Don't Miss!
- Lifestyle 41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി
- Sports IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി
- News ഹോർലിക്സ് ഇനി 'ഹെൽത്ത് ഡ്രിങ്കല്ല'; ഹെൽത്ത് ലേബൽ ഒഴിവാക്കി, മാറ്റംവരുത്തി ഹിന്ദുസ്ഥാൻ യുണിലിവർ
- Automobiles ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- Finance 7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം...
- Technology മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
എന്റെ പ്രണയമല്ലാതെ മറ്റൊന്നും വാര്ത്തയാക്കാനില്ലേ? മാധ്യമപ്രവര്ത്തകനോട് സല്മാന് ഖാന് അന്ന് പറഞ്ഞത്
56-ാം വയസ്സിലും ബോളിവുഡിലെ ക്രോണിക് ബാച്ചിലറായി തുടരുകയാണ് നടന് സല്മാന് ഖാന്. കാമുകിമാരുടെ പേരില് എന്നും ഗോസിപ്പ് കോളങ്ങളിലെ ചൂടേറിയ ചര്ച്ചാവിഷയമാണ് അദ്ദേഹം. ഐശ്വര്യ റായിയുമായും കത്രീന കൈഫുമായും സംഗീത ബിജ്ലാനിയുമായും ഉണ്ടായിരുന്ന പ്രണയബന്ധങ്ങള് എല്ലായ്പ്പോഴും അദ്ദേഹത്തിന് ഗോസിപ്പ് കോളങ്ങളില് സ്ഥിരമായി ഇടം നല്കിയിട്ടുണ്ട്.
പാപ്പരാസികള് ഏറെനാള് ആഘോഷിച്ച സംഭവമായിരുന്നു സല്മാന് ഖാന്റെയും കത്രീന കൈഫിന്റെയും കൊടുമ്പിരി കൊണ്ട പ്രണയം. 2005 മുതല് ഇരുവരും പ്രണയത്തിലാണെന്നായിരുന്നു പാപ്പരാസികളുടെ കണ്ടെത്തല്. പ്രണയത്തിനിടയില് എപ്പോഴോ ഇരുവരും തമ്മില് അഭിപ്രായഭിന്നതകള് ഉണ്ടാവുകയും തുടര്ന്ന് വേര്പിരിയുകയുമായിരുന്നു.
പിന്നീട് രണ്ബീര് കപൂറായിരുന്നു കത്രീനയുടെ കൂട്ട്. എന്നാല് അതും ഏറെനാള് മുന്നോട്ടുപോയില്ല. രണ്ബീറിന്റെ എടുത്തുചാട്ടം പലപ്പോഴും കത്രീനയെ കുഴപ്പത്തിലാക്കിയിട്ടുണ്ട്. അതിനുശേഷമാണ് നടന് വിക്കി കൗശാലുമായി ഡേറ്റിങ് നടത്തുന്നതും അടുത്തിടെ വിവാഹം കഴിക്കുന്നതും.
നടി ഐശ്വര്യ റായിയുമായുണ്ടായിരുന്ന പ്രണയം തകര്ന്നതിനു ശേഷം വളരെ നാളുകള്ക്ക് ശേഷമാണ് സല്മാന് ഖാന് കത്രീന കൈഫിനെ പ്രണയിക്കുന്നത്. തന്റെ വ്യക്തിജീവിതത്തെ മാധ്യമങ്ങള്ക്കു മുന്നില് തുറന്നു കാണിക്കാന് ഇഷ്ടമില്ലാതിരുന്ന സല്മാന് എല്ലായ്പ്പോഴും അത്തരം ചോദ്യങ്ങളില് നിന്ന് അകന്നു നിന്നിരുന്നു. കത്രീനയുമായുള്ള ബന്ധത്തിലും ഈ സ്വകാര്യത സൂക്ഷിച്ചിരുന്നു.
ഒരിക്കല് കത്രീനയുമായുള്ള ബന്ധത്തെക്കുറിച്ച് ഒരു ദേശീയ മാധ്യമത്തിന്റെ പ്രതിനിധി അഭിമുഖത്തിനിടെ ചോദിച്ചപ്പോള് സല്മാന് രോഷത്തോടെ പ്രതികരിച്ചത് ഇപ്രകാരമായിരുന്നു.' ഈ ഇന്ത്യാമഹാരാജ്യത്തില് ജനങ്ങളെ ബാധിക്കുന്ന എന്തെല്ലാം വിഷയങ്ങളുണ്ട്. എന്തുകൊണ്ട് സല്മാന്-കത്രീന ബന്ധം വലിയ വാര്ത്തയാകുന്നു. നിങ്ങള്ക്ക് മറ്റൊന്നും വാര്ത്തയാക്കാനില്ലേ' എന്ന പരുഷമായ മറുപടിയിലൂടെയായിരുന്നു സല്മാന് ഈ ചോദ്യത്തെ നേരിട്ടത്.
