ഒരു മുറി വാടകക്കു വേണം, ഒരു ദിവസത്തേയ്ക്ക് എത്രയാകും? ആരാധകന് മറുപടിയുമായി സൂപ്പർ താരം

ഇടയ്ക്ക് സോഷ്യൽ മീഡിയയിലൂടെ ആരാധകരുമായി താരം സംവദിക്കാറുണ്ട്. തന്റെ പുതിയ വിശേഷങ്ങൾ പങ്കുവെയ്ക്കുകയും, അവരുടെ ചോദ്യങ്ങൾക്ക് മറുപടി നൽകുകയും ചെയ്യാറുണ്ട്. ഇപ്പോഴി ട്വിറ്ററിൽ ആസ്ക് മീ എനിതിങ്ങിലൂടെ പ്രേക്ഷകരുടെ മുന്നിൽ എത്തയിരിക്കുകയാണ് കിങ് ഖാൻ. മന്നത്തിന്റെ ഒരു മുറി വാടകയ്ക്ക് വേണമെന്നും, എത്ര രൂപയാണ് ഒരുദിവസത്തെ വാടകയെന്നും ആരാധകൻ ചോദിക്കുന്നു.

ഉടൻ തന്നെ ചോദ്യത്തിന് ഉത്തരവുമായി താരം എത്തുകയായിരുന്നു. 30 വർഷത്തെ കഠിനാധ്വാനം വേണ്ടി വരുമെന്നായിരുന്നു മറുപടിയായി താരം പറഞ്ഞത്. ഇത് കൂടാതെ നിരവധി ചോദ്യങ്ങളും താരത്തെ തേടിയെത്തിയിരുന്നു. ഇതിനെല്ലാം ഉത്തംര നൽകുകയും ചെയ്തു. എന്നാൽ സെക്ഷൻ തുടങ്ങുന്നതിനു മുൻപ് തന്നെ 20 ചോദ്യങ്ങൾ മാത്രമേ ചോദിക്കാൻ പാടുള്ളുവെന്നും താരം പറഞ്ഞിരുന്നു. തനിയ്ക്ക് ഷേവ് ചെയ്യാൻ പോണം എന്നായിരുന്നു ഇതിന് രസകരമായ കാരണം താരം നൽകിയത്.

ചോദ്യോത്തര സെക്ഷനിൽ കെമിസ്ട്രി വിദ്യാർഥികൾക്ക് എന്തെങ്കിലും ഉപദേശം കൊടുക്കാനുണ്ടോ എന്നും ആരാധകൻ ചോദിച്ചിരുന്നു. ഇതിന് ഏറെ രസകരമായിട്ടാണ് എസ്ആർകെ മറുപടി നൽകിയത്. ഈ ചോദ്യത്തിനുളള ഉത്തരം ഞാൻ കെമിസ്ട്രി ടീച്ചറിന് അയക്കാമെന്ന് പറഞ്ഞു കൊണ്ട് നടി സുസ്മിത സെന്നിന് ടാഗ് ചെയ്യുകയായിരുന്നു.

ബോളിവുഡിലെ ലിറ്റിൽ സ്റ്റാറാണ് എസ്ആർകെയുടെ ഇളയമകൻ അബ്റാം ഖാൻ. താരത്തിനോടൊപ്പം എപ്പോഴും കുഞ്ഞ് അബ്രം കൂടെയുണ്ടായിരിക്കും. മകനുമായുള്ള ചിത്രങ്ങളും വിശേഷങ്ങളുമൊക്കെ താരം പങ്കുവെയ്ക്കാറുമുണ്ട്. അഭിമുഖങ്ങളിലെ ഒരു സ്ഥിര ചോദ്യമാണ് അബ്രാം . പതിവ് പോലെ കുഞ്ഞ് അബ്രാമും സെക്ഷനിൽ ചർച്ച വിഷയമായിരുന്നു. മകനിൽ നിന്ന് എന്താണ് പഠിച്ചതെന്നാണ് പ്രേക്ഷകർക്ക് അറിയേണ്ടത്. നിങ്ങൾ വിശന്ന് ഇരിക്കുകയോ, ദേഷ്യപ്പെട്ട് ഇരിക്കുകയോ ആണെങ്കിൽ ഇഷ്ടപ്പെട്ട വീഡിയോ ഗെയിം കളിച്ചു കൊണ്ട് കറച്ചു കരയുക എന്നായിരുന്നു മറുപടി.