വിവാഹം നശിച്ചു കൊണ്ടിരിക്കുന്ന സമ്പ്രദായം!! അതിൽ വിശ്വസിക്കുന്നില്ല, വിവാഹത്തെ കുറിച്ച് സല്ലു

നശിച്ചു കൊണ്ടിരിക്കുന്ന സമ്പ്രദായം

ബോളിവുഡിലെ യുവതാരങ്ങൾ വരെ വിവാഹത്തിനെ കുറിച്ച് ചിന്തിക്കുമ്പോൾ എന്ത് കൊണ്ട് വിവാഹം കഴിക്കുന്നില്ല എന്നായിരുന്നു ചോദ്യം. താൻ വിവാഹത്തിൽ വിശ്വസിക്കുന്നില്ലെന്നും നശിച്ചുകൊണ്ടിരിക്കുന്ന സമ്പ്രദായമാണത്. എന്നാല്‍ ജീവിതത്തില്‍ ഒരു കൂട്ടുവേണം. അത്രമാത്രമേയുളളൂവെന്നും - സല്‍മാന്‍ പറഞ്ഞു.

താരം പ്രണയത്തിലോ

റൊമാനിയക്കാരിയായ ഒരു മോഡലുമായി താരം പ്രണയത്തിലാണെന്നുള്ള വാർത്തകൾ പ്രചരിച്ചിരുന്നു. വിവാഹ വാർത്തകൾ പ്രചരിച്ചപ്പോൾ വ്യാജ വാർത്തയാണെന്ന് പ്രതികരിച്ച് സൽമാന്റെ സഹോദരി അർപ്പിത ഖാൻ രംഗത്തെതത്തിയിരുന്നു. ഇതിനെ കുറിച്ചും താരത്തിനോട് ആരാഞ്ഞിരുന്നു.ന്നാല്‍ ലൂലിയയുമായി പ്രണയത്തിലാണോ എന്ന ചോദ്യത്തിന് സല്‍മാന്‍ മറുപടി നല്‍കാന്‍ തയ്യാറായില്ല. വിവാദമായ കേസുകളില്‍ നിന്ന് കുറ്റവിമുക്തനായാല്‍ മാത്രമേ വിവാഹത്തിനെ കുറിച്ച് ചിന്തിക്കാൻ സാധിക്കുകയുളളൂവെന്ന് താരം കൂട്ടിച്ചേർത്തു.

അച്ഛനാകാനുള്ള തയ്യാറെടുപ്പ്

അച്ഛനാകാൻ തയ്യാറെടുക്കുകയാണ് സൽമാൻഖാൻ.വാടക ഗർഭത്തിലൂടെ താരം അച്ഛനാകാൻ പോകുന്നത്. വിവാഹം കഴിക്കുകയാണെങ്കിൽ അതിന്റെ പ്രധാന ഉദ്ദ്യേശം കുഞ്ഞുങ്ങൾക്ക് വേണ്ടിയാണെന്ന് മുൻപ് താരം വെളിപ്പെടുത്തിയിരുന്നു. ബോലിവുഡിൽ സൽമാൻഖാന് വധുവിനെ കണ്ടെത്താൽ ഊർജിതമായി ഇപ്പോഴും നടക്കുകയാണ്. എന്നാൽ വിവാഹത്തിന് ഇപ്പോഴും തയ്യാറായിട്ടില്ലെന്നാണ് സല്ലുവിന്റെ വാദം.

അമ്മയെ വേണ്ട

തനിയ്ക്കൊരു കുഞ്ഞ് വേണം, എന്നാൽ അമ്മയെ ആവശ്യമില്ലെന്നും മുംബൈ മിററിന് നൽകിയ അഭിമുഖത്തിൽ സൽമാൻഖാൻ പറഞ്ഞു. എനിയ്ക്ക് കുഞ്ഞുങ്ങളെ വേണം, എന്നാൽ കുഞ്ഞിനൊപ്പം അമ്മയുണ്ടാകും, എനിയ്ക്ക് അമ്മയെ വേണ്ട, പക്ഷെ ആ കുഞ്ഞുങ്ങൾക്ക് വേണം... എന്നാൽ അവരെ നോക്കാൻ ഒരു ഗ്രാമം തന്നെ എന്നോടൊപ്പമുണ്ട്. ചിലപ്പോൾ എല്ലാവർക്കും ജയിക്കാനും തോൽക്കാനുമുള്ള അവസരം നൽകാൻ എനിയ്ക്കാവുമെന്നും താരം പറഞ്ഞിരുന്നു