കോലിയും ആ വീഡിയോ പോസ്റ്റ് ചെയ്തതിന്റെ ലക്ഷ്യം വേറെ, സത്യം ഇതാണ്, വെളിപ്പെടുത്തലുമായി യുവാവ്

ആളാകാനുള്ള ശ്രമം

തന്റെ ഈ പോസ്റ്റിനു ഒരു നേട്ടവും ഉണ്ടാകാൻ താൻ ആഗ്രഹിക്കുന്നില്ല എന്ന ആമുഖത്തോടെയാണ് ഫേസ്ബുക്ക് പോസ്റ്റ് ആരംഭിക്കുന്നത്. സംഭവത്തെ ദാരുണം എന്നാണ് ഇയാൾ വിശേഷിപ്പിക്കുന്നത്. തന്റെ കയ്യിൽ നിന്ന് അങ്ങനെയൊരു തെറ്റ് സംഭവിച്ചു പോയി. അതിനു ഞാൻ ക്ഷമ ചോദിക്കുകയും ചെയ്തിരുന്നു. പിന്നീട് മറ്റുള്ളവരുടെ മുന്നിൽ ആളാകാനായിട്ടാണ് അനുഷ്കയും കോലിയും ഈ ദൃശ്യങ്ങൾ പകർത്തി സോഷ്യൽ മീഡിയയിൽ പോസ്റ്റ് ചെയ്തതെന്നും ഇയാൾ ആരോപിക്കുന്നുണ്ട്.

കുറ്റബോധം

ഒരു മില്ലി മീറ്റർ മാത്രം വരുന്ന ഫ്ലാസ്റ്റിക് മാലിന്യമാണ് താൻ റോഡിൽ വലിച്ചെറിഞ്ഞു പോയത്. ആ സമയത്താണ് അനുഷ്കയും കോലിയും കടന്നു പോയത്. ഉടനെ അനുഷ്ക ശർമ്മ കാറിന്റെ ചില്ലു താഴ്ത്തി എന്തൊക്കെയോ വിളിച്ചു പറയുന്നുണ്ടായിരുന്നു.താൻ ചെയ്ത തെറ്റിനെ ന്യായികരിക്കുന്നതല്ലെന്നും താന്റെ അശ്രദ്ധയിൽ കുറ്റബോധമുണ്ടെന്നും ഇയാൾ ഫേസ്ബുക്കിൽ കുറിച്ചു

മര്യാദയില്ലാതെ സംസാരിച്ചു

സംഭവത്തിൽ ക്ഷമാപണം അപ്പോൾ തന്നെ താൻ നടത്തുകയും ചെയ്തിരുന്നു. എന്നാൽ മിസിസ് അനുഷ്ക കോലിയുടെ സംസാരത്തിൽ അൽപം മാന്യതയും വിനയവുമാകാമായിരുന്നെന്ന് ഇയാൾ പറയുന്നുണ്ട്. മാന്യമായി സംസാരിച്ചാൽ താരമൂവ്യം ഇടിഞ്ഞു പോകുമോയെന്നും ഇയാൾ ചോദിച്ചു. പലതരം മര്യാദകളും ശുചിത്വവുമുണ്ട്. വാക്കുകളിലുളള മര്യാദ അതിലൊന്നാണെന്നും അര്‍ഹാന്‍ സിംഗ് പറയുന്നുണ്ട്.

കോലിയുടെ മനസ് മാലിന്യത്തിന് സമം

ആർഭാട കാറിൽ ഇരുന്ന് അനുഷ്കയുടെ വായിൽ നിന്ന് പുറത്തു പോയ മാലിന്യത്തേക്കാലും ചെറുതാണ് തന്റെ കയ്യിൽ നിന്ന് അബദ്ധ വശാൽ പുറത്തു പോയ മലിന്യം. എന്ത് നോട്ടമുണ്ടായാലും അത് ഷൂട്ട് ചെയ്ത് സോഷ്യൽ മീഡിയയിൽ പോസ്റ്റ് ചെയ്യുന്ന വിരാട് കോലിയുടെ വൃത്തി കെട്ട മനസിനെക്കാലും എത്രയോ ചെറുതാണ് തന്റെ കയ്യിൽ നിന്ന് പുറത്തു പോയ മാലിന്യമെന്നും അയൾ ഫേസ്ബുക്ക് പോസ്റ്റിൽ വ്യക്തമാക്കുന്നുണ്ട്. അനുഷ്ക യുവാവിനെ ശകാരിക്കുന്ന വീഡിയോ കോലിയാണ് ഇൻസ്റ്റഗ്രാമിൽ ഷെയർ ചെയ്തത്.