100 കോടി ഗ്യാരന്റിയുള്ള 'ആക്ഷന്‍ ഹീറോ', ബോളിവുഡിന്റെ സ്വന്തം സല്ലു 53ന്റെ നിറവില്‍!

ബോളിവുഡിലെ ആക്ഷന്‍ ഹീറോ

അമ്പത്തിമൂന്ന് വയസ്സായെങ്കിലും ആക്ഷന്‍ ചിത്രങ്ങളില്‍ അഭിനയിക്കാന്‍ യാതൊരു വിമുഖതയുമില്ലാത്ത താരമാണ് സല്‍മാന്‍ ഖാന്‍. ആക്ഷന്‍ റോളുകളില്‍ അദ്ദേഹത്തെ കാണാനാണ് ആരാധകര്‍ക്കും താല്‍പര്യം.

കലക്ഷനെക്കുറിച്ചോര്‍ത്ത് ഭയക്കേണ്ട

സല്ലുവിനെ നായകനാക്കുന്ന സിനിമാപ്രവര്‍ത്തകര്‍ക്ക് കലക്ഷനെക്കുറിച്ച് ആശങ്കപ്പെടേണ്ടതില്ല. മിനിമം 100 കോടി ഗ്യാരന്‍റി ഉറപ്പു നല്‍കുന്ന താരമാണ് താനെന്ന് സല്‍മാന്‍ ഇതിനോടകം തന്നെ തെളിയിച്ചിട്ടുണ്ട്.

മാതൃകാപുരുഷനെന്ന വിശേഷണം

ആരാധകരുടെ കാര്യത്തില്‍ ഏറെ മുന്നിലാണ് സല്‍മാന്‍ ഖാന്‍. സൂപ്പര്‍ തരപദവിയുണ്ടെങ്കിലും ആരാധകരോട് സൗമ്യമായി ഇടപെടുന്ന താരത്തെ മാതൃകാപുരുഷനായാണ് പലരും വിശേഷിപ്പിക്കുന്നത്.

ഇത്തവണത്തെ പിറന്നാളോഘോഷം

നിര്‍മ്മാതാവ് സജിദ് നടിവാലയ്ക്കും കുടുംബത്തിനുമൊപ്പമാണ് സല്ലു ഇത്തവണ പിറന്നാളോഘോഷിക്കുന്നത്. സല്‍മാന്‍റെ കുടുംബവും ആഘോഷത്തില്‍ പങ്കെടുക്കുന്നുണ്ട്.

കാത്തിരിക്കാന്‍ വയ്യ

ചച്ചുവിന്‍റെ പിറന്നാള്‍ ആഘോഷിക്കാന്‍ ഇനിയും കാത്തിരിക്കാനാവില്ലെന്നാണ് തന്‍റെ മക്കള്‍ പറയുന്നതെന്ന് സാജിദ് പറയുന്നു. സല്ലുവിന്‍റെ പിറന്നാള്‍ പ്രമാണിച്ച് അവരെല്ലാം അഞ്ച് മണിക്ക് എഴുന്നേറ്റിട്ടുണ്ട്. ആഘോഷ പരിപാടിയില്‍ പങ്കെടുക്കാനായുള്ള കാത്തിരിപ്പിലാണ് അവരെല്ലാവരുമെന്നും നിര്‍മ്മാതാവ് പറയുന്നു.

കുട്ടികളുടെ താരം

കുട്ടികളെ ഏറെ ഇഷ്ടപ്പെടുന്ന താരം കൂടിയാണ് സല്‍മാന്‍. കുട്ടികളോടുള്ള അദ്ദേഹത്തിന്‍റെ സമീപനത്തില്‍ താന്‍ അത്ഭുതപ്പെട്ട് പോയിട്ടുണ്ടെന്നും നിര്‍മ്മാതാവ് പറയുന്നു.