപോലെ സ്നേഹിക്കുന്നുണ്ടെന്നും ഹൃദയത്തിന്റെ ഓരോ ഭാഗത്ത് ഓരോരുത്തർക്കും സ്ഥാനമുണ്ടെന്നും സെയ്ഫ് പറഞ്ഞു. കൂടാതെ ഇളയമകൻ തൈമൂറിന് നൽകുന്ന കെയറിനെ കുറിച്ചും സെയ്ഫ് പ്രതികരിച്ചു. തൈമൂറിനൊപ്പം കൂടുതൽ സമയം ചെലവഴിന്നത് കുറ്റബോധം ഉണ്ടാക്കുന്നുണ്ടോ എന്ന ചോദ്യത്തിനായിരുന്നു മറുപടി. തൈമൂറിനോടൊപ്പം ധാരാളം സമയം ചെലവഴിക്കുന്നുവെന്നത് സത്യമാണെന്നും എന്നാൽ മൂത്തമകൻ ഇബ്രാഹിം, മകൾ സാറ എന്നിവരുമായി ഞാൻ നിരന്തരം ബന്ധപ്പെട്ടിരിക്കുന്നുണ്ടെന്നും സെയ്ഫ് പറഞ്ഞു.

സെയ്ഫ് അലിഖാന് മൂന്ന് മക്കളും ഒരുപോലെയാണെന്ന് കരീനയും മുൻപ് ഒരു അഭിമുഖത്തിൽ പറഞ്ഞിരുന്നു. ഇവരുമായി കരീനയ്ക്കും വളരെ അടുത്ത ബന്ധമാണുള്ളത്. അവധി സമയങ്ങളിൽ എല്ലാവരും ഒന്നിച്ച് കൂടാറുമുണ്ട്. സെയ്ഫ് അലിഖാന്റെ ഫാമിലി ഗെറ്റ്ടുഗദർ ചിത്രങ്ങൾ സോഷ്യൽ മീഡിയയിൽ വൈറലുമാണ് . ഒരു മാധ്യമത്തിന് നൽകിയ അഭിമുഖത്തിൽ മൂന്ന് മക്കളുടെ പൊതുസ്വഭാവം പങ്കുവെച്ച് കരീന പങ്കുവെച്ചിരുന്നു. സാറയുമായി തൈമൂറിന് രൂപസാദ്യശ്യമുണ്ട്. സാറയുടെ കുട്ടിക്കാലത്തെ രൂപത്തിന് സമാനമാണ് തൈമൂർ. പാറ്റൗഡി കുടുംബത്തിലെ കണ്ണുകളാണ് ഇവർക്ക് മൂന്ന് പേർക്കും ലഭിച്ചിരിക്കുന്നത്. കൂടാതെ മൂന്ന് സഹോദരങ്ങളും തമ്മിൽ വളരെ അടുത്ത ബന്ധമാണെന്നും കരീന അന്ന് നൽകിയ അഭിമുഖത്തിൽ പറഞ്ഞിരുന്നു.

Recommended Video

മീ ടൂ വെളിപ്പെടുത്തലുമായി സെയ്ഫ് അലിഖാൻ | FilmiBeat Malayalam

നിവലിൽ സെയ്ഫ് അലിഖാൻ കരീനയ്ക്കും തൈമൂറിനും ഒപ്പം ദില്ലിയിലാണുള്ളത്. കരീന പ്രധാന വേഷത്തിലെത്തുന്ന അമീർ ഖാൻ ചിത്രമായ ലാൽ സിംഗ് ഛദ്ദയുടെ ചിത്രീകരണം ദില്ലിയിൽ പുരോഗമിക്കുകയാണ്. ആറ് മാസത്തിന് ശേഷമാണ് വീണ്ടും ചിത്രീകരണം ആരംഭിച്ചിരിക്കുന്നത്. ഓക്ടോബർ ആദ്യ ദിവസം തന്നെ കരീന ടീമിനോടൊപ്പം ചേർന്നിരുന്നു. വി.എഫ്.എക്സ് ഉപയോഗിച്ച് കരീനയുടെ ബേബി ബമ്പ് മറച്ചുവെച്ച് കൊണ്ടാകും ചിത്രീകരണം നടക്കുക.