ചയ്യ ചയ്യ ഗാനം വീണ്ടും എത്തുന്നു, ഷാരൂഖിന്റെ പുതിയ ഡബ് സ്മാഷിലൂടെ കാണുക

1998 ല്‍ മണിരത്‌നം സംവിധാനം ചെയ്ത ചിത്രമായിരുന്നു ദില്‍സെ. ഷാരൂഖ് നായകനായി എത്തുന്ന ഈ ചിത്രത്തിലെ ചയ്യ ചയ്യ എന്ന് തുടങ്ങുന്ന ഗാനം വമ്പന്‍ ഹിറ്റായിരുന്നു.

ഇപ്പോഴിതാ ചിത്രത്തിലെ ഈ ഹിറ്റ് ഗാനത്തിന്റെ ഡബ് സ്മാഷുമായി ഷാരൂഖ് ഖാന്‍ രംഗത്ത്. ദില്‍സേ ചിത്രത്തിന്റെ 17ാം വര്‍ഷമാണ് ഈ ഡബ് സ്മാഷ് പുറത്തിറക്കിയത്. ട്വിറ്ററിലാണ് താരം ഡബ് സ്മാഷ് പോസ്റ്റ് ചെയ്തത്.

പ്രശ്‌സത സംഗീതഞ്ജന്‍ എ ആര്‍ റഹമാനാണ് ചിത്രത്തിലെ ഈ ഹിറ്റ് ഗാനം രചിച്ചത്. ട്രെയിനിന്റെ മുകളില്‍ വെച്ച് മലൈക അരോര ഖാനും ഷാരുഖാനും ഒന്നിച്ചുള്ള ഡാന്‍സ് രംഗമായിരുന്നു ഈ ഗാനത്തില്‍. ബോളിവുഡിലെ ഐതീഹാസിക ഗാനം എന്നൊരു വിശേഷണവും ഈ ഗാനത്തിന് കിട്ടിയിരുന്നു.

ചിത്രത്തിലെ ഈ ഒരു ഗാനം ചിത്രീകരിക്കാന്‍ വേണ്ടി മാത്രം നാല് ദിവസം വേണ്ടി വന്നിരുന്നു. ചിത്രത്തില്‍ മനീഷ കൊയ്രാളയും പ്രീതി സിന്റയുമാണ് നായിക വേഷങ്ങള്‍ അവതരിപ്പിച്ചത്.