വിവാഹത്തെക്കുറിച്ചുള്ള ചോദ്യങ്ങള്ക്ക് പലപ്പോഴും സല്മാന് ഖാന് മറുപടിയൊന്നും നല്കാറില്ല. താന് വിവാഹം കഴിക്കാത്തതിന് കാരണം ഒരു സൂപ്പര്താര നടിയാണെന്ന് ഒരിക്കല് സല്മാന് ഖാന് പറഞ്ഞിട്ടുണ്ട്. ബോളിവുഡിലെ ഇതിഹാസ താരമായ രേഖയായിരുന്നു ആ നടി. രേഖയോട് ചെറുപ്പത്തില് വലിയ ആരാധനയും പ്രണയവും തോന്നിയിരുന്നതായി സല്മാന് പറഞ്ഞിട്ടുണ്ട്. രേഖയെ കാണാന് വേണ്ടി മാത്രം അടുത്തുള്ള യോഗ ഇന്സ്റ്റിറ്റിയൂട്ടില് പോയിട്ടുണ്ടത്രേ.
രേഖയും സല്മാന് ഖാനും ആ സമയത്ത് അയല്വാസികളായിരുന്നു. രേഖയെ ഒരുനോക്ക് കാണുന്നതിനായി രാവിലെ 5.30 ക്ക് തന്നെ എഴുന്നേല്ക്കുമായിരുന്നു. ആ കാലത്ത് രേഖ പ്രഭാതസവാരിക്ക് പോകുന്ന പതിവുണ്ടായിരുന്നു. വലുതാകുമ്പോള് രേഖയെ കല്യാണം കഴിക്കണമെന്ന് വീട്ടില് പറഞ്ഞിരുന്നതായും സല്മാന് ഓര്ത്തെടുത്തു. ഇതുകൊണ്ടാകാം തന്റെ വിവാഹം നടക്കാത്തതെന്നായിരുന്നു സല്മാന്റെ ചിരിച്ചുകൊണ്ടുള്ള ആത്മഗതം. ഇതുകേട്ടതും ചിരിച്ചുകൊണ്ട് രേഖ നല്കിയ മറുപടിയും ഏറെ രസകരമായിരുന്നു. തന്റെ വിവാഹവും നടക്കാതെ പോയതെന്ന് സല്മാന്റെ ഈ ആഗ്രഹം കാരണമായിരിക്കാമെന്നായിരുന്നു രേഖയുടെ മറുപടി. ബിഗ് ബോസില് അവതാരകനായിരിക്കേ ഒരിക്കല് രേഖ ഫ്ളോറില് എത്തിയപ്പോഴായിരുന്നു സല്മാന്റെ ഈ തുറന്നുപറച്ചില്.
അടുത്തിടെ സല്മാന് ഖാന് നടി സോണാക്ഷി സിന്ഹയെ വിവാഹം കഴിച്ചുവെന്ന വ്യാജവാര്ത്തയും പരന്നിരുന്നു. എന്നാല് ഫോട്ടോഷോപ്പില് ആരോ വ്യാജമായുണ്ടാക്കിയ വാര്ത്തയാണിതെന്ന് സോണാക്ഷി സ്ക്രീന്ഷോര്ട്ട് സഹിതം സമൂഹമാധ്യമത്തില് പോസ്റ്റ് ചെയ്ത് ഇതൊരു വ്യാജവാര്ത്തയാണെന്ന് സ്ഥിരീകരിക്കുകയായിരുന്നു.
Recommended Video
ടൈഗര് ത്രീയാണ് ഇനി സല്മാന്റേതായി ഒടുവില് പുറത്തിറങ്ങാനുള്ള ചിത്രം. പരമ്പരയിലെ മൂന്നാമത്തെ ചിത്രത്തിലും കത്രീന കൈഫ് തന്നെയാണ് നായിക. പിന്നാലെ നോ എന്ട്രി 2, കഭി ഈദ് കഭി ദിവാലി, ബജ്രംഗി ഭായിജാന് എന്നീ ചിത്രങ്ങളും അണിയറയില് ഒരുങ്ങുകയാണ്. അന്തിം ആയിരുന്നു സല്മാന് ഖാന് നായകനായി ഒടുവില് പുറത്തിറങ്ങിയ ചിത്രം.
-
ഒരു പുരുഷന് ഒരു സ്ത്രീ എന്നതാണ് സംസ്കാരം! ധനുഷിന്റെയും ഐശ്വര്യയുടെയും ദാമ്പത്യ ജീവിതത്തെ പറ്റി നിര്മാതാവ്
-
ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര്
-
ഷൈന് ടോം തോച്ചോ? മറുപടി നല്കി തനു; ബ്രേക്കപ്പ് വാർത്തകള്ക്കിടെ ചര്ച്ചയായി മറുപടികള്