'കുറച്ചെങ്കിലും നാണം വേണ്ടെ?'; പൂജ ഹെ​ഗ്ഡെ-സൽമാൻ ഖാൻ പ്രണയ വാർത്തയോട് പ്രതികരിച്ച് നടന്റെ സുഹൃത്ത്!

എന്നാൽ ഇതിനോടെല്ലാം പ്രതികരിച്ച് സൽമാന്റെ സുഹൃത്ത് പറഞ്ഞത് ഇപ്രകാരമായിരുന്നു. 'ഇത്തരം നിരുത്തരവാദപരമായ കിംവദന്തികൾ പ്രചരിപ്പിക്കുന്നവർക്ക് കുറച്ചെങ്കിലും നാണം വേണം. പൂജ ഹെഗ്‌ഡെയ്ക്ക് സൽമാന്റെ മകളുടെ പ്രായമെയുള്ളൂ.'

'അവർ ഒരുമിച്ച് ഒരു സിനിമ ചെയ്യുന്നു എന്നതുകൊണ്ട് മാത്രമാണ് ഇത്തരം ​ഗോസിപ്പുകൾ വരുന്നത്. അത് സിനിമയ്ക്ക് നല്ല പബ്ലിസിറ്റിയായി ചില വിഡ്ഢികൾക്ക് തോന്നിയേക്കാം. എന്നാൽ ഇത് ലജ്ജാകരമാണ്. ഇത്തരം കിംവദന്തിയെ സൽമാൻ ഗൗനിക്കുന്നില്ലയെന്നും' സുഹൃത്ത് പ്രതികരിച്ചു.

കഴിഞ്ഞയാഴ്ച ഉമൈർ സന്ധു എന്ന ചലച്ചിത്ര നിരൂപകനാണ് തന്റെ ട്വിറ്റർ അക്കൗണ്ടിൽ സൽമാൻ ഖാനും പൂജാ ഹെഗ്‌ഡെയും പ്രണയത്തിലാണെന്ന ട്വീറ്റ് പങ്കുവെച്ചത്. 'സൽമാൻ ഖാൻ പൂജ ഹെഗ്ഡെയുമായി പ്രണയത്തിലായി.'

'അദ്ദേഹത്തിന്റെ പ്രൊഡക്ഷൻ ഹൗസിന്റെ വരാനിരിക്കുന്ന രണ്ട് സിനിമകളിൽ കൂടി ഭാ​ഗമാകുന്നതിന് പൂജ കരാർ ഒപ്പുവെച്ചു. പുതിയ താരജോഡികൾ ഇപ്പോൾ പ്രണയത്തിലാണ്. ഇരുവരും ഒരുമിച്ചാണ് കൂടുതൽ സമയം ചെലവഴിക്കുന്നത്' എന്നായിരുന്നു വൈറൽ ട്വീറ്റ്.

സംഭവം വലിയ ചർച്ചയായതോടെ ചിലർ സൽമാനെ കുറിച്ച് ട്വീറ്റ് ചെയ്തയാളെ ചോദ്യം ചെയ്ത് രം​ഗത്തെത്തി. 'നിങ്ങൾക്ക് എവിടെ നിന്നാണ് ഇത്തരം വാർത്തകൾ ലഭിക്കുന്നത്? ഉറവിടം കൂടി വെളിപ്പെടുത്താൻ നിങ്ങൾ തയ്യാറാവണം, ഞങ്ങളുടെ സൽമാൻ ഭായ് ഒരിക്കലും ആരെയും വിവാഹം ചെയ്യില്ല' എന്നെല്ലാമാണ് സൽമാൻ ഖാൻ ആരാധകർ ​ഗോസിപ്പ് ട്വീറ്റ് ചെയ്തയാളെ ചോദ്യം ചെയ്ത് കുറിച്ചത്.

അടുത്തിടെ സൽമാനെ കേക്ക് കഴിപ്പിക്കാൻ ശ്രമിക്കുന്ന പൂജയുടെ ചിത്രങ്ങൾ സോഷ്യൽമീഡിയയിൽ വൈറലായിരുന്നു.

വിജയ് ചിത്രം ബീസ്റ്റും ആചാര്യയുമാണ് പൂജ ഹെ​ഗ്ഡെ അഭിനയിച്ച് ഏറ്റവും അവസാനം തിയേറ്ററുകളിലെത്തിയ സിനിമ. ബീസ്റ്റ് പക്ഷെ പ്രതീക്ഷിച്ച അത്രത്തോളം വിജയം നേടിയില്ല. പക്ഷെ പാട്ടുകളെല്ലാം വലിയ ഹിറ്റായിരുന്നു. ഒരു കാലത്ത് ബസാർ നടൻ റോഹൻ മെഹ്റയുമായി പൂജ ഹെ​ഗ്ഡെ പ്രണയത്തിലാണെന്ന തരത്തിൽ നിരവധി വാർത്തകൾ വന്നിരുന്നു.

പിന്നീട് അവയെല്ലാം കാണാതായി. സൽമാൻ ഖാൻ ചിത്രം ​ഗോഡ്ഫാദറാണ് സൽമാൻ അഭിനയിച്ച് ഏറ്റവും അവസാനം തിയേറ്ററുകളിലെത്തിയ സിനിമ. ചിത്രത്തിൽ ​ഗസ്റ്റ് റോളായിരുന്നു സൽമാൻ ഖാന്.

മലയാളം സിനിമ ലൂസിഫറിന്റെ തെലുങ്ക് റീമേക്കായിരുന്നു ​ഗോഡ് ഫാദർ. ചിത്രത്തിൽ നയൻതാരയായിരുന്നു നായിക. ലൂസിഫറില്‍ പൃഥ്വിരാജ് അവതരിപ്പിച്ച കഥാപാത്രത്തെയാണ് സല്‍മാന്‍ തെലുങ്കില്‍ അവതരിപ്പിച്ചത്. ചിരഞ്ജീവിയുടെ കരിയറിലെ 153ആം ചിത്രവുമായിരുന്നു ​ഗോഡ് ഫാദർ.

കോനിഡേല പ്രൊഡക്ഷന്‍ കമ്പനിയും സൂപ്പര്‍ ഗുഡ് ഫിലിംസും ചേര്‍ന്നാണ് ചിത്രത്തിന്‍റെ നിര്‍മ്മാണം നിർവഹിച്ചത്. സത്യദേവ് കഞ്ചാറാണയും ഒരു പ്രധാന കഥാപാത്രത്തെ അവതരിപ്പിച്ചിരുന്നു.